ഓ​ണ​ക്കി​റ്റ് വി​ത​ര​ണം ഇ​ന്ന് മു​ത​ൽ ആ​രം​ഭി​ച്ചേ​ക്കും

തൃ​ശൂ​ർ: ജി​ല്ല​യി​ൽ മ​ഞ്ഞ​കാ​ർ​ഡു​കാ​ർ​ക്കു​ള്ള (എ.​എ.​വൈ) ഓ​ണ​ക്കി​റ്റ് വി​ത​ര​ണം വെ​ള്ളി​യാ​ഴ്ച​യും തു​ട​ങ്ങാ​നാ​യി​ല്ല. ഓ​ണ​ക്കി​റ്റി​ലേ​ക്കാ​വ​ശ്യ​മാ​യ സാ​ധ​ന​ങ്ങ​ൾ എ​ത്താ​തി​രു​ന്ന​താ​ണ് കാ​ര​ണം. ശ​നി​യാ​ഴ്ച മു​ത​ൽ വി​ത​ര​ണം തു​ട​ങ്ങാ​നാ​കു​മെ​ന്നാ​ണ് അ​ധി​കൃ​ത​രു​ടെ പ്ര​തീ​ക്ഷ. പാ​യ​സ പ​രി​പ്പ്, നെ​യ്യ് ഉ​ൾ​പ്പെ​ടെ​യു​ള്ള ചി​ല വി​ഭ​വ​ങ്ങ​ൾ കി​ട്ടാ​ൻ വൈ​കി​യ​താ​ണ് കി​റ്റ് വി​ത​ര​ണം നീ​ളാ​ൻ കാ​ര​ണം. പാ​യ​സ​പ്പ​രി​പ്പ് ഉ​ള്ള ചി​ല യൂ​നി​റ്റു​ക​ളി​ൽ​നി​ന്ന് വി​ത​ര​ണം തു​ട​ങ്ങി​യി​ട്ടു​ണ്ട്. ശ​നി​യാ​ഴ്ച രാ​വി​ലെ സ്റ്റോ​ക്ക് എ​ത്തു​മെ​ന്ന് അ​ധി​കൃ​ത​ർ പ​റ​ഞ്ഞു.

ജി​ല്ല​യി​ൽ ഓ​ണ​ക്കി​റ്റ് വാ​ങ്ങാ​ൻ 51,497 പേ​രാ​ണ് കാ​ത്തി​രി​ക്കു​ന്ന​ത്. ഓ​ണ​ത്തി​ന് മു​മ്പ് കി​റ്റ് എ​ത്തി​ക്കാ​നു​ള്ള തീ​വ്ര​ശ്ര​മ​ത്തി​ലാ​ണ് അ​ധി​കൃ​ത​ർ. ശ​നി​യാ​ഴ്ച​യും തി​ങ്ക​ളാ​ഴ്ച​യു​മാ​ണ് ഇ​നി ശേ​ഷി​ക്കു​ന്ന​ത്. ഓ​ണ​ക്കി​റ്റ് പാ​ക്ക് ചെ​യ്ത് റേ​ഷ​ൻ ക​ട​ക​ളി​ൽ എ​ത്തി​ക്കാ​നും സാ​ധ​ന​ങ്ങ​ൾ വി​ത​ര​ണം ചെ​യ്യാ​നു​മു​ണ്ട്.

കി​റ്റ് വി​ത​ര​ണം ഓ​ണം ക​ഴി​ഞ്ഞും നീ​ണ്ടേ​ക്കു​മെ​ന്നാ​ണ് സൂ​ച​ന. സ​പ്ലൈ​കോ ഔ​ട്ട്ല​റ്റു​ക​ളി​ൽ​നി​ന്ന് ല​ഭി​ച്ച സ​ബ്സി​ഡി സാ​ധ​ന​ങ്ങ​ൾ മാ​ത്ര​മാ​യി​രു​ന്നു ഇ​ത്ത​വ​ണ ഇ​ട​ത്ത​ര​ക്കാ​ർ​ക്കു​ള്ള ഏ​ക ആ​ശ്ര​യം. അ​രി​യു​ൾ​പ്പെ​ടെ നി​ര​വ​ധി സാ​ധ​ന​ങ്ങ​ൾ​ക്ക് ഇ​ക്കു​റി വി​ല​വ​ർ​ധി​ച്ചി​ട്ടു​ണ്ട്. പ​ച്ച​ക്ക​റി​ക​ൾ​ക്കും വി​ല​വ​ർ​ധി​ച്ചി​ട്ടു​ണ്ട്.