മല്ലപ്പള്ളി-തിരുവല്ല റോഡിൽ; ഗതാഗതക്കുരുക്ക് നിയന്ത്രിക്കാൻ നടപടിയില്ല; അപകടം പതിവ്​

മ​ല്ല​പ്പ​ള്ളി: തി​രു​വ​ല്ല-​മ​ല്ല​പ്പ​ള്ളി റോ​ഡി​ലെ ഗ​താ​ഗ​ത​ക്കു​രു​ക്ക് നി​യ​ന്ത്രി​ക്കാ​ൻ ന​ട​പ​ടി വൈ​കു​ന്ന​തി​നാ​ൽ അ​പ​ക​ട​ങ്ങ​ൾ നി​ത്യ​സം​ഭ​വ​മാ​ക​ന്നു. റോ​ഡി​ന്റെ ഇ​രു​വ​ശ​ത്തെ​യും അ​ന​ധി​കൃ​ത പാ​ർ​ക്കി​ങ്ങും റോ​ഡി​ന്‍റെ വീ​തി​കു​റ​വും വ​ഴി​യോ​ര ക​ച്ച​വ​ട​വും റോ​ഡി​ലെ കു​ഴി​ക​ളു​മാ​ണ് ഇ​വി​ടെ വാ​ഹ​നാ​പ​ക​ട​ങ്ങ​ൾ പെ​രു​കാ​നും ഗ​താ​ഗ​ത​ക്കു​രു​ക്കി​നും പ്ര​ധാ​ന കാ​ര​ണ​ങ്ങ​ൾ. അ​ല​ക്ഷ്യ​മാ​യ വാ​ഹ​ന പാ​ർ​ക്കി​ങ് കാ​ൽ​ന​ട​ക്കാ​ർ​ക്കും ദു​രി​ത​മാ​കു​ക​യാ​ണ്.

ഒ​ട്ടേ​റെ കെ.​എ​സ്.​ആ​ർ.​ടി.​സി, സ്വ​കാ​ര്യ ബ​സു​ക​ളും സ​ർ​വി​സ് ന​ട​ത്തു​ന്ന റോ​ഡി​ൽ എ​പ്പോ​ഴും തി​ര​ക്കു​മാ​ണ്. ഈ ​റോ​ഡി​ന്റെ വ​ശ​ങ്ങ​ളി​ലാ​ണ് വി​വി​ധ ആ​വ​ശ്യ​ങ്ങ​ൾ​ക്ക് എ​ത്തു​ന്ന​വ​രു​ടെ വാ​ഹ​ന​ങ്ങ​ളും പാ​ർ​ക്ക് ചെ​യ്യു​ന്ന​ത്. ചി​ല​യി​ട​ങ്ങ​ളി​ൽ റോ​ഡി​ലേ​ക്ക് ഇ​റ​ക്കി വാ​ഹ​നം പാ​ർ​ക്ക് ചെ​യ്യു​ന്ന​തി​നാ​ൽ മ​റ്റു​ള്ള വാ​ഹ​ന​ങ്ങ​ൾ​ക്ക് ക​ട​ന്നു​പോ​കാ​ൻ ക​ഴി​യാ​ത്ത സ്ഥി​തി​യാ​ണ്. ഇ​തു​മൂ​ലം പ​ല​പ്പോ​ഴും ഏ​റെ​നേ​രം ഗ​താ​ഗ​ത​ക്കു​രു​ക്കി​ന്​ വ​ഴി​യൊ​രു​ക്കു​ന്നു.

ന​ട​പ്പാ​ത കൈ​യേ​റി വാ​ഹ​ന​ങ്ങ​ൾ പാ​ർ​ക്ക്​ ചെ​യ്യു​ന്ന​വ​രു​മു​ണ്ട്. വാ​ഹ​ന​ങ്ങ​ൾ ക​ട​ന്നു​പോ​ക​ണ​മെ​ങ്കി​ൽ പാ​ർ​ക്ക്​ ചെ​യ്ത​വ മാ​റ്റ​ണം. അ​തു​വ​രെ മ​റ്റ് വാ​ഹ​ന​ങ്ങ​ൾ കാ​ത്തു​കി​ട​ക്കേ​ണ്ട ഗ​തി​കേ​ടി​ലാ​ണ്.

