കഴക്കൂട്ടം: യൂത്ത് കോൺഗ്രസ് മണ്ഡലം സെക്രട്ടറി ആർ. രതീഷിനെ (27) മുൻവൈരാഗ്യത്താൽ നടുറോഡിൽ സംഘം ചേർന്ന് ക്രൂരമായി മർദിച്ച സംഭവത്തിൽ രണ്ടുപേരെ തുമ്പ പൊലീസ് അറസ്റ്റ് ചെയ്തു. കുളത്തൂർ ഗുരുനഗർ പുതുവൽ മണക്കാട് മഹേന്ദ്ര ഭവനിൽ ആദർശ് എം.പി (25), കുളത്തൂർ മൂന്നാറ്റുമുക്ക് കിഴക്കുംവാരത്ത് രാജീവ് ഭവനിൽ ഷാ ആർ.ബി (27) എന്നിവരാണ് അറസ്റ്റിലായത്.
കഴിഞ്ഞ 14ന് ഉച്ചക്ക് അസുഖബാധിതരായ മാതാപിതാക്കൾക്ക് ഭക്ഷണം വാങ്ങാനെത്തിയ രതീഷിനെ എസ്.എഫ്.ഐ, ഡി.വൈ.എഫ്.ഐ പ്രവർത്തകർ ഉൾപ്പെട്ട സംഘം ക്രൂരമായി മർദിച്ച് പരിക്കേൽപിച്ചു. യുവാവിെൻറ ഉച്ചത്തിലുള്ള നിലവിളിയും മർദനദൃശ്യങ്ങളും മൊബൈലിൽ പകർത്തി സമൂഹ മാധ്യമങ്ങളിലൂടെ പ്രചരിപ്പിച്ചത് വിവാദമായിരുന്നു. കുളത്തൂർ ജങ്ഷനിൽ നാട്ടുകാർ നോക്കി നിൽക്കെയായിരുന്നു സംഭവം.
ആദ്യം സംഘം ചേർന്ന് മർദിച്ചശേഷം തടി കഷണം കൊണ്ടുള്ള അക്രമത്തിൽ കാലിന് പൊട്ടേലറ്റു. തലയ്ക്ക് ഗുരുതര പരിക്കേറ്റ രതീഷ് ഇപ്പോഴും ചികിത്സയിലാണ്. കേസിലെ മറ്റ് പ്രതികളായ ഷൈജു, മനീഷ് എന്നിവർ ഒളിവിലാണ്. അറസ്റ്റിലായ പ്രതികളെ വഞ്ചിയൂർ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.