പന്തളത്തെ അനധികൃത കെട്ടിടങ്ങൾ; നടപടി നോട്ടീസിൽ ഒതുങ്ങി

പന്തളം: നഗരസഭ പരിധിയിൽ അനധികൃത കെട്ടിടങ്ങൾ നിരവധി ഉയർന്നിട്ടും നടപടിയെടുക്കാതെ അധികൃതർ. മുൻ നഗരസഭ സെക്രട്ടറി ഒമ്പതോളം കെട്ടിടങ്ങൾ പൊളിച്ചുമാറ്റാൻ നോട്ടീസ് നൽകിയിട്ടും നഗരസഭ നടപടി സ്വീകരിച്ചിട്ടില്ല. ഭരണകക്ഷിയുടെ രാഷ്ട്രീയത്തിലാണ് മിക്ക കെട്ടിടങ്ങളും പന്തളത്ത് ഉയർന്നിരിക്കുന്നത്. തനതു വരുമാനം കുറവുള്ള നഗരസഭയിൽ ശമ്പളവും പെൻഷനും നൽകാൻ കൃത്യമായി സാധിക്കാത്ത വിധം സാമ്പത്തിക പ്രതിസന്ധി ഉണ്ടാകാറുണ്ട്.

അനധികൃത കെട്ടിടങ്ങൾ വർധിച്ചതോടെ നഗരസഭയിൽ കെട്ടിട നികുതിയിനത്തിൽ ലഭിക്കേണ്ട വരുമാനം പോലും ലഭിക്കുന്നില്ല. കെട്ടിട നിർമാണത്തിനായി നഗരസഭയിൽനിന്ന് അനുമതി വാങ്ങുമ്പോൾ തന്നെ മുഴുവൻ പ്ലാനും എസ്റ്റിമേറ്റും സമർപ്പിക്കേണ്ടതാണ്.

എന്നാൽ, പുറമ്പോക്കിലും മറ്റുമാണ് ഇപ്പോൾ നിർമാണം പുരോഗമിക്കുന്നത്. തുടർന്ന് ആദ്യനിലയുടെ നിർമാണം പൂർത്തിയാക്കിയ ശേഷം നഗരസഭയിൽ പൂർത്തീകരണ റിപ്പോർട്ട് നൽകി കെട്ടിടത്തിനു നമ്പർ രേഖപ്പെടുത്തിക്കും. പല കെട്ടിടങ്ങളും ഭാഗിക നിർമാണം നടത്തി നഗരസഭയിൽനിന്ന് നമ്പർ വാങ്ങുന്ന പതിവാണ്.സാമ്പത്തിക പ്രയാസം ഉള്ളതിനാൽ ബാക്കി ഇപ്പോൾ നിർമിക്കുന്നില്ലെന്നു ചൂണ്ടിക്കാട്ടിയാണ് കെട്ടിടത്തിനു നമ്പർ ഇടീക്കുന്നത്.

പിന്നീട് നഗരസഭ അറിയാതെ കെട്ടിടത്തിന്റെ മുകൾ നിലകൾ പണിയുകയും കൃത്യമായി ഉപയോഗിക്കുകയും ചെയ്യും. പരാതി ഉണ്ടായില്ലെങ്കിൽ നഗരസഭ അധികൃതർ നിർമാണത്തെക്കുറിച്ച് അറിയുക പോലുമില്ല.

ത​ട്ടി​പ്പിന്‍റെ ടി​ൻ ഷീ​റ്റ് മേ​ൽ​ക്കൂ​ര

കെ​ട്ടി​ട നി​കു​തി വെ​ട്ടി​ക്കു​ന്ന​തി​നു​ള്ള മ​റ്റൊ​രു ത​ട്ടി​പ്പാ​ണ്​ ടെ​റ​സി​നു മു​ക​ളി​ലെ ടി​ൻ ഷീ​റ്റ് മേ​ൽ​ക്കൂ​ര സ്ഥാ​പി​ക്ക​ൽ. മേ​ൽ​ക്കൂ​ര​യു​ടെ സം​ര​ക്ഷ​ണ​ത്തി​നാ​യി നി​യ​മാ​നു​സൃ​തം ഒ​ന്ന​ര മീ​റ്റ​ർ ഉ​യ​ര​ത്തി​ൽ വീ​ടി​നു മു​ക​ളി​ൽ ടി​ൻ​ഷീ​റ്റ് മേ​ൽ​ക്കൂ​ര സ്ഥാ​പി​ക്കാ​മെ​ന്നാ​ണു നി​യ​മം. ഷീ​റ്റ് മേ​ൽ​ക്കൂ​ര​യു​ടെ പൊ​ക്കം ഇ​തി​നു മു​ക​ളി​ലാ​യാ​ൽ ഒ​രു നി​ല എ​ന്നു ക​ണ​ക്കാ​ക്കി നി​കു​തി ഈ​ടാ​ക്കാ​മെ​ന്നാ​ണു ന​ഗ​ര​സ​ഭ കെ​ട്ടി​ട നി​ർ​മാ​ണ​ച്ച​ട്ട​ത്തി​ൽ പ​റ​യു​ന്ന​ത്.

എ​ന്നാ​ൽ, പ​ല സ്ഥ​ല​ങ്ങ​ളി​ലും നി​യ​മാ​നു​സൃ​ത​മ​ല്ലാ​തെ ഉ​യ​ര​ത്തി​ൽ ടി​ൻ ഷീ​റ്റ് മേ​ൽ​ക്കൂ​ര നി​ർ​മി​ച്ച്​ ഭി​ത്തി​കെ​ട്ടി സീ​ലി​ങ് ക്ര​മീ​ക​രി​ച്ച്​ അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ​ക്ക്​ വാ​ട​ക​ക്ക്​ ന​ൽ​കി വ​രു​മാ​നം നേ​ടു​ന്നു​ണ്ട്. ന​ഗ​ര​സ​ഭ​ക്ക്​ ല​ഭി​ക്കു​ന്ന നി​കു​തി വ​രു​മാ​നം പൂ​ജ്യ​മാ​യി​രി​ക്കും.

ന​ഗ​ര​സ​ഭ കെ​ട്ടി​ട നി​ർ​മാ​ണ​ച്ച​ട്ടം നി​ല​വി​ൽ വ​രു​ന്ന​തി​നു മു​മ്പ്​ നി​ർ​മി​ച്ച കെ​ട്ടി​ട​ങ്ങ​ൾ ന​വീ​ക​രി​ച്ചു മു​ക​ൾ നി​ല​യും മ​റ്റും നി​ർ​മി​ച്ചാ​ൽ കെ​ട്ടി​ട​ത്തി​നു മു​ഴു​വ​നാ​യി പു​തി​യ ച​ട്ടം ബാ​ധ​ക​മാ​ണ്. അ​തി​നാ​ൽ പൊ​തു​നി​ര​ത്തി​ൽ​നി​ന്നു​ള്ള അ​ക​ലം പോ​ലും കൃ​ത്യ​മാ​യി പാ​ലി​ക്ക​ണം. ഇ​തെ​ല്ലാം ലം​ഘി​ച്ചാ​ണ്​ ന​ഗ​ര​ത്തി​ൽ ചി​ല​യി​ട​ങ്ങ​ളി​ൽ കെ​ട്ടി​ട​ങ്ങ​ൾ നി​ർ​മി​ക്കു​ന്ന​ത്.