പ്രേംനസീര്‍ സ്മാരക ഓപണ്‍ എയര്‍ ഓഡിറ്റോറിയവും പവലിയനും അപകടാവസ്ഥയില്‍

ആ​റ്റി​ങ്ങ​ല്‍: പു​ളി​മൂ​ട്ടി​ല്‍ക​ട​വ് പ്രേം​ന​സീ​ര്‍ സ്മാ​ര​ക ഓ​പ​ണ്‍ എ​യ​ര്‍ ഓ​ഡി​റ്റോ​റി​യ​വും പ​വ​ലി​യ​നും അ​പ​ക​ടാ​വ​സ്ഥ​യി​ല്‍. കെ​ട്ടി​ട​ത്തി​ന്‍റെ അ​ടി​ത്ത​റ​ക്കു​ണ്ടാ​യ ബ​ല​ക്ഷ​യ​മാ​ണ്​ ത​ക​ർ​ച്ച​ക്ക്​ കാ​ര​ണം. ഡോ. ​എ. സ​മ്പ​ത്ത് എം.​പി​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ല്‍നി​ന്നു​ള്ള മു​പ്പ​ത് ല​ക്ഷ​ത്തോ​ളം രൂ​പ ചെ​ല​വ​ഴി​ച്ചാ​ണ് നി​ത്യ​ഹ​രി​ത നാ​യ​ക​ന്‍ പ്രേം​ന​സീ​റി​ന്റെ സ്മ​ര​ണ​ക്കാ​യി ഓ​ഡി​റ്റോ​റി​യം നി​ർ​മി​ച്ച​ത്. ഓ​ഡി​റ്റോ​റി​യ​ത്തി​ന് താ​ഴ് ഭാ​ഗം കെ​ട്ടി​യ​ട​ച്ച് റൂ​മു​ക​ള്‍ ആ​ക്കു​ക​യും ഓ​ഫി​സി​ന്​ അ​നു​യോ​ജ്യ​മാ​ക്കു​ക​യും ചെ​യ്തി​രു​ന്നു. ഇ​തി​നു​ള്ളി​ലാ​ണ് ബോ​ട്ട് സ​ർ​വി​സ് ഓ​ഫി​സ് പ്ര​വ​ര്‍ത്തി​ച്ചി​രു​ന്ന​ത്.

കെ​ട്ടി​ട​ത്തി​ന്റെ അ​ടി​ത്ത​റ ഇ​രു​ത്തി​യ​താ​ണ് നി​ല​വി​ലെ പ്ര​ശ്‌​നം. ഇ​തു​മൂ​ലം ചു​മ​രു​ക​ളി​ല്‍ വി​ള്ള​ല്‍ വീ​ണു. ചു​മ​രും കോ​ണ്‍ക്രീ​റ്റ് മേ​ല്‍ക്കൂ​ര​യും ത​മ്മി​ലു​ള്ള ബ​ന്ധം വി​ട്ടു. ഓ​ഫി​സി​ലെ ഗ്ലാ​സ് ജ​ന്ന​ലു​ക​ള്‍ ത​ക​ര്‍ന്നു. പ​വ​ലി​യ​ന്റെ കൈ​വ​രി​ക​ൾ തൂ​ണു​ക​ളി​ല്‍നി​ന്ന്​ വി​ട്ടു​മാ​റി. ത​റ​യോ​ടു​ക​ൾ ഇ​ള​കി. പ​വ​ലി​യ​ന്‍ ന​ദി​യി​ലേ​ക്ക് ച​രി​ഞ്ഞ നി​ല​യി​ലാ​ണ്. ന​ദി​യു​ടെ സം​ര​ക്ഷ​ണ​ഭി​ത്തി​യും ത​ക​ര്‍ന്നു. അ​ടി​യ​ന്തി​ര​മാ​യി സം​ര​ക്ഷ​ണ സം​വി​ധാ​ന​ങ്ങ​ള്‍ ഒ​രു​ക്കി​യി​ല്ലെ​ങ്കി​ല്‍ പൂ​ർ​ണ​മാ​യി ന​ശി​ക്കു​ന്ന അ​വ​സ്ഥ​യി​ലാ​ണ്.

വാ​മ​ന​പു​രം ന​ദീ​തീ​ര​ത്താ​ണ് കെ​ട്ടി​ട​വും പ​വ​ലി​യ​നും സ്ഥി​തി​ചെ​യ്യു​ന്ന​ത്. നീ​രൊ​ഴു​ക്കി​ന്റെ ശ​ക്തി​യി​ല്‍ തീ​ര​ത്തെ നി​ർ​മാ​ണ പ്ര​വ​ര്‍ത്ത​ന​ത്തി​നു​ണ്ടാ​യ ശ​ക്തി​ക്ഷ​യം കെ​ട്ടി​ട​ത്തെ ബാ​ധി​ച്ചു. നി​ര്‍മ്മി​തി​ക​ളി​രി​ക്കു​ന്ന ഭാ​ഗ​ത്തെ മ​ണ്ണ് ഒ​ഴു​കി​പ്പോ​യ​തോ താ​ഴ്ന്ന​തോ ആ​ണ് അ​പ​ക​ടാ​വ​സ്ഥ​ക്ക്​ കാ​ര​ണം.

ടൂ​റി​സം വി​ക​സ​ന പ​ദ്ധ​തി​യു​ടെ ഭാ​ഗ​മാ​യാ​ണ് പ​വ​ലി​യ​നും ചി​ല്‍ഡ്ര​ന്‍സ് പാ​ര്‍ക്കും നി​ർ​മി​ച്ച​ത്. ക​ഠി​നം​കു​ളം കാ​യ​ലോ​ര വി​നോ​ദ​സ​ഞ്ചാ​ര പ​ദ്ധ​തി​യു​ടെ പ്ര​വേ​ശ​ന ക​വാ​ട​മാ​ണ് പു​ളി​മൂ​ട്ടി​ല്‍ക​ട​വ്. ടോ​യ്‌​ല​റ്റ് ബ്ലോ​ക്ക് സം​ര​ക്ഷ​ണ​മി​ല്ലാ​തെ ന​ശി​ച്ച നി​ല​യി​ലാ​ണ്. ചി​റ​യി​ൻ​കീ​ഴ് ജ​ലോ​ത്സ​വം മു​ന്നി​ൽ​ക​ണ്ടാ​ണ് ഇ​വി​ടെ പ​വ​ലി​യ​ൻ ഒ​രു​ക്കി​യ​ത്. വ​ർ​ഷ​ങ്ങ​ളാ​യി ജ​ലോ​ത്സ​വം മു​ട​ങ്ങി​യ അ​വ​സ്ഥ​യി​ലാ​ണ്.