തിരുവനന്തപുരം: മാരക മയക്കുമരുന്നായ എം.ഡി.എം.എയുമായി ഒരാളെ പൊലീസ് പിടികൂടി. വള്ളക്കടവ് ഗാന്ധി നഗറിൽ മുഹമ്മദ് ജുബൈസിനെയാണ് (27) സ്പെഷൽ ആക്ഷൻ ഗ്രൂപ് എഗൈൻസ്റ്റ് ഓർഗനൈസ്ഡ് ക്രൈംസ് ടീമിന്റെ സഹായത്തോടെ തമ്പാനൂർ പൊലീസ് അറസ്റ്റ് ചെയ്തത്.
ഡെപ്യൂട്ടി പൊലീസ് കമീഷണർ അങ്കിത് അശോകന്റെ മേൽനോട്ടത്തിൽ സിറ്റിയിൽ നടത്തി വരുന്ന നാർക്കോട്ടിക് സ്പെഷൽ ഡ്രൈവിന്റെ ഭാഗമായുള്ള അന്വേഷണത്തിലാണ് പ്രതി പിടിയിലായത്.
പ്രതിയെ ചോദ്യം ചെയ്തതിൽ ലഭിച്ച വിവരത്തെതുടർന്ന് മയക്കുമരുന്ന് നൽകിയ വള്ളക്കടവ് സ്വദേശി വസീമിന്റെ വീട്ടിൽ നടത്തിയ പരിശോധനയിൽ മറ്റൊരു മാരക മയക്കുമരുന്നായ ഹാഷിഷ് ഓയിലും പിടിച്ചെടുത്തു.വസീം ഒളിവിലാണ്.
ഇയാളെ പിടികൂടുന്നതിനും പ്രതികളുടെ മയക്കുമരുന്ന് ഇടപാടുകൾ സംബന്ധിച്ചും കൂടുതൽ അന്വേഷണം നടത്തുമെന്ന് കമീഷണർ അറിയിച്ചു.
തമ്പാനൂർ എസ്.എച്ച്.ഒ സനോജ്, എസ്.ഐ രഞ്ജിത്ത് എന്നിവരുടെ നേതൃത്വത്തിൽ തമ്പാനൂർ പൊലീസും സ്പെഷൽ ടീമും സംയുക്തമായി നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.