ചുവപ്പുനാടകൾ അഴിഞ്ഞു; കായികതാരം ടിയാന ‘തീരം അണഞ്ഞു’

റാ​ന്നി: നീ​ണ്ട ഒ​ൻ​പ​തു​വ​ർ​ഷം. പോ​രാ​ട്ട​ത്തി​ന്റെ നി​ർ​ത്താ​തെ​യു​ള്ള ഓ​ട്ടം. കാ​ലി​ട​റി​യി​ട​ത്തൊ​ന്നും കി​ത​യ്ക്കാ​തെ മു​ന്നോ​ട്ടു​പോ​യ ടി​യാ​ന വി​ജ​യ​തീ​ര​മ​ണ​ഞ്ഞു. ‘‘ഏ​റെ സ​ന്തോ​ഷം... നീ​ണ്ട കാ​ത്തി​രി​പ്പി​ന് വി​രാ​മ​മാ​യി’’. ഒ​ടു​വി​ൽ സ​ർ​ക്കാ​ർ ജോ​ലി ന​ൽ​കാ​ൻ സം​സ്ഥാ​ന സ​ർ​ക്കാ​ർ തീ​രു​മാ​നി​ച്ചെ​ന്ന വി​വ​രം അ​റി​ഞ്ഞ​പ്പോ​ൾ ഇ​ന്ത്യ​യു​ടെ മെ​ഡ​ൽ ജേ​താ​വി​ന്‍റെ പ്ര​തി​ക​ര​ണം ഇ​ങ്ങ​നെ ആ​യി​രു​ന്നു. ഒ​രു പ​തി​റ്റാ​ണ്ടാ​യി നി​ല​നി​ന്നി​രു​ന്ന സ​ർ​ക്കാ​ർ വി​ല​ക്ക് നീ​ങ്ങി​യ​തോ​ടെ​യാ​ണ് സാ​ഫ് ഗെ​യിം​സ് സ്വ​ർ​ണ​മെ​ഡ​ൽ ജേ​താ​വ് വെ​ച്ചൂ​ച്ചി​റ ചാ​ത്ത​ൻ​ത​റ കു​രു​മ്പ​ൻ​മൂ​ഴി കാ​ളി​യാ​നി​ക്ക​ൽ ടി​യാ​ന മേ​രി തോ​മ​സി​ന്‍റെ സ​ർ​ക്കാ​ർ ജോ​ലി​യെ​ന്ന സ്വ​പ്‌​നം പൂ​വ​ണി​ഞ്ഞ​ത്. അ​തും ആ​ഗ്ര​ഹി​ച്ച​തു​പോ​ലെ കേ​ര​ള​ത്തി​ൽ ത​ന്നെ. മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ഒ​രൊ​പ്പി​ൽ വി​രി​ഞ്ഞ​ത് ട്രാ​ക്കി​ൽ ത​ള​രാ​തെ രാ​ജ്യ​ത്തി​നാ​യി സ്വ​ർ​ണ​മെ​ഡ​ലു​ക​ൾ നേ​ടി​യ കാ​യി​ക​താ​ര​ത്തി​ന്‍റെ ആ​ത്മാ​ഭി​മാ​നം കൂ​ടി​യാ​ണ്. ഒ​പ്പം അ​വ​സാ​നി​ച്ച​ത് ഒ​രു പ​തി​റ്റാ​ണ്ട​ത്തെ പോ​രാ​ട്ട​വും. സ​ർ​ക്കാ​ർ ഉ​ത്ത​ര​വ് ല​ഭി​ക്കു​ന്ന​തോ​ടെ സ്പോ​ർ​ട്‌​സ് കേ​ര​ള ഫൗ​ണ്ടേ​ഷ​നി​ൽ ജോ​ലി​യി​ൽ പ്ര​വേ​ശി​ക്കും.

