തു​മ്പൂ​ർ​മു​ഴി​യി​ൽ ര​ണ്ടാ​മ​ത്തെ കാ​ട്ടാ​ന മു​ന്ന​റി​യി​പ്പ് സം​വി​ധാ​നം

അ​തി​ര​പ്പി​ള്ളി: ആ​ന​മ​ല പാ​ത​യി​ൽ കാ​ട്ടാ​ന​യെ​ത്തി​യാ​ൽ വ​ഴി​യാ​ത്ര​ക്കാ​ർ​ക്ക് മു​ന്ന​റി​യി​പ്പ് ന​ൽ​കു​ന്ന പു​തി​യ മു​ന്ന​റി​യി​പ്പ് സം​വി​ധാ​നം ഒ​രു​ങ്ങു​ന്നു. കാ​ട്ടാ​ന​ക​ൾ പ​തി​വാ​യി പാ​ത മു​റി​ച്ച് ക​ട​ക്കു​ന്ന തു​മ്പൂ​ർ​മു​ഴി​യി​ലാ​ണ് ര​ണ്ടാ​മ​ത്തെ കാ​ട്ടാ​ന മു​ന്ന​റി​യി​പ്പ് സം​വി​ധാ​നം ഒ​രു​ക്കു​ന്ന​ത്.

തു​മ്പൂ​ർ​മു​ഴി മു​ത​ൽ ചി​ക്ലാ​യി പെ​ട്രോ​ൾ പ​മ്പ് വ​രെ​യു​ള്ള പ്ര​ദേ​ശ​ങ്ങ​ളി​ൽ രാ​വി​ലെ​യും വൈ​കീ​ട്ടും കാ​ട്ടാ​ന​ക​ൾ പ​തി​വാ​യി റോ​ഡ് മു​റി​ച്ച് ക​ട​ക്കു​ന്ന​തും റോ​ഡി​ൽ നി​ല​യു​റ​പ്പി​ക്കു​ന്ന​തും പ​തി​വാ​ണ്. ഇ​തു​കൊ​ണ്ടു​ത​ന്നെ അ​തി​ര​പ്പി​ള്ളി റോ​ഡി​ൽ വ​ള​രെ അ​പ​ക​ട​ക​ര​മാ​യ മേ​ഖ​ല​യാ​ണി​ത്.

റോ​ഡി​ൽ നി​ര​വ​ധി വ​ള​വു​ക​ളു​ള്ള​തു കാ​ര​ണം സ​ഞ്ചാ​രി​ക​ളും നാ​ട്ടു​കാ​രും ആ​ന​ക്കൂ​ട്ട​ത്തി​ന്റെ മു​ന്നി​ൽ പെ​ടാ​നു​ള്ള സാ​ധ്യ​ത ഏ​റെ​യാ​ണ്. ഈ ​സാ​ഹ​ച​ര്യം ഒ​ഴി​വാ​ക്കു​ന്ന​തി​നാ​ണ് പ്ര​ദേ​ശ​ത്തെ ര​ണ്ടാ​മ​ത്തെ ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് എ​ലി​ഫ​ന്റ് ഡി​റ്റ​ക്ഷ​ൻ കാ​മ​റ​ക​ൾ വ​നം​വ​കു​പ്പ് തു​മ്പൂ​ർ​മു​ഴി​യി​ൽ സ്ഥാ​പി​ക്കു​ന്ന​ത്.

കാ​മ​റ​യു​ടെ 100 മീ​റ്റ​ർ ചു​റ്റ​ള​വി​ലു​ള്ള വ​ന​ത്തി​ൽ രാ​ത്രി​യും പ​ക​ലും ആ​ന​ക​ൾ എ​ത്തി​യാ​ൽ റോ​ഡ​രി​കി​ൽ സ്ഥാ​പി​ച്ചി​രി​ക്കു​ന്ന എ​ൽ.​ഇ.​ഡി ബോ​ർ​ഡു​ക​ളി​ൽ മ​ല​യാ​ള​ത്തി​ലും ഇം​ഗ്ലീ​ഷി​ലും മു​ന്ന​റി​യി​പ്പ് തെ​ളി​യും. പ്ലാ​ന്റേ​ഷ​ൻ കോ​ർ​പ​റേ​ഷ​ന്റെ എ​ണ്ണ​പ്പ​ന തോ​ട്ടം ആ​രം​ഭി​ക്കു​ന്ന ഭാ​ഗ​ത്താ​യാ​ണ് കാ​മ​റ സ്ഥാ​പി​ച്ചി​രി​ക്കു​ന്ന​ത്. നേ​ര​ത്തെ ആ​ന​മ​ല സൊ​സൈ​റ്റി​യു​ടെ ഭാ​ഗ​ത്ത് കാ​മ​റ സ്ഥാ​പി​ച്ചി​രു​ന്നു. സൗ​രോ​ർ​ജ​പാ​ന​ൽ ഉ​പ​യോ​ഗി​ച്ചാ​ണ് കാ​മ​റ​ക​ൾ പ്ര​വ​ർ​ത്തി​ക്കു​ന്ന​ത്.

ആ​ന​മ​ല പാ​ത​യി​ൽ കാ​ട്ടാ​ന​ക​ളു​ടെ സാ​ന്നി​ധ്യം നാ​ളു​ക​ളാ​യി വ​ർ​ധി​ക്കു​ന്നു​ണ്ട്. അ​മ്പ​ല​പ്പാ​റ മേ​ഖ​ല​യി​ൽ ക​പാ​ലി​യെ​ന്ന പേ​രി​ൽ അ​റി​യ​പ്പെ​ടു​ന്ന കാ​ട്ടാ​ന റോ​ഡി​ലി​റ​ങ്ങി യാ​ത്ര​ക്കാ​ർ​ക്ക് ത​ട​സ്സ​മു​ണ്ടാ​ക്കാ​റു​ണ്ട്. ഏ​താ​നും നാ​ൾ മു​മ്പ് ആ​ന​ക്ക​യം മേ​ഖ​ല​യി​ൽ ആ​ദി​വാ​സി​യെ കാ​ട്ടാ​ന പാ​റ​ക്കൂ​ട്ട​ത്തി​ലേ​ക്ക് എ​റി​ഞ്ഞ് കൊ​ന്നി​രു​ന്നു.

ഈ ​സം​ഭ​വ​ത്തി​ന് ഏ​താ​നും ദി​വ​സം മു​മ്പാ​ണ് ര​ണ്ട് ആ​ദി​വാ​സി​ക​ൾ​ക്ക് കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കാ​ലി​ന് പ​രി​ക്കേ​റ്റ​ത്. ആ​ക്ര​മ​ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഇ​ത്ത​രം മു​ന്ന​റി​യി​പ്പ് സം​വി​ധാ​ന​ങ്ങ​ൾ സ​ഞ്ചാ​രി​ക​ൾ​ക്കും പ്ര​ദേ​ശ​വാ​സി​ക​ൾ​ക്കും പ്ര​യോ​ജ​ന​ക​ര​മാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.