കുമിച്ചി കോളനിയിൽ കുടിവെള്ളം കിട്ടാക്കനി

പു​ൽ​പ​ള്ളി: ഭൂ​താ​ന​ത്തി​ന​ടു​ത്തെ കു​മി​ച്ചി കോ​ള​നി​വാ​സി​ക​ൾ കു​ടി​വെ​ള്ള​ത്തി​നാ​യി പ​ര​ക്കം​പാ​യു​ന്നു. കോ​ള​നി​വാ​സി​ക​ൾ ഉ​പ​യോ​ഗി​ക്കു​ന്ന കി​ണ​റി​ൽ വെ​ള്ളം വ​റ്റി​യ നി​ല​യി​ലാ​ണ്. വേ​ന​ൽ ശ​ക്ത​മാ​യ​തോ​ടെ കി​ണ​റ്റി​ൽ ആ​വ​ശ്യ​ത്തി​ന് വെ​ള്ളം ഇ​ല്ലാ​താ​യ​തോ​ടെ ഇ​വ​ർ ദൂ​രെ സ്ഥ​ല​ങ്ങ​ളി​ൽ പോ​യാ​ണ് വെ​ള്ളം കൊ​ണ്ടു​വ​രു​ന്ന​ത്.

ഇ​രു​പ​തോ​ളം വീ​ടു​ക​ളാ​ണ് കോ​ള​നി​യി​ലു​ള്ള​ത്. ഇ​ത്ര​യും കു​ടും​ബ​ങ്ങ​ൾ വെ​ള്ള​ത്തി​ന​ായി ഉ​പ​യോ​ഗി​ക്കു​ന്ന കി​ണ​റി​ലാ​ണ് ഉ​റ​വ വ​റ്റി​യ​ത്. 30 വ​ർ​ഷം മു​മ്പാ​ണ് ഇ​വി​ടെ കി​ണ​ർ നി​ർ​മി​ച്ച​ത്. കി​ണ​റി​ന്റെ വ​ശ​ങ്ങ​ൾ പൊ​ട്ടി​ത്ത​ക​ർ​ന്നു. മ​ഴ​ക്കാ​ല​മാ​യാ​ൽ ഒ​ഴു​കി​വ​രു​ന്ന വെ​ള്ള​വും കി​ണ​റ്റി​ലേ​ക്കു​ത​ന്നെ​യാ​ണ് എ​ത്തു​ന്ന​ത്.

അം​ഗ​ൻ​വാ​ടി​യ​ട​ക്കം കോ​ള​നി​യോ​ട് ചേ​ർ​ന്നു​ണ്ട്. ഈ ​വെ​ള്ള​മാ​ണ് അ​വി​ടെ​യും ഉ​പ​യോ​ഗി​ക്കു​ന്ന​ത്. കി​ണ​റി​ൽ വെ​ള്ള​മു​ള്ള​പ്പോ​ൾ മ​ലി​ന​മാ​യ​ത് ഉ​പ​യോ​ഗി​ക്കേ​ണ്ടി​വ​രു​ന്ന​ത് രോ​ഗ​ങ്ങ​ൾ പ​ട​രാ​നും മ​റ്റും കാ​ര​ണ​മാ​കു​മെ​ന്ന ഭീ​തി​യി​ലാ​ണ് കോ​ള​നി​വാ​സി​ക​ൾ. കു​ടി​വെ​ള്ള​ത്തി​നാ​യി ജ​ല​നി​ധി​യു​ടെ വെ​ള്ളം ഇ​വി​ടെ എ​ത്തു​ന്നി​ല്ല.

ടൗ​ണി​ൽ റോ​ഡ് ന​വീ​ക​ര​ണ​ത്തി​ന്റെ ഭാ​ഗ​മാ​യി റോ​ഡ​രി​കി​ലെ പൈ​പ്പു​ക​ൾ മാ​റ്റി​യി​ട്ടി​രു​ന്നു. മ​റ്റു സ്ഥ​ല​ങ്ങ​ളി​ൽ കു​ടി​വെ​ള്ള വി​ത​ര​ണം പു​ന​ഃസ്ഥാ​പി​ച്ചി​ട്ടും ഇ​വി​ടേ​ക്ക് വെ​ള്ള​മെ​ത്തി​ക്കാ​ൻ ന​ട​പ​ടി​യു​ണ്ടാ​യി​ട്ടി​ല്ല.