വ്യാജ സ്വർണവിഗ്രഹം കാട്ടി 10​ കോടി തട്ടാൻ ശ്രമിച്ച കേസ്: പ്രതിക്ക് ജാമ്യമില്ല

തൃ​ശൂ​ർ: വ്യാ​ജ സ്വ​ർ​ണ​വി​ഗ്ര​ഹം കാ​ട്ടി 10​ കോ​ടി ത​ട്ടാ​ൻ ശ്ര​മി​ച്ച കേ​സി​ൽ പ്ര​തി​യു​ടെ ജാ​മ്യാ​പേ​ക്ഷ കോ​ട​തി ത​ള്ളി. എ​ള​വ​ള്ളി ക​ണ്ട​മ്പു​ള്ളി സു​ജി​ത് രാ​ജി‍‍െൻറ (39) ജാ​മ്യാ​പേ​ക്ഷ​യാ​ണ് തൃ​ശൂ​ര്‍ ജി​ല്ല സെ​ഷ​ന്‍സ് ജ​ഡ്​​ജി പി.​എ​ന്‍. വി​നോ​ദ് ത​ള്ളി​യ​ത്. ഈ ​മാ​സം ര​ണ്ടി​നാ​ണ് കേ​സി​നാ​സ്പ​ദ​മാ​യ സം​ഭ​വം. പൂ​ർ​ണ​മാ​യും സ്വ​ർ​ണ​ത്തി​ല്‍ നി​ർ​മി​ച്ച​താ​ണെ​ന്നും അ​ത്യ​പൂ​ർ​വ പു​രാ​വ​സ്തു​വാ​ണെ​ന്നും തെ​റ്റി​ദ്ധ​രി​പ്പി​ച്ചാ​ണ്​ ത​ട്ടി​പ്പി​ന്​ ശ്ര​മി​ച്ച​ത്. കേ​സി​ലെ മ​റ്റു പ്ര​തി​ക​ളു​മാ​യി കൂ​ട്ടു​ചേ​ര്‍ന്ന് ഇ​ട​നി​ല​ക്കാ​ര​നാ​യാ​ണ് സു​ജി​ത് രാ​ജ് പ്ര​വ​ര്‍ത്തി​ച്ച​ത്. വി​ല​കു​റ​ഞ്ഞ ലോ​ഹ​ങ്ങ​ള്‍ കൊ​ണ്ടാ​യി​രു​ന്നു വി​ഗ്ര​ഹം നി​ർ​മി​ച്ച​ത്.

വി​ഗ്ര​ഹം രാ​ജ​കു​ടും​ബ​ത്തി​ല്‍ നി​ന്നു ല​ഭി​ച്ച പു​രാ​വ​സ്തു​വാ​ണെ​ന്ന് തെ​റ്റി​ദ്ധ​രി​പ്പി​ച്ചാ​ണ്​ പ്ര​തി വി​ഗ്ര​ഹം വി​ല്പ​ന ന​ട​ത്താ​ന്‍ ശ്ര​മി​ച്ച​ത്. വി​ഗ്ര​ഹ​ത്തി​ന് ദൈ​വി​ക​ശ​ക്തി​യു​ണ്ടെ​ന്നും തെ​റ്റി​ദ്ധ​രി​പ്പി​ച്ചി​രു​ന്നു. നൂ​റു വ​ര്‍ഷം പ​ഴ​ക്ക​മു​ള്ള വി​ഗ്ര​ഹം സ​ര്‍ക്കാ​റി​ലേ​ക്ക് തു​ക കെ​ട്ടി​വെ​ച്ചാ​ണ് താ​ന്‍ കൈ​വ​ശം വെ​ച്ചി​രി​ക്കു​ന്ന​തെ​ന്നും ആ​യ​ത് തെ​ളി​യി​ക്കു​ന്ന​തി​ന് കോ​ട​തി​യു​ടെ വ്യാ​ജ സീ​ല്‍ പ​തി​പ്പി​ച്ച രേ​ഖ​ക​ളും ഹാ​ജ​രാ​ക്കി​യി​രു​ന്നു.

വി​ഗ്ര​ഹം വാ​ങ്ങാ​ന്‍ ത​യാ​റാ​യ വ്യ​ക്തി സം​ശ​യം തോ​ന്നി​യ​തി​നെ​ത്തു​ട​ര്‍ന്ന് പാ​വ​റ​ട്ടി പൊ​ലീ​സ് സ്റ്റേ​ഷ​നി​ല്‍ പ​രാ​തി ന​ല്‍കു​ക​യാ​യി​രു​ന്നു. തു​ട​ര്‍ന്ന് ന​ട​ന്ന അ​ന്വേ​ഷ​ണ​ത്തി​ലാ​ണ് സ്ത്രീ​യ​ട​ക്കം ഏ​ഴു​പേ​ർ അ​റ​സ്റ്റി​ലാ​യ​ത്. കേ​സ​ന്വേ​ഷ​ണം പ്രാ​രം​ഭ​ഘ​ട്ട​ത്തി​ലാ​ണെ​ന്നും, കേ​സി​ല്‍ ഇ​നി​യും പ്ര​തി​ക​ള്‍ ഉ​ണ്ടാ​കാ​നി​ട​യു​ണ്ടെ​ന്നും, കേ​ര​ള​മൊ​ട്ടാ​കെ ഇ​ക്കാ​ര്യ​ത്തി​ല്‍ അ​ന്വേ​ഷ​ണം ന​ട​ത്തേ​ണ്ട​തു​ണ്ടെ​ന്നും ഇ​ത്ത​ര​ത്തി​ലു​ള്ള ത​ട്ടി​പ്പു​ക​ള്‍ ന​ട​ത്തി ജ​ന​ങ്ങ​ളെ ച​തി​ച്ച് പ​ണം ത​ട്ടി​യെ​ടു​ക്കു​ന്ന പ്ര​തി​ക്ക് ഒ​രു കാ​ര​ണ​വ​ശാ​ലും ജാ​മ്യം ന​ല്‍ക​രു​തെ​ന്നു​മു​ള്ള പ​ബ്ലി​ക് പ്രോ​സി​ക്യൂ​ട്ട​ര്‍ അ​ഡ്വ. കെ.​ഡി. ബാ​ബു​വി‍െൻറ വാ​ദം സ്വീ​ക​രി​ച്ചാ​ണ് കോ​ട​തി പ്ര​തി​യു​ടെ ജാ​മ്യാ​പേ​ക്ഷ ത​ള്ളി ഉ​ത്ത​ര​വാ​യ​ത്.