വെള്ളറട: മണത്തോട്ടം നെല്ലിക്കുഴി റോഡിലെ അനധികൃത പാര്‍ക്കിങ് ചോദ്യംചെയ്തയാൾക്ക് മർദനമെന്ന് ആക്ഷേപം. മണത്തോട്ടം ആറടിക്കരവീട്ടില്‍ ലാലുവിനാണ് (35) മർദനമേറ്റത്.
കഴിഞ്ഞദിവസം ഓട്ടം കഴിഞ്ഞ് വീട്ടില്‍ പാര്‍ക്ക് ചെയ്യാൻ കൊണ്ടുവന്ന ലാലുവിൻെറ ലോറിക്ക് കടന്നുപോകാന്‍ സാധിക്കാത്ത വിധത്തില്‍ റോഡിൻെറ ഇരു വശങ്ങളിലും അനധികൃതമായി പാര്‍ക്ക് ചെയ്തിരുന്ന വാഹനങ്ങള്‍ മാറ്റാൻ ആവശ്യപ്പെട്ടു. ഉടമ തയാറാകാത്തതിനെ തുടര്‍ന്ന് പഞ്ചായത്തംഗത്തോട് പരാതിപ്പെട്ടതിൽ പ്രകോപിതനായ വ്യാപാരി ജയകുമാറും മകന്‍ ജയ്ജിതും ചേര്‍ന്ന് ലാലുവിനെ വാഹനത്തില്‍നിന്ന് വലിച്ചിറക്കി മര്‍ദിക്കുകയായിരുന്നത്രെ.
ലാലുവിനെ നാട്ടുകാര്‍ ഇടപെട്ട് രക്ഷിച്ച് തിരുവനന്തപുരം മെഡിക്കല്‍ കോളജില്‍ എത്തിച്ചു. ഇപ്പോള്‍ നെയ്യാറ്റിന്‍കര ജനറല്‍ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലാണ്. കാപ്ഷൻ: മർദനത്തിൽ പരിക്കേറ്റ് നെയ്യാറ്റിന്‍കര സര്‍ക്കാര്‍ ആശുപത്രിയില്‍ ചികിത്സയില്‍ കഴിയുന്ന ലാലു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.