വാ​ഹ​ന​സൗ​ക​ര്യ​മി​ല്ല; നൂ​ൽ​പു​ഴ​യി​ൽ സ്കൂ​ളി​ൽ പോ​കാ​നാ​വാ​തെ 500ഓ​ളം വി​ദ്യാ​ർ​ഥി​ക​ൾ

സു​ൽ​ത്താ​ൻ ബ​ത്തേ​രി: പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ അ​നാ​സ്ഥ​യി​ൽ നൂ​ൽ​പു​ഴ​യി​ലെ ആ​ദി​വാ​സി കു​ട്ടി​ക​ൾ​ക്ക് സ്കൂ​ളി​ൽ പോ​കാ​നാ​വു​ന്നി​ല്ലെ​ന്ന് ആ​ദി​വാ​സി ക്ഷേ​മ സ​മി​തി (എ.​കെ.​എ​സ്) നേ​താ​ക്ക​ൾ വാ​ർ​ത്ത​സ​മ്മേ​ള​ന​ത്തി​ൽ ആ​രോ​പി​ച്ചു.

വി​വി​ധ കോ​ള​നി​ക​ളി​ലെ 500 ഓ​ളം വി​ദ്യാ​ർ​ഥി​ക​ളാ​ണ് പ​ഞ്ചാ​യ​ത്ത് വാ​ഹ​ന സൗ​ക​ര്യം ഏ​ർ​പ്പെ​ടു​ത്തു​ന്ന​തും കാ​ത്തി​രി​ക്കു​ന്ന​ത്. സം​ഭ​വ​ത്തി​ൽ 16ന് ​പ​ഞ്ചാ​യ​ത്ത്​ ഓ​ഫി​സ് മാ​ർ​ച്ച് ന​ട​ത്തു​മെ​ന്ന്​ ​ഭാ​ര​വാ​ഹി​ക​ൾ പ​റ​ഞ്ഞു.

പൊ​ൻ​കു​ഴി, ചെ​ട്ട്യാ​ല​ത്തൂ​ർ, യൂ​ക്കാ​ലി​ക്കു​നി, മൈ​ക്ക​ര, കോ​ളൂ​ർ, ക​ട​മ്പ​ക്കാ​ട്, ചു​ണ്ട​പ്പാ​ടി, മ​ണി​മു​ണ്ട, പി​ലാ​ക്കാ​വ്, തോ​ട്ടാ​മൂ​ല, കാ​ര​പ്പൂ​താ​ടി, ഓ​ട​ക്കൊ​ല്ലി, പാ​മ്പും​കൊ​ല്ലി കോ​ള​നി​ക​ളി​ൽ​നി​ന്നാ​ണ് വി​ദ്യാ​ർ​ഥി​ക​ൾ​ക്ക് സ്കൂ​ളി​ൽ പോ​കേ​ണ്ട​ത്. പ​ണി​യ, കാ​ട്ടു​നാ​യ്ക്ക, ഊ​രാ​ളി വി​ഭാ​ഗ​ങ്ങ​ളി​ൽ​പ്പെ​ട്ട​വ​രാ​ണ് കൂ​ടു​ത​ലും. ഗോ​ത്ര​സാ​ര​ഥി പ​ദ്ധ​തി​യി​ൽ മു​ൻ​വ​ർ​ഷ​ങ്ങ​ളി​ൽ പ​ഞ്ചാ​യ​ത്ത് വാ​ഹ​ന സൗ​ക​ര്യം ഒ​രു​ക്കി​യി​രു​ന്നു.

ഒ​രു​മാ​സം പ​ഞ്ചാ​യ​ത്തി​ന് മൂ​ന്നു​ല​ക്ഷം രