ട്രോളിങ് നിരോധനം: ജില്ലയിൽ തയാറെടുപ്പുകൾ പൂർത്തിയാകുന്നു

തി​രു​വ​ന​ന്ത​പു​രം: മ​ൺ​സൂ​ൺ​കാ​ല ട്രോ​ളി​ങ്​ നി​രോ​ധ​ന​ത്തി​നാ​യു​ള്ള ഒ​രു​ക്കം ജി​ല്ല​യി​ൽ പു​രോ​ഗ​മി​ക്കു​ന്നു. ഇ​തു​മാ​യി ബ​ന്ധ​പ്പെ​ട്ട്​ ക​ല​ക്​​ട​ർ ജെ​റോ​മി​ക് ജോ​ർ​ജി​ന്റെ അ​ധ്യ​ക്ഷ​ത​യി​ൽ യോ​ഗം ചേ​ർ​ന്നു. ജൂ​ൺ പ​ത്തു മു​ത​ൽ ജൂ​ലൈ 31 വ​രെ നീ​ളു​ന്ന ട്രോ​ളി​ങ്​ നി​രോ​ധ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ സ്വീ​ക​രി​ക്കേ​ണ്ട ന​ട​പ​ടി​ക​ൾ യോ​ഗം ച​ർ​ച്ച​ചെ​യ്​​തു. നി​രോ​ധ​ന​വു​മാ​യി ബ​ന്ധ​പ്പെ​ട്ട് പ്രാ​ദേ​ശി​ക ത​ല​ത്തി​ൽ യോ​ഗ​ങ്ങ​ൾ ചേ​രും.

ഫി​ഷ​റീ​സ് വ​കു​പ്പ്, ഹാ​ർ​ബ​ർ എ​ൻ​ജി​നീ​യ​റി​ങ്, മ​റൈ​ൻ എ​ൻ​ഫോ​ഴ്‌​സ്‌​മെ​ന്റ്,​ പൊ​ലീ​സ് വ​കു​പ്പു​ക​ളു​ടെ ഏ​കോ​പ​ന​ത്തി​ൽ കൃ​ത്യ​മാ​യ സു​ര​ക്ഷാ ക്ര​മീ​ക​ര​ണ​ങ്ങ​ളാ​ണ് ഒ​രു​ക്കു​ന്ന​ത്. 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂം ​വി​ഴി​ഞ്ഞം കേ​ന്ദ്രീ​ക​രി​ച്ച് പ്ര​വ​ർ​ത്ത​നം തു​ട​ങ്ങി. മാ​സ്റ്റ​ർ ക​ൺ​ട്രോ​ൾ റൂം ​ഫി​ഷ​റീ​സ് ഡ​യ​റ​ക്ട​റി​ൽ പ്ര​വ​ർ​ത്തി​ക്കും. 18 സീ ​റ​സ്‌​ക്യൂ ഗാ​ർ​ഡു​ക​ൾ, മു​ത​ല​പ്പൊ​ഴി​യി​ൽ മൂ​ന്ന് ഷി​ഫ്റ്റു​ക​ളി​ലാ​യി ജീ​വ​ൻ​ര​ക്ഷ സ്‌​ക്വാ​ഡു​ക​ൾ എ​ന്നി​വ​യും സ​ജ്ജ​മാ​ക്കും. ക​ട​ൽ പ​ട്രോ​ളി​ങ്ങി​നും ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കു​മാ​യി വി​ഴി​ഞ്ഞം ഹാ​ർ​ബ​ർ കേ​ന്ദ്രീ​ക​രി​ച്ച് ഒ​രു മ​റൈ​ൻ ആം​ബു​ല​ൻ​സും മു​ത​ല​പ്പൊ​ഴി ഹാ​ർ​ബ​ർ കേ​ന്ദ്രീ​ക​രി​ച്ച് ഒ​രു ബോ​ട്ടും നി​ല​വി​ലു​ണ്ട്.

