സുൽത്താൻ ബത്തേരി: കുറിച്ചാട് റേഞ്ചിലെ വടക്കനാടിനടുത്ത് പണയമ്പത്ത് മാനിറച്ചിയുമായി മൂന്നു പേര്‍ വനംവകുപ്പിൻെറ പിടിയില്‍. പണയമ്പം സ്വദേശി ജിജോ ജോര്‍ജ് (32), പണയമ്പം കോളനിയിലെ സത്യന്‍ (31), സുധീഷ് (കണ്ണന്‍ - 29) എന്നിവരാണ് പിടിയിലായത്. രഹസ്യ വിവരത്തിൻെറ അടിസ്ഥാനത്തില്‍ നടത്തിയ പരിശോധനയിലാണ് മൂന്നുപേരും പിടിയിലായത്. ജിജോ ജോര്‍ജില്‍നിന്നുമാണ് മാനിറച്ചി ആദ്യം കണ്ടെടുത്തത്. ഇയാള്‍ സഞ്ചരിച്ച കാറും വനംവകുപ്പ് പിടികൂടി. തുടര്‍ന്ന് മറ്റ് രണ്ടുപേരെയും പിടികൂടുകയായിരുന്നു. തിങ്കളാഴ്ച രാത്രിയിലാണ് പ്രതികൾ വലയിലാകുന്നത്. മാനിൻെറ തലയടക്കം നാല് കിലോയോളം ഇറച്ചിയാണ് പരിശോധനയില്‍ കണ്ടെടുത്തത്. വേട്ടനായ്ക്കളെ ഉപയോഗിച്ച് മാനിനെ വേട്ടയാടി ഇറച്ചിയാക്കി വില്‍പന നടത്തുകയാണ് പിടിയിലായവരുടെ ഉദ്ദേശ്യമെന്നാണ് വനംവകുപ്പ് പറയുന്നത്. സുൽത്താൻ ബത്തേരി റേഞ്ച് ഓഫിസര്‍ എസ്. രഞ്ജിത്ത്, കുപ്പാടി ഫോറസ്റ്റ് സ്‌റ്റേഷന്‍ ഗ്രേഡ് ഫോറസ്റ്റര്‍ എസ്. സത്യനാഥ് എന്നിവരുടെ നേതൃത്വത്തിലായിരുന്നു പരിശോധന. photo: മാനിറച്ചിയുമായി പിടിയിലായവർ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.