പ്ര​ത്യേ​ക ബാ​ല​റ്റ്​ ല​ഭി​ക്കാ​തെ നി​ര​വ​ധി പേ​ർ

കൊ​ടു​ങ്ങ​ല്ലൂ​ർ: വോ​ട്ട​ർ​മാ​ർ​ക്കി​ട​യി​ൽ വീ​ട​ക​ങ്ങ​ളി​ലെ സ്പെ​ഷ​ൽ ബാ​ല​റ്റ് പോ​ളി​ങി​ന് അ​ർ​ഹ​ത​യു​ള്ള​വ​ർ ഇ​നി​യു​മേ​റെ. പോ​ളി​ങ് ബൂ​ത്തു​ക​ളി​ൽ എ​ത്താ​ൻ ക​ഴി​യാ​ത്ത​വ​ർ​ക്കാ​ണ് വീ​ടു​ക​ളി​ൽ ചെ​ന്ന് വോ​ട്ട് ചെ​യ്യി​ക്കു​ന്ന സ്പെ​പെ​ഷ​ൽ ബാ​ല​റ്റ് പോ​ളി​ങ് സം​വി​ധാ​നം ഏ​ർ​പ്പെ​ടു​ത്തി​യ​ത്. 80 വ​യ​സ്സ്​ ക​ഴി​ഞ്ഞ​വ​ർ, കി​ട​പ്പ് രോ​ഗി​ക​ൾ ഭി​ന്ന​ശേ​ഷി​ക്കാ​ർ, കോ​വി​ഡ് പോ​സ​റ്റീ​വ് ആ​യ​വ​ർ, ക്വാ​റ​ൻ​റീ​നി​ൽ ക​ഴി​യു​ന്ന​വ​ർ എ​ന്നി​വ​രെ ഉ​ൾ​പ്പെ​ടു​ത്തി​യാ​ണ് സ്പെ​ഷ​ൽ പോ​സ്​​റ്റ​ൽ ബാ​ല​റ്റ് വോ​ട്ട​ർ​പ​ട്ടി​ക ത​യാ​റാ​ക്കി​യ​ത്.

എ​ന്നാ​ൽ ഈ ​പ​ട്ടി​ക​യി​ൽ ഇ​നി​യു​മേ​റെ പേ​ർ ഉ​ൾ​പ്പെ​ടാ​നു​ണ്ടെ​ന്ന് ചൊ​വ്വാ​ഴ്ച ന​ട​ന്ന പൊ​തു​തെ​ര​ഞ്ഞെ​ടു​പ്പി​ൽ വ്യ​ക്ത​മാ​യി. പ​ര​സ​ഹാ​യ​മി​ല്ലാ​തെ ഒ​ന്നും ചെ​യ്യാ​നാ​കാ​ത്ത ഈ ​ഗ​ണ​ത്തി​ൽ പെ​ട്ട​വ​രാ​യ വോ​ട്ട​ർ​മാ​രെ വീ​ട്ടു​കാ​രും പാ​ർ​ട്ടി പ്ര​വ​ർ​ത്ത​ക​രും കൊ​ണ്ടു​വ​ന്ന് വോ​ട്ട് ചെ​യ്യി​ക്കു​ന്ന​ത് കാ​ണാ​മാ​യി​രു​ന്നു.

കൈ​പ്പ​മം​ഗ​ല​ത്ത് 2682 പേ​ർ വീ​ടു​ക​ളി​ൽ രേ​ഖ​പ്പെ​ടു​ത്തി​യി​രു​ന്നു. മ​ണ്ഡ​ല​ത്തി​ൽ പോ​ളി​ങ് ബൂ​ത്തി​ൽ എ​ത്താ​ൻ ക​ഴി​യാ​ത്ത വോ​ട്ട​ർ​മാ​രു​ടെ ലി​സ്​​റ്റി​ൽ 2842 പേ​രാ​ണു​ള്ള​ത്. ഇ​വ​രി​ൽ160 പേ​രു​ടെ വോ​ട്ട് രേ​ഖ​പ്പെ​ടു​ത്താ​നാ​യി​ട്ടി​ല്ല. മ​തി​യാ​യ രേ​ഖ​ക​ൾ ഇ​ല്ലാ​ത്ത​തും വോ​ട്ട​ർ സ്ഥ​ല​ത്തി​ല്ലാ​ത്ത​തു​മാ​ണ് കാ​ര​ണം.

അ​തേ സ​മ​യം ലി​സ​​റ്റി​ൽ ഇ​ടം ന​ൽ​കേ​ണ്ട​വ​ർ ഇ​നി​യു​മു​ണ്ട്. പൊ​ലീ​സും ഫോ​ട്ടോ​ഗ്രാ​ഫ​റും ഉ​ൾ​പ്പെ​ടെ​യു​ള്ള സ്പെ​ഷ​ൽ പോ​ളി​ങ് ടീം ​വോ​ട്ട് രേ​ഖ​പ്പെ​ടു​ത്താ​നു​ള്ള സാ​മ​ഗ്രി​ക​ളു​മാ​യി വീ​ടു​ക​ളി​ലെ​ത്തി​യാ​ണ് പോ​സ്​​റ്റ​ൽ വോ​ട്ട് ചെ​യ്യി​ക്കു​ന്ന​ത്. എ​ന്നാ​ൽ ഈ ​സൗ​ക​ര്യം ഉ​പ​യോ​ഗ​പ്പെ​ടു​ത്താ​ൻ ത​യാ​റാ​കാ​തെ പോ​ളി​ങ്​ ബൂ​ത്തു​ക​ളി​ൽ വ​ന്ന് വോ​ട്ട് ചെ​യ്യാ​ൻ താ​ൽ​പ​ര്യ​പ്പെ​ടു​ന്ന​വ​രു​മു​ണ്ട്.