ഒരുമനയൂർ ബോംബ് കേസ്; പ്രതിയെ റിമാൻഡ് ചെയ്തു

ചാ​വ​ക്കാ​ട്: ഒ​രു​മ​ന​യൂ​രി​ൽ ന​ടു​റോ​ഡി​ൽ നാ​ട​ൻ ബോം​ബ് പൊ​ട്ടി​ച്ച കേ​സി​ൽ അ​റ​സ്റ്റി​ലാ​യ ചേ​ക്കു​വീ​ട്ടി​ൽ അ​ബ്ദു​ൽ ഷ​ഫീ​ഖി​നെ (മ​സ്‌​താ​ൻ-32) കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. നാ​ട​ൻ ബോം​ബ് വീ​ട്ടി​ൽ സൂ​ക്ഷി​ക്കാ​ൻ തു​ട​ങ്ങി​യി​ട്ട് നാ​ലു മാ​സ​മാ​യെ​ന്ന് ഇ​യാ​ൾ പൊ​ലീ​സി​നോ​ട് പ​റ​ഞ്ഞു.

ജി​ല്ല​യി​ലെ വി​വി​ധ സ്‌​റ്റേ​ഷ​നു​ക​ളി​ലാ​യി 12ലേ​റെ കേ​സു​ക​ളി​ൽ പ്ര​തി​യും മ​ണ്ണു​ത്തി സ്‌​റ്റേ​ഷ​നി​ല്‍ സാ​മൂ​ഹി​ക​വി​രു​ദ്ധ​രു​ടെ പ​ട്ടി​ക​യി​ല്‍ ഉ​ള്‍പ്പെ​ട്ട​യാ​ളു​മാ​ണ് ഷ​ഫീ​ഖ്. കു​ഴ​ല്‍പ്പ​ണം ത​ട്ടി​യെ​ടു​ക്ക​ല്‍ ഉ​ള്‍പ്പെ​ടെ​യു​ള്ള കേ​സു​ക​ളി​ലും പ്ര​തി​യാ​ണ്. കു​ഴ​ൽ​പ്പ​ണം ക​ട​ത്തു​ന്ന​വ​രി​ല്‍നി​ന്ന് പ​ണം ത​ട്ടി​യെ​ടു​ക്കാ​ന്‍ ഇ​ത്ത​ര​ത്തി​ല്‍ സ്‌​ഫോ​ട​നം ന​ട​ത്തി മു​മ്പും ഇ​യാ​ള്‍ ഭീ​ക​രാ​ന്ത​രീ​ക്ഷം സൃ​ഷ്ടി​ച്ചി​ട്ടു​ണ്ടെ​ന്ന് പ​റ​യു​ന്നു.

ഇ​യാ​ളെ ആ​ക്ര​മി​ക്കാ​ൻ ആ​രെ​ങ്കി​ലും എ​ത്തി​യാ​ൽ തി​രി​ച്ച് ആ​ക്ര​മി​ക്കാ​ൻ​ത​ന്നെ​യാ​ണ് ബോം​ബ് ഉ​ണ്ടാ​ക്കി സൂ​ക്ഷി​ച്ച​തെ​ന്ന് സ​മ്മ​തി​ച്ച​താ​യി പൊ​ലീ​സ് പ​റ​ഞ്ഞു. നാ​ട​ൻ ബോം​ബ് നി​ർ​മാ​ണം പോ​ലെ​യു​ള്ള ‘വീ​ര​കൃ​ത്യ​ങ്ങ​ൾ’ ചെ​യ്യു​ന്ന​യാ​ളാ​ണ് താ​നെ​ന്ന് നാ​ട്ടു​കാ​രെ ബോ​ധ്യ​പ്പെ​ടു​ത്ത​ലും ല​ക്ഷ്യ​മാ​യി​രു​ന്നു​വെ​ന്ന് ഷ​ഫീ​ഖ് പ​റ​ഞ്ഞു. ഞാ​യ​റാ​ഴ്ച പൊ​ട്ടി​ച്ച നാ​ട​ൻ ബോം​ബ് ആ​ളു​ക​ൾ​ക്കി​ട​യി​ലാ​ണ് പൊ​ട്ടി​യ​തെ​ങ്കി​ൽ മ​ര​ണം വ​രെ സം​ഭ​വി​ക്കു​ന്ന​താ​ണെ​ന്നും ഇ​യാ​ൾ മൊ​ഴി ന​ൽ​കി.

ഞാ​യ​റാ​ഴ്ച ഉ​ച്ച​ക്കു​ശേ​ഷം ര​ണ്ടോ​ടെ മു​ത്ത​മ്മാ​വ് ഇ​ല്ല​ത്തു​പ​ള്ളി​ക്ക് കി​ഴ​ക്ക് ന​ടു​റോ​ഡി​ലാ​ണ് ഇ​യാ​ൾ നാ​ട​ൻ ബോം​ബ് പൊ​ട്ടി​ച്ച​ത്. ബോം​ബി​ൽ​നി​ന്ന് തെ​റി​ച്ച വെ​ള്ളാ​രം​ക​ല്ലും ചാ​ക്കി​ൻ​നൂ​ലു​ക​ളും തു​ണി​ക്ക​ഷ​ണ​ങ്ങ​ളും പൊ​ലീ​സ് ശേ​ഖ​രി​ച്ചി​ട്ടു​ണ്ട്. ഇ​തു​പോ​ലു​ള്ള നാ​ട​ൻ ബോം​ബു​ക​ൾ നി​ർ​മി​ച്ച് മ​റ്റാ​ർ​ക്കെ​ങ്കി​ലും ന​ൽ​കി​യി​ട്ടു​ണ്ടോ​യെ​ന്നും മ​റ്റും അ​ന്വേ​ഷി​ക്കു​ന്ന​താ​യി പൊ​ലീ​സ് പ​റ​ഞ്ഞു.