ആഷ്ലി, ഫൈസൽ
മാള: 45 ഗ്രാം എം.ഡി.എം.എ മയക്കുമരുന്നുമായി രണ്ടുപേർ അറസ്റ്റിൽ. മാള അഷ്ടമിച്ചിറ കാട്ടിക്കരക്കുന്ന് കുട്ടമുഖത്ത് ഫൈസൽ (43), അഷ്ടമിച്ചിറ ചെമ്മലത്ത് ആഷ്ലി (35) എന്നിവരെയാണ് റൂറൽ ജില്ല ഡാൻസാഫ് ടീമും മാള പൊലീസും ചേർന്ന് അറസ്റ്റ് ചെയ്തത്.
ശനിയാഴ്ച ഉച്ചക്ക് കാട്ടിക്കരക്കുന്നിലെത്തിയ പൊലീസ് സംഘം ഉടനടി ഫൈസലിന്‍റെ വീട് വളഞ്ഞു. അകത്തുനിന്ന് ഗേറ്റ് പൂട്ടിയായിരുന്നു പരിശോധന. ഇയാളിൽനിന്ന് കിട്ടിയ വിവരത്തിന്‍റെ അടിസ്ഥാനത്തിലാണ് ആഷ്ലിയെ പിടികൂടിയത്. പ്രതികൾക്ക് എം.ഡി.എം.എ കിട്ടിയ ഉറവിടവും ഇത് വാങ്ങുന്നവരെക്കുറിച്ചും അന്വേഷണം ആരംഭിച്ചതായി പൊലീസ് അറിയിച്ചു.
ജില്ല പൊലീസ് മേധാവി ഐശ്വര്യ ദോങ്ഗ്രേക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന. റൂറൽ ജില്ല ക്രൈംബ്രാഞ്ച് ഡിവൈ.എസ്.പി ഷാജ് ജോസ്, ഇരിങ്ങാലക്കുട ഡിവൈ.എസ്.പി ബാബു കെ. തോമസ് എന്നിവരുടെ നേതൃത്വത്തിൽ ഡാൻസഫ് ഇൻസ്പെക്ടർ ബി.കെ. അരുൺ, മാള എസ്.എച്ച്.ഒ സജിൻ ശശി, ഡാൻസഫ് എസ്.ഐ വി.ജി. സ്റ്റീഫൻ, ടീം അംഗങ്ങളായ പി.പി. ജയകൃഷ്ണൻ, സി.എ. ജോബ്, സി.വി. സൂരജ്, മിഥുൻ ആർ. കൃഷ്ണ, മാള എസ്.ഐ വി.വി. വിമൽ എന്നിവരാണ് അന്വേഷണ സംഘത്തിലുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.