വടക്കഞ്ചേരി: തൃശൂർ ഗവ. മെഡിക്കൽ കോളജ് ആശുപത്രിയിൽ ഡോക്ടർ നിർദേശിച്ച കമ്പനിയുടെ കമ്പി വാങ്ങാത്തതിനെ തുടർന്ന് നിശ്ചയിച്ച ശസ്ത്രക്രിയ മുടങ്ങിയെന്ന് ആരോപണം. പാലക്കാട് പുതുക്കോട് സ്വദേശി കുന്നത്ത് ചന്ദ്രശേഖരന്റെ ഇടതുകൈയുടെ ശസ്ത്രക്രിയയാണ് മുടങ്ങിയത്. രണ്ടാഴ്ച മുമ്പാണ് വീഴ്ചയിൽ പരിക്കേറ്റ ചന്ദ്രശേഖരനെ മെഡിക്കൽ കോളജിൽ പ്രവേശിപ്പിച്ചത്.
ചൊവ്വാഴ്ചയാണ് കമ്പി വാങ്ങാൻ നിർദേശിച്ചത്. ആശുപത്രിയിലെ ന്യായവില ഷോപ്പിൽനിന്ന് വാങ്ങിയ കമ്പി പറ്റില്ലെന്നും പുറത്ത് മറ്റൊരിടത്തുനിന്ന് വാങ്ങണമെന്നും ഡോക്ടർ നിർദേശിച്ചതായാണ് പരാതി. ശസ്ത്രക്രിയ മുടങ്ങിയതിനെത്തുടർന്ന് രോഗി ആശുപത്രി സൂപ്രണ്ടിന് പരാതി നൽകിയെങ്കിലും നടപടിയുണ്ടായില്ല.
ആശുപത്രിയിൽനിന്ന് ഡിസ്ചാർജ് ചെയ്ത് പോകാൻ ഡോക്ടർ ആവശ്യപ്പെട്ടതായും ചന്ദ്രശേഖരൻ ആരോപിച്ചു. വിഷയത്തിൽ ആരോഗ്യ മന്ത്രി ഇടപെട്ട് നടപടിയെടുക്കണമെന്ന് ഡെമോക്രാറ്റിക് കോൺഗ്രസ് സംസ്ഥാന ജനറൽ സെക്രട്ടറി സുരേഷ് വേലായുധൻ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.