ട്രാഫിക്​ നിയമലംഘകരെ ‘പറന്ന് പിടിക്കാന്‍’ പൊലീസ്​ ഡ്രോൺ

തി​രു​വ​ന​ന്ത​പു​രം: ന​ഗ​ര​ത്തി​ലെ ഗ​താ​ഗ​ത നി​യ​മ​ലം​ഘ​ക​രെ​യും കു​റ്റ​വാ​ളി​ക​ളെ​യും പ​റ​ന്നു പി​ടി​ക്കാ​ൻ സി​റ്റി പൊ​ലീ​സ്. പൊ​ലീ​സി​ന്റെ ഡ്രോ​ൺ ഫോ​റ​ൻ​സി​ക് യൂ​നി​റ്റി​ന്റെ ഭാ​ഗ​മാ​യ ഡ്രോ​ണി​ന്റെ പ്ര​വ​ർ​ത്ത​നം ട്രാ​ഫി​ക് എ​ന്‍ഫോ​ഴ്സ്മെ​ന്റ് യൂ​നി​റ്റി​ൽ ആ​രം​ഭി​ച്ച​താ​യി സി​റ്റി പൊ​ലീ​സ് ക​മീ​ഷ​ണ​ർ നാ​ഗ​രാ​ജു ച​കി​ലം അ​റി​യി​ച്ചു. ആ​ദ്യ​ഘ​ട്ട​ത്തി​ൽ ട്രാ​ഫി​ക് നി​യ​മ​ലം​ഘ​ന​ങ്ങ​ൾ ന​ട​ത്തു​ന്ന​വ​രെ ഡ്രോ​ൺ നി​രീ​ക്ഷ​ണം ന​ട​ത്തും. ബൈ​ക്ക് റേ​സി​ങ്, ബൈ​ക്ക് സ്റ്റ​ണ്ടി​ങ് ന​ട​ത്തു​ന്ന​വ​രെ പി​ന്തു​ട​ര്‍ന്ന് വാ​ഹ​ന​ത്തി​ന്റെ ര​ജി​സ്ട്രേ​ഷ​ന്‍ ന​മ്പ​ർ ഡ്രോ​ണി​ല്‍ ഘ​ടി​പ്പി​ച്ചി​ട്ടു​ള്ള കാ​മ​റ ഒ​പ്പി​യെ​ടു​ക്കും.

ന​മ്പ​ർ പ്ലേ​റ്റി​ൽ രൂ​പ​മാ​റ്റം വ​രു​ത്തു​ന്ന​വ​രെ​യും വാ​ഹ​ന​ത്തി​ന്റെ രൂ​പ​ഭേ​ദം വ​രു​ത്തു​ന്ന​വ​ർ​ക്കെ​തി​രെ​യും ന​ട​പ​ടി ഉ​ണ്ടാ​കും. സീ​ബ്രാ ലൈ​നു​ക​ളി​ൽ വാ​ഹ​നം നി​ർ​ത്തു​ന്ന​വ​രെ​യും ചു​വ​ന്ന ലൈ​റ്റ് ചാ​ടി പോ​കു​ന്ന​വ​രെ​യും ഗ​താ​ഗ​ത ത​ട​സ്സം സൃ​ഷ്ടി​ച്ച് വാ​ഹ​ന പാ​ർ​ക്കി​ങ്​ ന​ട​ത്തു​ന്ന​വ​രെ​യും ഡ്രോ​ൺ തി​രി​ച്ച​റി​യും. ഇ​തി​ലെ അ​ള്‍ട്രാ​സൂം കാ​മ​റ രാ​ത്രി​യി​ലും പ​ക​ലും വ്യ​ക്ത​മാ​യ ദൃ​ശ്യ​ങ്ങ​ളും വിഡി​യോ​ക​ളും ഒ​പ്പി​യെ​ടു​ക്കും. ഹെ​ൽ​മെ​റ്റ് ഇ​ല്ലാ​തെ​യും സീ​റ്റ് ബെ​ല്‍റ്റ് ധ​രി​ക്കാ​തെ​യും യാ​ത്ര ചെ​യ്യു​ന്ന​വ​രെ​യും ആ​കാ​ശ​കാ​മ​റ​യി​ലൂ​ടെ തി​രി​ച്ച​റി​ഞ്ഞ് നി​യ​മ​ന​ട​പ​ടി​ക​ൾ സ്വീ​ക​രി​ക്കും. സ​മ​ര​ങ്ങ​ളും ജാ​ഥ​ക​ളും ഉ​ണ്ടാ​കു​മ്പോ​ൾ റോ​ഡി​ലെ ഗ​താ​ഗ​ത​ക്കു​രു​ക്ക് പ​രി​ഹ​രി​ക്കു​വാ​നും ഡ്രോ​ണി​ന്റെ സേ​വ​നം പ്ര​യോ​ജ​ന​പ്പെ​ടു​ത്തു​മെ​ന്ന് ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ വി. ​അ​ജി​ത്ത് അ​റി​യി​ച്ചു.