വ​ട​ക്ക​ഞ്ചേ​രി-​മ​ണ്ണു​ത്തി ദേ​ശീ​യ​പാ​ത​യി​ൽ ദു​ർ​ഘ​ട യാ​ത്ര ത​ന്നെ

വ​ട​ക്ക​ഞ്ചേ​രി: ഉ​യ​ർ​ന്ന നി​ര​ക്കി​ൽ ടോ​ൾ കൊ​ടു​ത്ത് യാ​ത്ര ചെ​യ്യേ​ണ്ട വ​ട​ക്ക​ഞ്ചേ​രി - മ​ണ്ണു​ത്തി ആ​റു​വ​രി ദേ​ശീ​യ​പാ​ത​യി​ൽ അ​റ്റ​കു​റ്റ​പ്പ​ണി​ക​ൾ​ക്ക് അ​വ​സാ​ന​മി​ല്ല. വ​ട​ക്ക​ഞ്ചേ​രി മേ​ൽ​പാ​ല​ത്തി​ലെ ടാ​റി​ങ് പ​ണി​ക​ളാ​ണ് ഇ​പ്പോ​ൾ ന​ട​ക്കു​ന്ന​ത്. 28 കി​ലോ​മീ​റ്റ​ർ റോ​ഡി​ൽ പ​ല ഭാ​ഗ​ങ്ങ​ളും പൊ​ളി​ച്ച് അ​റ്റ​കു​റ്റ​പ്പ​ണി ന​ട​ക്കു​ന്ന​തി​നാ​ൽ ഇ​ക്കു​റി​യും ശ​ബ​രി​മ​ല തീ​ർ​ഥാ​ട​ക​ർ​ക്ക് ദു​രി​ത​യാ​ത്ര ത​ന്നെ​യാ​ണ്. പേ​രി​ൽ മാ​ത്ര​മാ​ണ് ആ​റു​വ​രി പാ​ത​യാ​യു​ള്ള​ത്. ഏ​ത് സ​മ​യ​വും അ​റ്റ​കു​റ്റ​പ്പ​ണി ന​ട​ക്കു​ന്ന വ​ട​ക്ക​ഞ്ചേ​രി​യി​ലെ​യും കു​തി​രാ​നി​ലെ​യും മേ​ൽ​പാ​ല​ങ്ങ​ളി​ൽ ഒ​രു വ​ശ​ത്തേ​ക്കു​ള്ള മൂ​ന്നു വ​രി​യി​ൽ ഒ​രു വ​രി​യി​ലൂ​ടെ മാ​ത്ര​മാ​ണ് പ​ല​പ്പോ​ഴും വാ​ഹ​ന​ങ്ങ​ൾ ക​ട​ത്തി​വി​ടു​ന്ന​ത്. കു​തി​രാ​ൻ വ​ഴു​ക്കും​പാ​റ​യി​ൽ തൃ​ശൂ​ർ ലൈ​നി​ൽ പാ​ത ഇ​ടി​ഞ്ഞ​ത് ആ​റു​മാ​സം മു​മ്പാ​യി​രു​ന്നു. എ​ന്നാ​ൽ, ഇ​ത്ര​യും മാ​സ​ങ്ങ​ൾ പി​ന്നി​ട്ടി​ട്ടും റോ​ഡ് പു​ന​ർ​നി​ർ​മാ​ണം ന​ട​ത്തി വാ​ഹ​ന​ങ്ങ​ൾ ക​ട​ത്തി​വി​ടാ​ൻ ക​രാ​ർ ക​മ്പ​നി​ക്ക് ക​ഴി​ഞ്ഞി​ട്ടി​ല്ല. തൃ​ശൂ​രി​ലേ​ക്കു​ള്ള വാ​ഹ​ന​ങ്ങ​ളെ​ല്ലാം പാ​ല​ക്കാ​ട് ലൈ​നി​ലൂ​ടെ​യാ​ണ് ഇ​പ്പോ​ഴും ക​ട​ത്തി​വി​ടു​ന്ന​ത്. ഈ ​ഭാ​ഗ​ത്ത് പാ​ല​ക്കാ​ട് ലൈ​നും അ​പ​ക​ട​ത്തി​ലാ​ണ്.

കൊ​മ്പ​ഴ മ​മ്മ​ദ് പ​ടി​യി​ൽ 150 മീ​റ്റ​റോ​ളം ദൂ​രം മൂ​ന്നു വ​രി പാ​ത​ക്ക് പ​ക​രം ര​ണ്ടു​വ​രി പാ​ത​യേ ഇ​പ്പോ​ഴും ഉ​ള്ളൂ. മൂ​ന്നു വ​രി പാ​ത​ക്കു​ള്ള സ്ഥ​ലം ഏ​റ്റെ​ടു​ത്തി​രു​ന്നെ​ങ്കി​ലും ഒ​രു വ​രി​യു​ടെ നി​ർ​മാ​ണം ഇ​പ്പോ​ഴും ന​ട​ത്തി​യി​ട്ടി​ല്ല. ഇ​തി​നാ​ൽ തു​ര​ങ്ക​പാ​ത ക​ട​ന്ന് മൂ​ന്ന് വ​രി​യി​ലൂ​ടെ വേ​ഗ​ത്തി​ൽ വ​രു​ന്ന വാ​ഹ​ന​ങ്ങ​ൾ ര​ണ്ട് വ​രി പാ​ത ക​ണ്ട് പെ​ട്ടെ​ന്ന് ബ്രേ​ക്ക് ച​വി​ട്ടും. ഇ​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​വു​ക​യാ​ണ്. ജി​ല്ല അ​തി​ർ​ത്തി​യാ​യ വാ​ണി​യം​പാ​റ ജ​ങ്ഷ​നി​ലാ​ണ് മ​റ്റൊ​രു അ​പ​ക​ട​ക്കെ​ണി.

ഇ​വി​ടെ​യു​ള്ള യു ​ടേ​ണാ​ണ് അ​പ​ക​ട​ങ്ങ​ൾ ഉ​ണ്ടാ​ക്കു​ന്ന​ത്. മു​ന്ന​റി​യി​പ്പ് ലൈ​റ്റു​ക​ൾ പോ​ലും ഇ​വി​ടെ​യി​ല്ല. അ​ണ്ട​ർ പാ​സും സ​ർ​വി​സ് റോ​ഡു​ക​ളും ആ​വ​ശ്യ​മാ​യ ഇ​വി​ടെ ഞാ​ണി​ന്മേ​ൽ ക​ളി പോ​ലെ​യാ​ണ് വാ​ഹ​ന​ങ്ങ​ൾ ദേ​ശീ​യ​പാ​ത മു​റി​ച്ചു​ക​ട​ക്കു​ന്ന​ത്.