മാള ചാൽ പദ്ധതി യാഥാർഥ്യമാവുന്നു

മാ​ള: പ​ഞ്ചാ​യ​ത്ത് കൈ​യൊ​ഴി​ഞ്ഞ പ​ദ്ധ​തി​ക്ക് എം.​എ​ൽ.​എ​യു​ടെ ശ്ര​മ​ഫ​മാ​യി സംസ്ഥാന ബ​ജ​റ്റി​ൽ പ​ണം വ​ക​യി​രു​ത്തി. മാ​ള ചാ​ൽ പ​ദ്ധ​തി യാ​ഥാ​ർ​ഥ്യ​മാ​വും.

ചാ​ലി​ലെ സ്ലൂ​യി​സ് നി​ർ​മാ​ണ​ത്തി​ന് 75 ല​ക്ഷം രൂ​പ​യാ​ണ് വ​ക​യി​രു​ത്തി​യ​ത്. മാ​ള ചാ​ലി​ൽ ഉ​പ്പു​ക​യ​റു​ന്ന​ത് ത​ട​യാ​നും വ​ർ​ഷ​ക്കാ​ല​ത്തെ വെ​ള്ള​ക്കെ​ട്ട് ഒ​ഴി​വാ​ക്കാ​നു​മാ​ണ് പു​തി​യ സ്ലൂ​യി​സ് നി​ർ​മി​ക്കു​ന്ന​ത്. കേ​ടു​വ​ന്ന സ്ലൂ​യി​സ് പൊ​ളി​ച്ചു​മാ​റ്റും. ക​ഴി​ഞ്ഞ മാ​ള പ​ഞ്ചാ​യ​ത്ത് ഭ​ര​ണ സ​മി​തി ഇ​ത് സം​ബ​ന്ധി​ച്ച തീ​രു​മാ​നം എ​ടു​ത്തി​രു​ന്നു.

വ​ർ​ഷ​ങ്ങ​ളാ​യി ചാ​ൽ ഉ​പ്പ് ക​യ​റി മ​ലി​ന​മാ​ണ്. പു​തി​യ സ്ലൂ​യി​സ് വ​രു​ന്ന​തോ​ടെ ഇ​തി​ന് പ​രി​ഹാ​ര​മാ​കു​ന്ന​തി​നൊ​പ്പം മാ​ള ചാ​ൽ ശു​ദ്ധ​ജ​ല ത​ടാ​ക​മാ​യി മാ​റും. അ​തേ​സ​മ​യം പ​ണ​മി​ല്ല​ന്ന് പ​റ​ഞ്ഞ് പ​ഞ്ചാ​യ​ത്ത് തീ​രു​മാ​നം നീ​ട്ടി​ക്കൊ​ണ്ടു​പോ​യി. തു​ട​ർ​ന്ന് പൊ​തു​പ്ര​വ​ർ​ത്ത​ക​ൻ ഷാ​ന്റി ജോ​സ​ഫ് ത​ട്ട​ക​ത്ത് പ​രാ​തി ന​ൽ​കി​യെ​ങ്കി​ലും ന​ട​പ​ടി ഉ​ണ്ടാ​യി​ല്ല. പ​രാ​തി​ക്കാ​ര​ൻ ഹൈ​കോ​ട​തി​യെ സ​മീ​പി​ച്ചു. പ​ഞ്ചാ​യ​ത്ത് തീ​രു​മാ​നം ന​ട​പ്പി​ലാ​ക്കാ​ൻ ഹൈ​കോ​ട​തി ഉ​ത്ത​ര​വി​ട്ടെ​ങ്കി​ലും ന​ട​പ​ടി​യു​ണ്ടാ​യി​ല്ല. ഷാ​ന്റി കോ​ട​തി​യ​ല​ക്ഷ്യ ഹ​ര​ജി ഫ​യ​ൽ ചെ​യ്തു.

ന​ബാ​ർ​ഡി​ന്റെ പ​ണം ല​ഭി​ക്കു​മെ​ന്നും അ​തു​പ്ര​കാ​രം ന​ട​പ​ടി സ്വീ​ക​രി​ക്കാ​മെ​ന്നും പ​ഞ്ചാ​യ​ത്ത് സെ​ക്ര​ട്ട​റി കോ​ട​തി​യി​ൽ സ​ത്യ​വാ​ങ്മൂ​ലം ഫ​യ​ൽ ചെ​യ്തു. ന​ബാ​ർ​ഡി​ന്റെ പ​ദ്ധ​തി​യും പ​ക്ഷെ ന​ട​പ്പാ​യി​ല്ല. ചാ​ല​ക്കു​ടി​യി​ൽ മ​ന്ത്രി​മാ​രു​ടെ സാ​ന്നി​ധ്യ​ത്തി​ൽ ന​ട​ന്ന ‘ക​രു​ത​ലും കൈ​ത്താ​ങ്ങും’ താ​ലൂ​ക്ക് അ​ദാ​ല​ത്തി​ൽ മാ​ള ചാ​ൽ സ്ലൂ​യി​സ് പ​രാ​തി​യാ​യി എ​ത്തി​യി​രു​ന്നു. എം.​എ​ൽ.​എ പ​ണം ന​ൽ​കി​യാ​ൽ സ്ലൂ​യി​സ് നി​ർ​മാ​ണം ന​ട​ത്താ​മെ​ന്നാ​യി​രു​ന്നു പ​ഞ്ചാ​യ​ത്ത് നി​ല​പാ​ട്. ജ​ല​സേ​ച​ന വ​കു​പ്പി​നോ​ട് ന​ട​പ​ടി സ്വീ​ക​രി​ക്കാ​ൻ അ​ദാ​ല​ത്തി​ൽ വ​ച്ച് മ​ന്ത്രി കെ. ​രാ​ധാ​കൃ​ഷ്ണ​ൻ നി​ർ​ദേ​ശം ന​ൽ​കി. പ​ക്ഷെ, ന​ട​പ​ടി എ​ങ്ങു​മെ​ത്തി​യി​ല്ല. ന​വ​കേ​ര​ള സ​ദ​സ്സി​ലും ഷാ​ന്റി ജോ​സ​ഫ് പ​രാ​തി​യു​മാ​യെ​ത്തി​യി​രു​ന്നു.