എടത്തിരുത്തിയിലെ ഹോട്ടലിൽ ആരോഗ്യവകുപ്പ് അധികൃതർ പരിശോധന നടത്തുന്നു
ചെന്ത്രാപ്പിന്നി: എടത്തിരുത്തിയിൽ ഭക്ഷ്യവിൽപന ശാലകളിൽ ആരോഗ്യ വകുപ്പ് പരിശോധന നടത്തി. സേഫ് കേരള കാമ്പയിന്റെ ഭാഗമായി എടത്തിരുത്തി ഗ്രാമപഞ്ചായത്ത് പരിധിയിലെ ഹോട്ടൽ, തട്ടുകട, ബേക്കറി, കാറ്ററിങ് ശാലകൾ തുടങ്ങിയവയിൽ പരിശോധന നടത്തുകയും പഴകിയ ഭക്ഷണം പിടിച്ചെടുത്ത് നശിപ്പിക്കുകയും ചെയ്തു.
പരിശോധനക്ക് ഹെൽത്ത് ഇൻസ്പെക്ടർ സി.എസ്. അനീഷ്, ജൂനിയർ ഹെൽത്ത് ഇൻസ്പെക്ടർമാരായ എം.ബി. ബിനോയ്, വി.എം. ലിനി തുടങ്ങിയവർ നേതൃത്വം നൽകി. ലൈസൻസ്, ഹെൽത്ത് കാർഡ്, ജലപരിശോധന റിപ്പോർട്ട്, ശുചിത്വമില്ലായ്മ തുടങ്ങിയവക്ക് പിഴ അടക്കമുള്ള നടപടി സ്വീകരിക്കുമെന്ന് എടത്തിരുത്തി ഗ്രാമ പഞ്ചായത്ത് സെക്രട്ടറി ടി. ബിനോയ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.