സുരേന്ദ്രൻ
വെഞ്ഞാറമൂട്: മന്ത്രവാദത്തിന്റെ മറവില്‍ ലഹരിവസ്തുക്കൾ കച്ചവടം നടത്തിവന്നയാള്‍ അറസ്റ്റില്‍. വട്ടപ്പാറ വേറ്റിനാട് മാതുശേരിവീട്ടില്‍ സുരേന്ദ്രനെയാണ് (54) ഡാന്‍സാഫ് ടീമും വട്ടപ്പാറ പൊലീസും ചേര്‍ന്ന് പിടികൂടിയത്. വട്ടപ്പാറ, കന്യാകുളങ്ങര പ്രദേശങ്ങളിലെ സ്‌കൂള്‍കുട്ടികളെയും യുവാക്കളെയും കേന്ദ്രീകരിച്ച് ലഹരി ഉൽപന്നങ്ങള്‍ വിൽപന നടത്തിയിരുന്ന ഇയാള്‍ വേറ്റിനാട് മന്ത്രവാദകേന്ദ്രവും സ്ഥാപിച്ചിരുന്നു. ഇതിന്റെ മറവിലായിരുന്നു ലഹരി ഉൽപന്നങ്ങള്‍ വിറ്റിരുന്നത്. വിദ്യാർഥികള്‍ക്ക് ലഹരിവസ്തുക്കള്‍ വിൽപന നടത്തിവരുന്നതായി പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ഏതാനും നാളുകളായി നിരീക്ഷണത്തിലായിരുന്നു.
തുടര്‍ന്ന് കഴിഞ്ഞദിവസം ഇയാളെ കസ്റ്റഡിയിലെടുത്തുള്ള ചോദ്യം ചെയ്യലില്‍ വീടിന് പിറകുവശത്ത് ഒളിപ്പിച്ചുവെച്ചിരുന്ന 200 ഗ്രാം കഞ്ചാവും 2.06 ഗ്രാം എം.ഡി.എം.എയും കാട്ടിക്കൊടുക്കുകയായിരുന്നു. റൂറല്‍ എസ്.പി കിരണ്‍ നാരായണിന്റെ നിര്‍ദേശപ്രകാരം നെടുമങ്ങാട് ഡിവൈ.എസ്.പി കെ.എസ്. അരുണിന്റ നേതൃത്വത്തില്‍ ഡാന്‍സാഫ് ടീമും വട്ടപ്പാറ സി.ഐ ശ്രീജിത്ത്, എസ്.ഐ. ബിനി മോള്‍, സുനില്‍കുമാര്‍, സി.പി.ഒ റെജി, ഷാഡോ പൊലീസ് ഉദ്യോഗസ്ഥരായ സജുകുമാര്‍, സതികുമാര്‍, ഉമേഷ്, അനൂപ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ കോടതിയില്‍ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.