ചാവക്കാട്: കടപ്പുറത്ത് ചുവരെഴുത്തുമായി ബന്ധപ്പെട്ട സംഘർഷത്തിൽ സി.പി.എം പ്രവർത്തകൻ അറസ്റ്റിൽ. കടപ്പുറം വെളിച്ചെണ്ണപ്പടി പുതുവീട്ടിൽ ഹസീബിനെയാണ് (31) ചാവക്കാട് എസ്.എച്ച്.ഒ അനിൽകുമാർ ടി. മേപ്പിള്ളിയുടെ നേതൃത്വത്തിൽ ചാവക്കാട് പൊലീസ് അറസ്റ്റ് ചെയ്തത്. കടപ്പുറം വെളിച്ചെണ്ണപ്പടിയിൽ എസ്.ഡി.പി.ഐ പ്രവർത്തകരുടെ പോസ്റ്റർ സംബന്ധിച്ചും റോഡിൽ എഴുതിയത് സംബന്ധിച്ചുമുള്ള തർക്കമാണ് സി.പി.എം പ്രവർത്തകരുമായി സംഘർഷത്തിന് കാരണമായത്.
വെളിച്ചെണ്ണപ്പടിയിലെ സംഘർഷത്തിൽ പരിക്കേറ്റവരെ ചാവക്കാട് ഹയാത്ത് ആശുപത്രിയിൽ എത്തിച്ച ശേഷം ആശുപത്രി പരിസരത്തു വെച്ചും ഇരുവിഭാഗം പ്രവർത്തകരും ഏറ്റുമുട്ടിയിരുന്നു. നവംബർ എട്ടിന് രാത്രിയിലായിരുന്നു സംഭവം. ഇരു വിഭാഗത്തു നിന്നുമായി 11 പേർക്കാണ് പരിക്കേറ്റത്. പ്രതികളായ എസ്.ഡി.പി.ഐ പ്രവർത്തകരെ നേരത്തേ അറസ്റ്റ് ചെയ്തിരുന്നു. സി.പി.എം പ്രവർത്തകരായ 15 പേർക്കെതിരേയാണ് പൊലീസ് കേസെടുത്തത്. ഹസീബ് സംഭവശേഷം ഒളിവിലായിരുന്നെന്ന് പൊലീസ് പറഞ്ഞു. പ്രതിയെ കോടതിയിൽ ഹാജരാക്കിയശേഷം റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.