വ​ലി​യ വാ​ഹ​ന​ങ്ങ​ൾ​ക്ക് വ​ൺ​വേ സം​വി​ധാ​നം ഉ​ണ്ടെ​ങ്കി​ലും പാ​ലി​ക്കു​ന്നി​ല്ലെ​ന്നും പ​രാ​തി​യു​ണ്ട്. മാ​ർ​ക്ക​റ്റ് പ്ര​വ​ർ​ത്തി​ക്കു​ന്ന ചൊ​വ്വ, വെ​ള്ളി ദി​വ​സ​ങ്ങ​ളി​ൽ ന​ട​പ്പാ​തെ കൈ​യേ​റി​യു​ള്ള വ​ഴി​യോ​ര ക​ച്ച​വ​ട​വും പാ​ർ​ക്കി​ങ്ങും കാ​ര​ണം ന​ട്ടം​തി​രി​യേ​ണ്ട അ​വ​സ്ഥ​യാ​ണ്. ഇ​തി​നു​പു​റ​മെ വാ​ട്ട​ർ അ​തോ​റി​റ്റി​വ​ക കു​ഴി​ക​ളും. പു​തി​യ പൈ​പ്പ് ലൈ​ൻ സ്ഥാ​പി​ക്കാ​ൻ എ​ടു​ക്കു​ന്ന കു​ഴി​ക​ളും പൈ​പ്പ് ലൈ​ൻ പൊ​ട്ടി ഉ​ണ്ടാ​കു​ന്ന കു​ഴി​ക​ളും ശ​രി​ക്കും മൂ​ടാ​റി​ല്ല. വാ​ഹ​ന​ങ്ങ​ൾ ക​യ​റു​മ്പോ​ൾ വ​ലി​യ കു​ഴി​യാ​യി മാ​റു​ക​യാ​ണ്. ടൗ​ണി​ൽ വ​ൺ​വേ തീ​രു​ന്ന ഭാ​ഗ​ത്ത് പൊ​തു​മ​രാ​മ​ത്ത് വ​കു​പ്പ് നി​ര​വ​ധി ത​വ​ണ കു​ഴി​ക​ൾ അ​ട​ച്ച​താ​ണെ​ങ്കി​ലും വീ​ണ്ടും രൂ​പ​പ്പെ​ട്ടു. ടൗ​ണി​ലെ ഡ്രൈ​വ​ർ​മാ​രു​ടെ നേ​തൃ​ത്വ​ത്തി​ലും കു​ഴി​ക​ൾ അ​ട​ച്ചി​ട്ടു​ണ്ട്.

ടൗ​ണി​ലെ​യും സ​മീ​പ​ങ്ങ​ളി​ലെ​യും അ​ന​ധി​കൃ​ത പാ​ർ​ക്കി​ങ് സം​ബ​ന്ധി​ച്ച് താ​ലൂ​ക്ക് വി​ക​സ​ന സ​മി​തി​യി​ൽ തീ​രു​മാ​ന​ങ്ങ​ൾ എ​ടു​ക്കു​ന്നു​ണ്ടെ​ങ്കി​ലും എ​ല്ലാം ക​ട​ലാ​സി​ൽ ഒ​തു​ങ്ങു​ക​യാ​ണ്.

ഗ​താ​ഗ​ത​ക്കു​രു​ക്ക് നി​യ​ന്ത്രി​ക്കാ​ൻ ടൗ​ണി​ൽ ഹോം​ഗാ​ർ​ഡി​ന്റെ​യും പൊ​ലീ​സി​ന്റെ​യും സേ​വ​നം ല​ഭ്യ​മാ​ക്കു​മെ​ന്ന്​ തീ​രു​മാ​നി​ച്ചി​രു​ന്നു​വെ​ങ്കി​ലും ന​ട​പ​ടി​യു​ണ്ടാ​യി​ട്ടി​ല്ല.

മാ​ർ​ക്ക​റ്റ് പ്ര​വ​ർ​ത്തി​ക്കു​ന്ന തി​ര​ക്കേ​റി​യ ദി​വ​സ​ങ്ങ​ളി​ലെ​ങ്കി​ലും അ​വ​രു​ടെ സേ​വ​നം ല​ഭ്യ​മാ​ക്ക​ണ​മെ​ന്നാ​ണ് വ്യാ​പാ​രി​ക​ളു​ടെ​യും നാ​ട്ടു​കാ​രു​ടെ​യും ആ​വ​ശ്യം.