മയക്കുമരുന്ന് കേസിൽ
പിടിയിലായവർ
വടക്കഞ്ചേരി: ബൈക്കിൽ മയക്കുമരുന്ന് കടത്തിയ യുവാക്കൾ പിടിയിൽ. വടക്കഞ്ചേരി പ്രധാനി സ്വദേശി മുഹമ്മദ് ഷാഹിദ് (21), പുതുക്കോട് തെക്കേപ്പൊറ്റ സ്വദേശി അനീസ് (22) എന്നിവരാണ് പിടിയിലായത്. ഇവരിൽ നിന്ന് രണ്ട് ഗ്രാം എം.ഡി.എം.എ പൊലീസ് കണ്ടെടുത്തു.
ജില്ല ലഹരി വിരുദ്ധ സ്ക്വാഡും വടക്കഞ്ചേരി പൊലീസും നടത്തിയ പരിശോധനയിലാണ് രണ്ടംഗ സംഘം പിടിയിലായത്. വടക്കഞ്ചേരി മംഗലം പാലം ഭാഗത്ത് വിൽപനക്കായി ബൈക്കിൽ മയക്കുമരുന്നുമായി പോകുന്നതിനിടെയാണ് ഇരുവരും പിടിയിലായതെന്ന് പൊലീസ് പറഞ്ഞു. ബംഗളൂരുവിൽ നിന്നാണ് മയക്കുമരുന്ന് എത്തിച്ചതെന്ന് പ്രതികൾ പൊലീസിന് മൊഴി നൽകി. സംഘത്തിൽ കൂടുതൽ പേർ ഉൾപ്പെട്ടിട്ടുണ്ടോയെന്ന് അന്വേഷിച്ചുവരുകയാണെന്ന് പൊലീസ് പറഞ്ഞു.
വടക്കഞ്ചേരി ഇൻസ്പെക്ടർ വി.ടി. ഷാജൻ, എസ്.ഐ പി.പി. ഷാജൻ, എ.എസ്.ഐ നീരജ് ബാബു, സീനിയർ സി.പി.ഒമാരായ ബാബു, രാംദാസ്, ജില്ല സ്ക്വാഡ് അംഗങ്ങളായ റഹിം മുത്തു, ആർ.കെ. കൃഷ്ണദാസ്, യു. സൂരജ് ബാബു, കെ. ദിലീപ് എന്നിവർ പരിശോധനയിൽ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.