വി​ല്ല​നാ​യി ഉ​ത്തേ​ജ​ക ആ​രോ​പ​ണം

4x400 റി​ലേ​യി​ൽ വി​വി​ധ മ​ത്സ​ര​ങ്ങ​ളി​ൽ സ്വ​ർ​ണ​മെ​ഡ​ലു​ക​ൾ നേ​ടി​യ ടി​യാ​ന​യ്ക്ക് ജോ​ലി ല​ഭി​ക്കു​ന്ന​തി​ന് ത​ട​സ്സ​മാ​യി​വ​ന്ന​ത് ഉ​ത്തേ​ജ​ക​മ​രു​ന്ന് ഉ​പ​യോ​ഗ​മെ​ന്ന ആ​രോ​പ​ണ​മാ​യി​രു​ന്നു. 2011 ജൂ​ൺ 29ന് ​ന​ട​ന്ന പ​രി​ശോ​ധ​ന​യി​ലാ​ണ് കോ​മ​ൺ​വെ​ൽ​ത്ത് ഗെ​യിം​സി​ലും ഏ​ഷ്യ​ൻ ഗെ​യിം​സി​ലു​മൊ​ക്കെ ഇ​ന്ത്യ​യു​ടെ 4x400 മീ​റ്റ​ർ റി​ലേ ടീ​മി​ൽ അം​ഗ​ങ്ങ​ളാ​യി​രു​ന്ന ടി​യാ​ന അ​ട​ക്കം ആ​റു​വ നി​ത​ക​ൾ ഉ​ത്തേ​ജ​ക​മ​രു​ന്ന് ഉ​പ​യോ​ഗി​ച്ചെ​ന്ന് ക​ണ്ടെ​ത്തു​ക​യും സ​സ്പെ​ൻ​ഡു​ചെ​യ്യു​ക​യും ചെ​യ്ത​ത്. യു​ക്രൈ​ൻ​കാ​ര​നാ​യ കോ​ച്ച് ന​ൽ​കി​യ വൈ​റ്റ​മി​ൻ ഗു​ളി​ക​യാ​ണ് വി​ന​യാ​യ​ത്. വി​ല​ക്ക് 2013-ൽ ​അ​വ​സാ​നി​ച്ച​തോ​ടെ ഇ​വ​ർ ട്രാ​ക്കി​ൽ വീ​ണ്ടും സ​ജീ​വ​മാ​യി. പി​ന്നീ​ട് പ​രി​ക്കി​നെ തു​ട​ർ​ന്ന് മ​ത്സ​ര​ങ്ങ​ളി​ൽ​നി​ന്നു പി​ന്മാ​റി.

പ്ര​തീ​ക്ഷ​യോ​ടെ കാ​ത്തി​രുന്നു

ഉ​ത്തേ​ജ​ക മ​രു​ന്ന്​ ആ​രോ​പ​ണ​ത്തി​ൽ ഉ​ൾ​പ്പെ​ട്ടി​രു​ന്ന മ​റ്റ്​ അ​ഞ്ചു​പേ​രും വ​ർ​ഷ​ങ്ങ​ൾ​ക്കു​മു​മ്പേ ജോ​ലി​യി​ൽ പ്ര​വേ​ശി​ച്ചി​ട്ടും ടി​യാ​ന​യു​ടെ ജോ​ലി​യെ​ന്ന മോ​ഹം സ​ർ​ക്കാ​ർ വി​ല​ക്കി​ൽ കു​രു​ങ്ങി നീ​ളു​ക​യാ​യി​രു​ന്നു.

അ​ന്ന് ടി​യാ​ന​യ്ക്ക്‌ ഒ​പ്പം സ​സ്പെ​ൻ​ഡ്​ ചെ​യ്യ​പ്പെ​ട്ട അ​ശ്വി​നി അ​ക്കു​ഞ്ചി സ്പോ​ർ​ട്‌​സ് അ​തോ​റി​റ്റി​യി​ലും സി​നി ജോ​സ് റെ​യി​ൽ​വേ​യി​ലും മ​ൻ​ദീ​പ് കൗ​ർ പ​ഞ്ചാ​ബ് പൊ​ലീ​സി​ലും ജോ​നാ മു​ർ​മു ഒ.​എ​ൻ.​ജി.​സി​യി​ലും പ്രി​യ​ങ്ക പ​വാ​ർ ഇ​ൻ​കം​ടാ​ക്‌​സി​ലും ജോ​ലി​ക്കു​ക​യ​റി.

