കൈക്കൂലി പരാതിയെതുടര്‍ന്ന് വെള്ളറട വില്ലേജ് ഓഫിസില്‍ വിജിലന്‍സ് പരിശോധന നടത്തുന്നു
വെള്ളറട: വെള്ളറട വില്ലേജ് ഓഫിസിലെ കൈക്കൂലി പരാതിയെതുടര്‍ന്ന് വിജിലന്‍സ് അന്വേഷണം ആരംഭിച്ചു. വിജിലന്‍സ് ഡിവൈ.എസ്.പിയുടെ നേതൃത്വത്തിലാണ് പരിശോധന നടത്തിയത്. ഫയലുകളില്‍ ഒളിപ്പിച്ചനിലയില്‍ 7500 രൂപ കണ്ടെത്തി. വെള്ളറട വില്ലേജ് ഓഫിസിലെ അഴിമതി സംബന്ധിച്ച് നിരവധി പരാതികള്‍ വകുപ്പ് മന്ത്രിക്ക് നല്‍കിയിരുന്നു.
മന്ത്രിയുടെ അടിയന്തര ഇടപെടലിനെതുടര്‍ന്നാണ് ബുധനാഴ്ച വിജിലന്‍സ് സംഘം വില്ലേജ് ഓഫിസില്‍ എത്തിയത്. വിജിലന്‍സ് ഡിവൈ.എസ്.പി അനില്‍കുമാര്‍ എസ്, എസ്.സി.പി.ഒമാരായ സതീഷ് ബി.എസ്, സജി മോഹന്‍, വിജിത്ത്, ഷബീന, സി.പി.ഒമാരായ രാജേഷ്, അനന്തു അടങ്ങുന്ന സംഘമാണ് പരിശോധനക്കെത്തിയത്. പരിശോധന ഏറെ വൈകിയും തുടരുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.