പത്തനംതിട്ട: കോന്നി ഐരവണ്‍ പി.എസ്.വി.പി.എം ഹയര്‍സെക്കന്‍ഡറി സ്‌കൂളിലെ വിദ്യാര്‍ഥിയെ ഒമ്പതാം ക്ലാസ് പരീക്ഷ എഴുതിപ്പിക്കാനും ജയിച്ചാൽ 10ാം ക്ലാസിലേക്ക് പ്രവേശനം നല്‍കാനും ബാലാവകാശ കമീഷന് ഉത്തരവ്. കുട്ടിയ്ക്ക് മാനസിക- ശാരീരിക ബുദ്ധിമുട്ടുകള്‍ ഉണ്ടെങ്കില്‍ കൗണ്‍സിലിങും ആവശ്യമെങ്കില്‍ വൈദ്യസഹായവും നല്‍കണം. ഒരു കുട്ടിയെ സ്‌കൂളില്‍ നിന്ന് പുറത്താക്കുമ്പോള്‍ സ്വീകരിക്കേണ്ട നടപടിക്രമങ്ങള്‍ പാലിക്കാതെ കൃത്യവിലോപം നടത്തിയ സ്‌കൂള്‍ അധികൃതര്‍ക്കെതിരെ വകുപ്പുതല അന്വേഷണം നടത്താനും പൊതുവിദ്യാഭ്യാസ ഡയറക്ടര്‍ക്ക് കമീഷനംഗം എന്‍. സുനന്ദ നിര്‍ദ്ദേശം നല്‍കി. സ്‌കൂളില്‍ ചേര്‍ന്ന് ഒരാഴ്ച കഴിഞ്ഞ് ക്ലാസിലെ മറ്റുകുട്ടികളോടൊപ്പം ഇരുത്താതെ ഒറ്റയ്ക്കിരുത്തി, കുട്ടിയെ പഠിപ്പിക്കാന്‍ കഴിയില്ലെന്നും പരീക്ഷയെഴുതാന്‍ വന്നാല്‍ മതിയെന്നും പറഞ്ഞു,
ക്ലാസില്‍ ഇരുത്താതെ ഇറക്കിവിട്ടു തുടങ്ങിയവ ചൂണ്ടിക്കാട്ടി കോന്നി സ്വദേശിനി കമീഷന് നല്‍കിയ പരാതിയിലാണ് ഉത്തരവ്. കുട്ടിയുടെ പരീക്ഷ നടപടിക്രമങ്ങള്‍ മൂന്നുദിവസത്തിനകം തിരുവല്ല വിദ്യാഭ്യാസ ഉപ ഡയറക്ടര്‍ പൂര്‍ത്തിയാക്കണം. വകുപ്പുതല അന്വേഷണം 30 ദിവസത്തിനകം പൂര്‍ത്തിയാക്കി റിപ്പോര്‍ട്ടുനല്‍കണമെന്നും കമീഷന് നിര്‍ദ്ദേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.