വെള്ളറട: മദ്യലഹരിയില്‍ ഫര്‍ണിച്ചര്‍ കടയില്‍ കയറി യുവതിയെ ആക്രമിച്ച യുവാവ് പിടിയില്‍. കാരക്കോണത്തെ കൂനമ്പന മോറിയ ഫര്‍ണിച്ചര്‍ മാര്‍ട്ടിലാണ് സംഭവം. ഉടമ റജി തോമസിന്റെ ഭാര്യ സജിതകുമാരിയുടെ നേര്‍ക്കാണ് ആക്രമണമുണ്ടായത്. കടയില്‍വില്‍പനക്ക് വെച്ചിരുന്ന കത്തിയെടുത്ത് കുത്തുകയായിരുന്നു.
ഒഴിഞ്ഞുമാറിയതിനാല്‍ പരിക്കേറ്റില്ല. ചാവടി തച്ചംകോട് സ്വദേശി ജയസിങ് (43) ആണ് ആക്രമിച്ചത്. ഇയാളുടെ ഭാര്യ ഇപ്പോള്‍ പിരിഞ്ഞ് കഴിയുകയാണ്. യുവതി സംഭവം നടന്ന സ്ഥാപനത്തിലെ ജീവനക്കാരിയാണ്. സംഭവസമയത്ത് ഇവര്‍ സ്ഥാപനത്തിലുണ്ടായിരുന്നില്ല. കടയുടമയും നാട്ടുകാരും ചേര്‍ന്ന് ഇയാളെ പിടികൂടി പൊലീസിലേൽപിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.