പു​റ​മേ ട്രോ​ളി​ങ് നി​രോ​ധ​ന കാ​ല​യ​ള​വി​ൽ പ്ര​വ​ർ​ത്തി​ക്കു​ന്ന​തി​നാ​യി വി​ഴി​ഞ്ഞ​ത്ത് ഒ​രു ചെ​റു​വ​ള്ളം, ബോ​ട്ട്, മു​ത​ല​പ്പൊ​ഴി​യി​ൽ ര​ണ്ട് ചെ​റു​വ​ള്ളം, ബോ​ട്ട് എ​ന്നി​വ​ക്കാ​യു​ള്ള ടെ​ൻ​ഡ​ർ ന​ട​പ​ടി​ക​ളും പു​രോ​ഗ​മി​ക്കു​ന്നു. കാ​ലാ​വ​സ്ഥാ മു​ന്ന​റി​യി​പ്പ് ബോ​ർ​ഡു​ക​ൾ​ക്ക് പു​റ​മേ തീ​ര​ദേ​ശ​ത്തെ ആ​രാ​ധാ​നാ​ല​യ​ങ്ങ​ളി​ലെ പ്ര​തി​നി​ധി​ക​ളെ കൂ​ടി ഉ​ൾ​പ്പെ​ടു​ത്തി ഫി​ഷ​റീ​സ് വ​കു​പ്പ് വാ​ട്‌​സ്ആ​പ് ഗ്രൂ​പ്പു​ക​ൾ ആ​രം​ഭി​ക്കും.

മ​ത്സ്യ​ത്തൊ​ഴി​ലാ​ളി​ക​ൾ​ക്ക് ആ​ധാ​ർ കാ​ർ​ഡ് വെ​രി​ഫി​ക്കേ​ഷ​ൻ ഉ​ണ്ടാ​യി​രി​ക്കും. ലൈ​ഫ് ജാ​ക്ക​റ്റ് ഉ​ൾ​പ്പെ​ടെ​യു​ള്ള ജീ​വ​ൻ​ര​ക്ഷാ ഉ​പ​ക​ര​ണ​ങ്ങ​ൾ യാ​ന ഉ​ട​മ​ക​ൾ ഉ​റ​പ്പാ​ക്ക​ണം. ഇ​ത​ര സം​സ്ഥാ​ന​തൊ​ഴി​ലാ​ളി​ക​ളു​ടെ വി​വ​ര​ങ്ങ​ൾ ഫി​ഷ​റീ​സ് വ​കു​പ്പി​നെ​യോ കോ​സ്റ്റ​ൽ പൊ​ലീ​സി​നെ​യോ അ​റി​യി​ക്ക​ണം. യാ​ന​ങ്ങ​ളു​ടെ ര​ജി​സ്‌​ട്രേ​ഷ​ൻ, ലൈ​സ​ൻ​സ് എ​ന്നി​വ നി​ർ​ബ​ന്ധ​മാ​ണ്. ഹാ​ർ​ബ​റു​ക​ൾ കേ​ന്ദ്രീ​ക​രി​ച്ച് അം​ഗീ​കൃ​ത വ​ല​ക​ളു​ടെ പ​രി​ശോ​ധ​ന​യും ഉ​ണ്ടാ​യി​രി​ക്കും. യോ​ഗ​ത്തി​ൽ അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റ് പ്രേം​ജി, ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്ട​ർ ഷീ​ജ മേ​രി, ഹാ​ർ​ബ​ർ എ​ൻ​ജി​നീ​യ​റി​ങ്, മ​റൈ​ൻ എ​ൻ​ഫോ​ഴ്‌​സ്‌​മെ​ന്റ്, പൊ​ലീ​സ്, സി​വി​ൽ സ​പ്ലൈ​സ്, വാ​ട്ട​ർ അ​തോ​റി​റ്റി തു​ട​ങ്ങി വ​കു​പ്പു​ക​ളി​ലെ ഉ​ദ്യോ​ഗ​സ്ഥ​രും വി​വി​ധ മ​ത്സ്യ​ത്തൊ​ഴി​ലാ​ളി സം​ഘ​ട​ന പ്ര​തി​നി​ധി​ക​ളും പ​ങ്കെ​ടു​ത്തു.