റെ​യി​ൽ​വേ​യി​ലും എ​ഫ്.​സി.​ഐ.​യി​ലും നി​ന്ന് ജോ​ലി​വാ​ഗ്ദാ​ന​ങ്ങ​ൾ ല​ഭി​ച്ചെ​ങ്കി​ലും കേ​ര​ള​ത്തി​ൽ ത​ന്നെ ജോ​ലി കി​ട്ടു​മെ​ന്ന പ്ര​തീ​ക്ഷ​യി​ലാ​യി​രു​ന്നു ടി​യാ​ന. സം​സ്ഥാ​ന സ​ർ​ക്കാ​രി​ന്‍റെ സ്പോ​ർ​ട്‌​സ് ക്വാ​ട്ട നി​യ​മ​ന​ത്തി​ന് ടി​യാ​ന അ​പേ​ക്ഷി​ച്ചു. സെ​ക്ര​ട്ടേ​റി​യ​റ്റ് അ​സി​സ്റ്റ​ന്റ് നി​യ​മ​ന പ​ട്ടി​ക​യി​ൽ പേ​ര് വ​ന്നെ​ങ്കി​ലും പ​ഴ​യ ഉ​ത്തേ​ജ​ക ക​ഥ​പ​റ​ഞ്ഞ് പേ​രു​വെ​ട്ടി.

ഒ​രി​ക്ക​ൽ​കൂ​ടി ഫ​യ​ൽ നീ​ക്കി

2014 മു​ത​ൽ പ​ല​ത​വ​ണ കാ​യി​ക​മ​ന്ത്രി​യെ​യും മു​ഖ്യ​മ​ന്ത്രി​യെ​യും നേ​രി​ട്ടു​ക​ണ്ട് സ​ങ്ക​ടം അ​റി​യി​ച്ച​താ​ണ്. സ്​​പോ​ർ​ട്​​സ്​ ജേ​ർ​ണ​ലി​സ്റ്റു​ക​ളും ഉ​ന്ന​ത ഉ​ദ്യോ​ഗ​സ്ഥ​രാ​യ കാ​യി​ക പ്രേ​മി​ക​ളും ടി​യാ​ന​യുു​ടെ ദുഃ​ഖം ഒ​രി​ക്ക​ൽ​കൂ​ടി മു​ഖ്യ​മ​ന്ത്രി​യു​ടെ മു​ന്നി​ലേ​ക്ക്​ എ​ത്തി​ച്ചാ​ണ്​ പ​രി​ഹാ​രം ക​ണ്ട​ത്.

സ​ർ​വീ​സി​ലി​രി​ക്കേ​ണ്ട ഒ​ൻ​പ​തു​വ​ർ​ഷ​ങ്ങ​ൾ ന​ഷ്ട​മാ​യെ​ങ്കി​ലും വെ​ച്ചൂ​ച്ചി​റ ചാ​ത്ത​ൻ​ത​റ കു​രു​മ്പ​ൻ​മൂ​ഴി കാ​ളി​യാ​നി​ക്ക​ൽ ടി​യാ​ന മേ​രി തോ​മ​സ് ഇ​പ്പോ​ഴെ​ങ്കി​ലും ജോ​ലി​ല​ഭി​ച്ച​തി​ന്റെ സ​ന്തോ​ഷ​ത്തി​ലാ​ണ്. ഭ​ർ​ത്താ​വ് റി​ന്റോ​യ്ക്കും മ​ക്ക​ളാ​യ ആ​തി​ലി​നും അ​ന്ന​യ്ക്കു​മൊ​പ്പം ടി​യാ​ന ഇ​പ്പോ​ൾ ക​ട്ട​പ്പ​ന സ​ന്ന്യാ​സി​ഓ​ട​യി​ലാ​ണ് താ​മ​സി​ക്കു​ന്ന​ത്.