മുഹമ്മദ്
ഷഹീൻ
ചാവക്കാട്: എം.ഡി.എം.എയുമായി യുവാവ് അറസ്റ്റിലായി. എടക്കഴിയൂര്‍ തിരുത്തിക്കാട്ട് പിലാക്കല്‍ വീട്ടില്‍ മുഹമ്മദ് ഷഹീനെയാണ് (22) എക്സൈസ് പട്രോളിങ്ങിനിടെ പിടികൂടിയത്. വ്യാഴാഴ്ച വൈകീട്ട് നാലിന് എടക്കഴിയൂര്‍ വളയംതോട് ഭാഗത്തുനിന്ന് പിടിയിലായ യുവാവിൽനിന്ന് 2.68 ഗ്രാം എം.ഡി.എം.എയും പിടികൂടി.
സംശയാസ്പദമായ സാഹചര്യത്തില്‍ ഇയാള്‍ റോഡില്‍ നില്‍ക്കുന്നത് കണ്ട് ചാവക്കാട് എക്സൈസ് റേഞ്ച് ഇന്‍സ്‌പെക്ടര്‍ ഡി.വി. ജയപ്രകാശിന്റെ നേതൃത്വത്തിലുള്ള എക്സൈസ് സംഘം ചോദ്യം ചെയ്യുകയും പരിശോധിക്കുകയും ചെയ്തപ്പോഴാണ് ഇയാളില്‍നിന്ന് എം.ഡി.എം.എ കണ്ടെത്തിയത്.
ആവശ്യക്കാര്‍ക്ക് വില്‍പന നടത്താന്‍ കാത്തുനില്‍ക്കുകയായിരുന്നെന്ന് ഉദ്യോഗസ്ഥര് പറഞ്ഞു. പ്രിവന്റിവ് ഓഫിസര്‍മാരായ പി.എല്‍. ജോസഫ്, ടി.എസ്. സജി, സിവില്‍ എക്സൈസ് ഓഫിസര്‍മാരായ സി.കെ. റാഫി, പി.ഇ. അനീസ് മുഹമ്മദ്, കെ. ശരത്ത്, വനിത സിവില്‍ എക്സൈസ് ഓഫിസര്‍ പി.ബി. റൂബി, ഡ്രൈവര്‍ അബ്ദുൽ റഫീക്ക് എന്നിവരാണ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.