നിഖില്‍
വെള്ളറട: അമ്പൂരിയില്‍ കാട്ടുപന്നി കുറുകെ ചാടിയുണ്ടായ അപകടത്തില്‍ ബൈക്ക് യാത്രികന് ഗുരുതരമായി പരിക്കേറ്റു. ബുധനാഴ്ച രാത്രി എട്ട് മണിയോടെ അമ്പൂരി ഞവരക്കാട്ടിലാണ് അപകടം. ഞവരക്കാട് മുല്ലക്കരി വീട്ടില്‍ തോമസ് ജേക്കബിന്റെ മകന്‍ നിഖില്‍ (27) ആണ് അപകടത്തില്‍പ്പെട്ടത്. വെള്ളറടയിലെ സ്വകാര്യ ആശുപത്രിയില്‍ ചികിത്സ തേടി.
തിരുവനന്തപുരത്തുനിന്ന് ജോലി കഴിഞ്ഞ് വീട്ടിലേക്ക് മടങ്ങുംവഴിയുണ്ടായ അപകടത്തില്‍ തോളെല്ലിന് പൊട്ടലുണ്ടായി. വാഹനത്തിനും സാരമായ കേടുപാടുകള്‍ പറ്റി. അമ്പൂരി ഉള്‍പ്പെടുന്ന മലയോര പഞ്ചായത്തുകളില്‍ കാട്ടുപന്നി ശല്യം രൂക്ഷമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.