കുന്നന്താനം വില്ലേജ് ഓഫിസും സ്മാർട്ടാകുന്നു

മ​ല്ല​പ്പ​ള്ളി: താ​ലൂ​ക്കി​ലെ വി​ല്ലേ​ജ് ഓ​ഫി​സു​ക​ളി​ൽ അ​വ​സാ​നം അ​നു​മ​തി ല​ഭി​ച്ച കു​ന്ന​ന്താ​നം വി​ല്ലേ​ജ് ഓ​ഫി​സും സ്മാ​ർ​ട്ടാ​കു​ന്നു. പ​ഴ​യ വി​ല്ലേ​ജ് ഓ​ഫി​സ് കെ​ട്ടി​ടം പൊ​ളി​ച്ചു​മാ​റ്റു​ന്ന​തി​നു​ള്ള പ്ര​വൃ​ത്തി​ക​ൾ ആ​രം​ഭി​ച്ചു. 44 ല​ക്ഷം രൂ​പ​യാ​ണ്​ അ​നു​വ​ദി​ച്ച​ത്. ഒ​രു നി​ല​യി​ൽ ഓ​പ​ൺ സ്പേ​സി​ലു​ള്ള കെ​ട്ടി​ട​ത്തി​ന് 1375 ച​തു​ര​ശ്ര​മീ​റ്റ​ർ വി​സ്തീ​ർ​ണം ഉ​ണ്ടാ​കും. ഇ​തി​ൽ വി​ല്ലേ​ജ് ഓ​ഫി​സ​റു​ടെ മു​റി​യും, സ്റ്റാ​ഫു​ക​ൾ​ക്കാ​യി ഗ്ലാ​സ് പ്ലാ​ന്‍റേ​ഷ​ൻ ചെ​യ്ത ഹാ​ളും, റെ​ക്കോ​ഡ് റൂ​മും, ഗു​ണ​ഭോ​ക്താ​ക്ക​ൾ​ക്കാ​യി വി​ശ്ര​മ​മു​റി​യും ഉ​ൾ​പ്പെ​ടു​ന്നു.

അ​റ്റാ​ച്ച​ഡ് ശുചിമുറി സം​വി​ധാ​ന​ത്തോ​ടു​കൂ​ടി ആ​ധു​നി​ക രീ​തി​യി​ലാ​ണ് നി​ർ​മാ​ണം വി​ഭാ​വ​നം ചെ​യ്തി​രി​ക്കു​ന്ന​ത്. ആ​വ​ശ്യ​മാ​യ സ്ഥ​ല​സൗ​ക​ര്യ​ങ്ങ​ൾ ഉ​ണ്ടാ​യി​ട്ടും താ​ലൂ​ക്കി​ലെ മൂ​ന്ന് വി​ല്ലേ​ജു​ക​ൾ​ക്ക് അ​നു​മ​തി ല​ഭി​ച്ച​ശേ​ഷ​മാ​ണ് കു​ന്ന​ന്താ​നം വി​ല്ലേ​ജി​നെ പ​രി​ഗ​ണി​ച്ച​ത്. വി​ല്ലേ​ജ്​ ഓ​ഫി​സ്​ പ്ര​വ​ർ​ത്ത​നം ഇ​പ്പോ​ൾ സ​മീ​പ​ത്തെ വാ​ട​ക കെ​ട്ടി​ട​ത്തി​ലാ​ണ്. അ​ടൂ​ർ നി​ർ​മി​തി കേ​ന്ദ്രം റീ​ജ​ന​ൽ ഏ​ജ​ൻ​സി​ക്കാ​ണ് നി​ർ​മാ​ണ ചു​മ​ത​ല.