പത്തനംതിട്ട: കേരളം നടക്കുന്നു പരിപാടിയുടെ ഭാഗമായി ജില്ലയില്‍ തിങ്കളാഴ്ച രാവിലെ ഒമ്പതിന് നടത്തം സംഘടിപ്പിക്കും. കലക്ട്രേറ്റില്‍ നിന്നു ജില്ലാ സ്റ്റേഡിയം വരെയാണ് നടത്തം. തിരുവല്ല മാര്‍ത്തോമ കോളേജ് ഗ്രൗണ്ടില്‍ നിന്ന് വൈകിട്ട് 3.30നും നടത്തം സംഘടിപ്പിക്കും.
ഇന്റര്‍ നാഷണല്‍ സ്‌പോര്‍ട്‌സ് സമ്മിറ്റിന്റെ ഭാഗമായാണ് പരിപാടി നടക്കുന്നത്. ജനപ്രതിനിധികള്‍, ഉദ്യോഗസ്ഥര്, കായിക താരങ്ങള്‍, പൊതുജനങ്ങള്‍, എസ്.പി.സി, കോളജ് വിദ്യാർഥികള്‍, ജില്ല സ്‌പോര്‍ട്‌സ് കൗണ്‍സിന്‍ ഭാരവാഹികള്‍, കായിക അസോസിയേഷന്‍, ഒളിമ്പിക് അസോസിയേഷന്‍ ഭാരവാഹികള്‍ തുടങ്ങിയവര്‍ പങ്കെടുക്കും. ജനുവരി 23 മുതല്‍ 26 വരെയാണ് തിരുവനന്തപുരം ഗ്രീന്‍ ഫീല്‍ഡ് സ്റ്റേഡിയത്തില്‍ പ്രഥമ അന്താരാഷ്ട്ര സ്‌പോര്‍ട്‌സ് സമ്മിറ്റ് നടക്കുന്നത്.
പരിപാടിയുടെ നടത്തിപ്പുമായി ബന്ധപ്പെട്ട് യോഗം കലക്ട്രേറ്റ് കോണ്‍ഫറന്‍സ് ഹാളില്‍ ജില്ല കലക്ടര്‍ എ. ഷിബുവിന്റെ അധ്യക്ഷതയില്‍ ചേര്‍ന്നു. ജില്ല സ്‌പോര്‍ട്‌സ് കൗണ്‍സില്‍ പ്രസിഡന്റ് കെ. അനില്‍ കുമാര്‍, ജില്ല ഉദ്യോഗസ്ഥര്, കായിക അസോസിയേഷന്‍ ഭാരവാഹികള്‍ തുടങ്ങിയവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.