കടലിൽ കുടുങ്ങിയ നീരാവിയന്ത്രങ്ങൾ കൂടങ്കുളം ആണവ നിലയത്തിലെത്തിച്ചു

നാ​ഗ​ർ​കോ​വി​ൽ: കൂ​ട​ങ്കു​ളം ക​ട​ലി​ൽ പാ​റ​യി​ടു​ക്കി​ൽ കു​ടു​ങ്ങി​യ 310 ട​ൺ വീ​ത​മു​ള്ള ര​ണ്ട് നീ​രാ​വി ഉ​ല്പാ​ദ​ന യ​ന്ത്ര​ങ്ങ​ളെ ആ​ണ​വ​നി​ല​യ​ത്തി​ലെ​ത്തി​ച്ചു. ക​ര​യി​ൽ നി​ന്ന്​ 300 മീ​റ്റ​ർ അ​ക​ലെയാണ്​ യന്ത്രങ്ങൾ കുടുങ്ങിയത്​. 19 ദി​വ​സ​ത്തെ ക​ഠി​ന പ്ര​യ​ത്ന​ത്തി​നൊ​ടു​വി​ൽ വ്യാ​ഴാ​ഴ്ച വൈ​കീ​ട്ടോ​ടെ ക​ട​ലി​ലേ​ക്ക്​ പ​ണി​ത താ​ൽ​ക്കാ​ലി​ക റോ​ഡി​ൽ​കൂ​ടി കൂ​റ്റ​ൻ ട്ര​ക്ക് ഉ​പ​യോ​ഗി​ച്ചാ​ണ്​ യ​ന്ത്ര​ങ്ങ​ളെ കരക്കെത്തി​ച്ച​ത്.

സെ​പ്​​റ്റം​ബ​ർ ഏ​ഴി​ന് റ​ഷ്യ​യി​ൽ നി​ന്ന്​ തൂ​ത്തു​ക്കു​ടി വി.​ഒ.​സി പോ​ർ​ട്ടി​ൽ എ​ത്തി​ച്ച ര​ണ്ട് നീ​രാ​വി ഉ​ല്പാ​ദ​ന​യ​ന്ത്ര​ങ്ങൾ ബാ​ർ​ജി​ൽ കൊ​ണ്ടു​വ​രു​ന്ന​തി​നി​ട​യി​ലാ​ണ് പാ​റ​യി​ടു​ക്കി​ൽ കു​ടു​ങ്ങി​യ​ത്. തു​ട​ർ​ന്ന്, കൊ​ളം​ബോ​യി​ൽ നി​ന്ന്​ ട​ഗ്ഗ് ബോ​ട്ട് കൊ​ണ്ടു​വ​ന്ന് വ​ലി​ച്ചെ​ടു​ക്കാ​നു​ള്ള ശ്ര​മ​വും ഫ​ലി​ച്ചി​ല്ല.

മും​ബൈ​യി​ൽ നി​ന്നും മു​ങ്ങ​ൽ വി​ദ​ഗ്ധ​ർ എ​ത്തി ന​ട​ത്തി​യ പ​രി​ശോ​ധ​ന​യി​ൽ ബാ​ർ​ജി​ന് കേ​ട്പാ​ട് സം​ഭ​വി​ച്ച​ത്​ മ​ന​സ്സി​ലാ​യ​തി​നെ തു​ട​ർ​ന്നാ​ണ് ശ്ര​മം ഉ​പേ​ക്ഷി​ച്ച​ത്. തു​ട​ർ​ന്ന്, ക​ര​യി​ൽ നി​ന്ന് ക​ട​ലി​ലേ​ക്ക്​ റോ​ഡ് പ​ണി​തു. ഇ​തി​നാ​യി കി​ഴ​ക്ക​ൻ മേ​ഖ​ല നാ​വി​ക​സേ​ന​യു​ടെ സ​ഹാ​യ​വും ല​ഭ്യ​മാ​ക്കി​യി​രു​ന്നു.

കൂ​ട​ങ്കു​ളം ആ​ണ​വ​നി​ല​യ​ത്തി​ലെ അ​ഞ്ചും ആ​റും റി​യാ​ക്ട​റു​ക​ൾ​ക്ക് ആ​വ​ശ്യ​മാ​യ നീ​രാ​വി ഉ​ല്പാ​ദ​ന​യ​ന്ത്ര​ങ്ങ​ളി​ൽ ര​ണ്ടെ​ണ്ണം ആ​ഗ​സ്റ്റ് മാ​സം അ​വ​സാ​നം ബാ​ർ​ജ് ഉ​പ​യോ​ഗി​ച്ച് ക​ട​ൽ​മാ​ർ​ഗം ആ​ണ​വ നി​ല​യ​ത്തി​ൽ സു​ര​ക്ഷി​ത​മാ​യി എ​ത്തി​ച്ചി​രു​ന്നു. മ​റ്റ് ര​ണ്ടെ​ണ്ണം കൂ​ടി ബാ​ർ​ജി​ൽ കൊ​ണ്ട് വ​രു​ന്ന​തി​നി​ട​യി​ലാ​ണ് പാ​റ​യി​ടു​ക്കി​ൽ കു​ടു​ങ്ങി​യ​ത്.

കൂ​ട​ങ്കു​ളം ആ​ണ​വ​നി​ല​യ​ത്തി​ൽ ആ​റ് റി​യാ​ക്ട​റു​ക​ളി​ൽ ര​ണ്ടെ​ണ്ണ​ത്തി​ൽ നി​ന്ന് 2000 മെ​ഗാ​വാ​ട്ട് വൈ​ദ്യു​തി​യാ​ണ് ഉ​ല്പാ​ദി​പ്പി​ക്കു​ന്ന​ത്. മൂ​ന്നും നാ​ലും റി​യാ​ക്ട​റു​ക​ളു​ടെ പ​ണി​ക​ൾ ഏ​ക​ദേ​ശം തീ​ർ​ന്നു വ​രി​ക​യാ​ണ്. കൂ​ടാ​തെ, അ​ഞ്ചും ആ​റും റി​യാ​ക്ട​റു​ക​ളു​ടെ പ​ണി​ക​ൾ ന​ട​ന്നു വ​രു​ന്നു. റ​ഷ്യ​യി​ൽ നി​ന്നും തൂ​ത്തു​ക്കു​ടി തു​റ​മു​ഖ​ത്തി​ൽ വ​രു​ന്ന ഉ​പ​ക​ര​ണ​ങ്ങ​ളി​ൽ വ​ലി​പ്പം കു​റ​ഞ്ഞ​വ റോ​ഡ് മാ​ർ​ഗ്ഗം ആ​ണ​വ​നി​ല​യ​ത്തി​ലെ​ത്തി​ക്കും. വ​ലി​പ്പം കൂ​ടി​യ​വ ക​ട​ൽ​മാ​ർ​ഗ​മാ​ണ് എ​ത്തി​ക്കു​ക.