അഫ്നാസ്
ചാവക്കാട്: പുന്നയിൽ മയക്കുമരുന്ന് കേസിൽ ഒരാൾകൂടി അറസ്റ്റിൽ. എടക്കഴിയൂർ പള്ളിയവായിൽ അഫ്നാസിനെയാണ് (21) എസ്.എച്ച്.ഒ വിപിൻ കെ. വേണുഗോപാലിന്റെ നേതൃത്വത്തിൽ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
കേസിൽ തിരുവത്ര താഴത്ത് വീട് അർഷാദ് (23), എടക്കഴിയൂർ പുത്തൻവീട്ടിൽ ഹിജാസ് (23) എന്നിവരെ നേരത്തേ അറസ്റ്റ് ചെയ്തിരുന്നു. കഴിഞ്ഞ ഞായറാഴ്ച രാത്രി പത്തോടെ പുന്നയിൽ പൊലീസ് പട്രോളിങ്ങിനിടെയാണ് ഇവരെ പിടികൂടിയത്. പൊലീസിനെ കണ്ടതോടെ പിടിയിലായവരുൾപ്പടെ നാല് യുവാക്കൾ സഞ്ചരിച്ചിരുന്ന കാർ നിയന്ത്രണം വിട്ട് പൊലീസ് ജീപ്പിൽ ഇടിക്കുകയായിരുന്നു.
തുടർന്ന് നാലുപേരും കാറിൽനിന്ന് ഇറങ്ങിയോടി. പിന്നാലെ ഓടിയ പൊലീസ് മൽപിടിത്തത്തിനൊടുവിലാണ് അർഷാദിനെയും ഹിജാസിനെയും കീഴടക്കിയത്. സംഭവത്തിൽ ഒരാളെ കൂടി പിടികൂടാനുണ്ട്. പ്രതികൾ സഞ്ചരിച്ചിരുന്ന കാറും മൂന്ന് ഗ്രാം എം.ഡി.എം.എയും 150 ഗ്രാം കഞ്ചാവും പൊലീസ് പിടികൂടിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.