ചാവക്കാട്: ദേശീയപാതയിൽ നിയന്ത്രണംവിട്ട മിനി ലോറി വൈദ്യുതിത്തൂൺ ഇടിച്ചുതകർത്തു. ഡ്രൈവർ പരിക്കേൽക്കാതെ രക്ഷപ്പെട്ടു. ഞായറാഴ്ച പുലർച്ച 1.30ഓടെ ചാവക്കാട് - പൊന്നാനി ദേശീയപാതയിൽ മന്ദലാംകുന്നിൽ സെന്ററിലെ തെക്കുഭാഗത്തെ ബസ് കാത്തിരിപ്പു കേന്ദ്രത്തിന് സമീപമാണ് അപകടം.
കൊച്ചിയിൽനിന്ന് വയനാട്ടിലേക്ക് ചരക്കുമായി പോയ മിനി ലോറിയാണ് അപകടത്തിൽപ്പെട്ടത്. ഇടിയുടെ ആഘാതത്തിൽ വൈദ്യുതിത്തൂൺ രണ്ടായി മുറിഞ്ഞ് ലോറിക്ക് മുകളിൽ പതിച്ചു. ഡ്രൈവർ ഉറങ്ങിയതാണ് അപകട കാരണമെന്ന് കരുതുന്നു. സമീപത്തെ സ്ഥലനാമ ബോർഡും തകർന്നിട്ടുണ്ട്. അപകടത്തെ തുടർന്ന് മേഖലയിൽ വൈദ്യുതി ബന്ധവും നിലച്ചു. ഉച്ചക്ക് 12ഓടെയാണ് പുനഃസ്ഥാപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.