തലയറ്റ മൃതദേഹം തിരിച്ചറിഞ്ഞില്ല; ഡി.എൻ.എ പരിശോധന നടത്തും

ആ​മ്പ​ല്ലൂ​ർ: ത​ല​യ​റ്റ നി​ല​യി​ൽ നെ​ന്മ​ണി​ക്ക​ര മ​ണ​ലി​പ്പു​ഴ​യി​ല്‍ ക​ണ്ട മൃ​ത​ദേ​ഹം തി​രി​ച്ച​റി​ഞ്ഞി​ല്ല. മ​ല​പ്പു​റ​ത്തു​നി​ന്ന് കാ​ണാ​താ​യ അ​സം സ്വ​ദേ​ശി​യെ കേ​ന്ദ്രീ​ക​രി​ച്ചാ​ണ് പൊ​ലീ​സ് അ​ന്വേ​ഷ​ണം.

മൃ​ത​ദേ​ഹം തി​രി​ച്ച​റി​യാ​നാ​വാ​ത്ത നി​ല​യി​ലാ​ണ്. സാ​മ്പ്ൾ ഡി.​എ​ൻ.​എ പ​രി​ശോ​ധ​ന​ക്ക് അ​യ​ച്ചി​ട്ടു​ണ്ടെ​ന്നും പ​രി​ശോ​ധ​ന​ഫ​ലം വ​ന്ന​ശേ​ഷ​മേ സ്ഥി​രീ​ക​രി​ക്കാ​നാ​കൂ എ​ന്നും പു​തു​ക്കാ​ട് പൊ​ലീ​സ് എ​സ്.​എ​ച്ച്.​ഒ വി. ​സ​ജീ​ഷ് കു​മാ​ർ പ​റ​ഞ്ഞു.

മൃ​ത​ദേ​ഹ​ത്തി​ല്‍നി​ന്ന് ല​ഭി​ച്ച മൊ​ബൈ​ല്‍ ഫോ​ണ്‍ അ​സം സ്വ​ദേ​ശി​യു​ടേ​താ​ണെ​ന്ന് തി​രി​ച്ച​റി​ഞ്ഞു. മ​ല​പ്പു​റ​ത്തു​നി​ന്ന് കാ​ണാ​താ​യ അ​സം സ്വ​ദേ​ശി​യു​ടെ സ​ഹോ​ദ​ര​നാ​ണ് ഫോ​ൺ തി​രി​ച്ച​റി​ഞ്ഞ​ത്. പൊ​ലീ​സ് ബ​ന്ധ​പ്പെ​ട്ട​തി​നെ തു​ട​ർ​ന്ന് സ​ഹോ​ദ​ര​ൻ തി​ങ്ക​ളാ​ഴ്ച തൃ​ശൂ​ർ ഗ​വ. മെ​ഡി​ക്ക​ൽ കോ​ള​ജി​ലെ​ത്തി. സിം ​മ​റ്റൊ​രു ഫോ​ണി​ലി​ട്ടാ​ണ് പൊ​ലീ​സ് അ​സ​മി​ലെ കു​ടും​ബ​വു​മാ​യി ബ​ന്ധ​പ്പെ​ട്ട​ത്.

മ​ല​പ്പു​റ​ത്ത് പ്ലൈ​വു​ഡ് ക​മ്പ​നി​യി​ൽ ജോ​ലി​ക്കെ​ത്തി​യ അ​സം സ്വ​ദേ​ശി​യെ​ക്കു​റി​ച്ച് ഈ ​മാ​സം ഒ​ന്നു​മു​ത​ൽ വി​വ​ര​മൊ​ന്നു​മി​ല്ലെ​ന്ന് സ​ഹോ​ദ​ര​ൻ പ​റ​ഞ്ഞു. നെ​ന്മ​ണി​ക്ക​ര പ​ള്ള​ത്ത് മ​ണ​ലി​പ്പു​ഴ​യി​ല്‍ ഞാ​യ​റാ​ഴ്ച​യാ​ണ് ത​ല​യി​ല്ലാ​ത്ത മൃ​ത​ദേ​ഹം ക​ണ്ട​ത്.

മ​ല​പ്പു​റ​ത്തെ ജോ​ലി​സ്ഥ​ല​ത്തു​നി​ന്ന് നാ​ട്ടി​ലേ​ക്കെ​ന്ന് പ​റ​ഞ്ഞി​റ​ങ്ങി​യ അ​സം സ്വ​ദേ​ശി തൃ​ശൂ​രി​ല്‍ എ​ത്തി​യ​തി​ൽ ദു​രൂ​ഹ​ത ഉ​ണ്ടോ​യെ​ന്നും പൊ​ലീ​സ് അ​ന്വേ​ഷി​ക്കു​ന്നു​ണ്ട്.