മഴ കുറഞ്ഞു; കബനിനദി വരളുന്നു

പു​ൽ​പ​ള്ളി: ക​ബ​നി ന​ദി വീ​ണ്ടും വ​ര​ളു​ന്നു. ക​ർ​ക്കി​ട​ക മാ​സ​ത്തി​ൽ വ​യ​നാ​ട്ടി​ൽ മ​ഴ തീ​രെ കു​റ​ഞ്ഞ​തും ന​ദി​യി​ലൂ​ടെ ഒ​ഴു​കി​യെ​ത്തി​യ പ​ര​മാ​വ​ധി ജ​ലം ക​ർ​ണാ​ട​ക സം​ഭ​രി​ച്ച​തു​മാ​ണ് ക​ബ​നി​യി​ൽ വീ​ണ്ടും പാ​റ​ക്കെ​ട്ടു​ക​ൾ തെ​ളി​ഞ്ഞു തു​ട​ങ്ങാ​ൻ കാ​ര​ണ​മാ​യ​ത്. ക​ഴി​ഞ്ഞ ര​ണ്ട് പ​തി​റ്റാ​ണ്ടി​നി​ടെ​യാ​ണ് ചി​ങ്ങ​മാ​സ​ത്തി​ൽ ക​ബ​നി​യി​ൽ ഇ​ത്ത​ര​ത്തി​ൽ ജ​ല​നി​ര​പ്പ് താ​ഴു​ന്ന​ത്.

സം​സ്ഥാ​ന​ത്ത് മ​ഴ​യു​ടെ അ​ള​വ് ഇ​ത്ത​വ​ണ ഏ​റെ​കു​റ​ഞ്ഞ നി​ല​യി​ലാ​ണ്. ആ​ഗ​സ്റ്റ് ആ​ദ്യ ആ​ഴ്ച​യി​ൽ മ​ഴ​യു​ടെ അ​ള​വി​ൽ 88 ശ​ത​മാ​ന​മാ​ണ് കു​റ​വു​ണ്ടാ​യ​ത്. ശ​രാ​ശ​രി 120 മി​ല്ലീ മീ​റ്റ​ർ മ​ഴ ല​ഭി​ക്കേ​ണ്ട ഇ​ട​ങ്ങ​ളി​ൽ 15 മി​ല്ലീ​മീ​റ്റ​റി​ൽ താ​ഴെ മാ​ത്ര​മാ​ണ് മ​ഴ ല​ഭി​ച്ച​ത്. ആ​ഗ​സ്റ്റ് 10 വ​രെ​യു​ള്ള ക​ണ​ക്കാ​ണി​ത്. കാ​ല​വ​ർ​ഷ​ത്തി​ൽ ജൂ​ൺ ഒ​ന്നു മു​ത​ൽ ക​ഴി​ഞ്ഞ​ദി​വ​സം വ​രെ 42 ശ​ത​മാ​നം മ​ഴ​യു​ടെ കു​റ​വാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്. വ​യ​നാ​ട്ടി​ൽ 54 ശ​ത​മാ​നം മ​ഴ​ക്കു​റ​വാ​ണ് രേ​ഖ​പ്പെ​ടു​ത്തി​യ​ത്.

മ​ഴ​യു​ടെ കു​റ​വ് കാ​ര​ണം കൃ​ഷി​പ്പ​ണി​ക​ൾ പ​ല​യി​ട​ത്തും താ​ളം തെ​റ്റി. ക​ബ​നി ന​ദി​യും പോ​ഷ​ക ന​ദി​ക​ളും വ​ര​ണ്ടു​കൊ​ണ്ടി​രി​ക്കു​മ്പോ​ൾ കാ​ർ​ഷി​ക മേ​ഖ​ല​യെ​യും ഇ​ത് പ്ര​തി​കൂ​ല​മാ​യി ബാ​ധി​ക്കു​ന്നു. ഇ​നി​യും മ​ഴ പെ​യ്തി​ല്ലെ​ങ്കി​ൽ ഈ ​രം​ഗ​ത്ത് പ്ര​തി​സ​ന്ധി രൂ​ക്ഷ​മാ​കും. സ​മീ​പ​കാ​ല​ത്തു​ണ്ടാ​യ ഏ​റ്റ​വും ദു​ർ​ബ​ല​മാ​യ കാ​ല​വ​ർ​ഷ​മാ​ണ് ഇ​പ്പോ​ഴ​ത്തേ​ത്. കി​ണ​റു​ക​ളി​ല​ട​ക്കം ഉ​റ​വ ആ​യി​ട്ടി​ല്ല. പ്ര​ത്യേ​കി​ച്ച് പു​ൽ​പ​ള്ളി, മു​ള്ള​ൻ​കൊ​ല്ലി മേ​ഖ​ല​ക​ളി​ൽ. മ​ഴ​യി​ലു​ണ്ടാ​യ കു​റ​വ് വി​നോ​ദ​സ​ഞ്ചാ​ര​ത്തേ​യും പ്ര​തി​സ​ന്ധി​യി​ലാ​ക്കി.

ഏ​താ​നും വ​ർ​ഷ​ങ്ങ​ളാ​യി വ​യ​നാ​ട്ടി​ൽ മ​ഴ​യു​ടെ കു​റ​വ് വ​ർ​ധി​ച്ചു​വ​രു​ക​യാ​ണ്. സാ​ധാ​ര​ണ മ​ഴ​മ​ഹോ​ത്സ​വ​വും മ​റ്റും കാ​ല​വ​ർ​ഷ കാ​ല​ത്താ​യി​രു​ന്നു ന​ട​ത്തി​യി​രു​ന്ന​ത്. വ​യ​നാ​ട് അ​ഭി​മു​ഖീ​ക​രി​ക്കു​ന്ന കാ​ലാ​വ​സ്​​ഥ വ്യ​തി​യാ​ന​ത്തി​ന്റെ പ്ര​ക​ട​മാ​യ തെ​ളി​വാ​ണ് കാ​ല​വ​ർ​ഷ​ത്തി​ൽ ഉ​ണ്ടാ​യ മാ​റ്റ​മെ​ന്നാ​ണ് വി​ല​യി​രു​ത്ത​ൽ.

ഇ​തി​ന​കം വ​യ​നാ​ട്ടി​ൽ പെ​യ്ത മ​ഴ​യു​ടെ ഗു​ണം പൂ​ർ​ണ​മാ​യി ഉ​പ​യോ​ഗ​പ്പെ​ടു​ത്തി​യ​ത് അ​യ​ൽ​സം​സ്ഥാ​ന​ങ്ങ​ളാ​ണ്. ജ​ല സം​ഭ​ര​ണ​ത്തി​ന് കാ​ര്യ​മാ​യ പ​ദ്ധ​തി​ക​ൾ ഇ​ല്ലാ​ത്ത​തി​നാ​ൽ ചെ​റു​തോ​ടു​ക​ളി​ലൂ​ടെ​യ​ട​ക്കം വെ​ള്ളം ക​ർ​ണാ​ട​ക​യി​ലേ​ക്കാ​ണ് ഒ​ഴു​കി​പ്പോ​യ​ത്. ക​ഴി​ഞ്ഞ മാ​സം ബീ​ച്ച​ന​ഹ​ള്ളി ഡാം ​നി​റ​ഞ്ഞി​രു​ന്നു. ഈ ​വെ​ള്ള​ത്തി​ൽ ത​മി​ഴ്നാ​ടി​ന് ന​ൽ​കേ​ണ്ട വി​ഹി​ത​ത്തി​ൽ ന​ല്ലൊ​രു പ​ങ്ക് ക​ർ​ണാ​ട​ക കൈ​മാ​റി​ക്ക​ഴി​ഞ്ഞു. കാ​വേ​രി ന​ദീ​ജ​ല ട്രൈ​ബ്യൂ​ണ​ൽ വി​ധി അ​നു​സ​രി​ച്ചു​ള്ള വെ​ള്ള​മാ​ണ് കൈ​മാ​റി​യ​ത്. ഇ​തി​നു​പു​റ​മെ ബീ​ച്ച​ന​ഹ​ള്ളി ഡാ​മി​ൽ നി​ന്ന് വെ​ള്ളം നൂ​ഗു, താ​ർ​ക്ക ഡാ​മു​ക​ളി​ലേ​ക്കും തു​റ​ന്നു​വി​ട്ടു. ഇ​പ്പോ​ൾ ഈ ​ഡാ​മു​ക​ളും ജ​ല​സ​മൃ​ദ്ധ​മാ​ണ്.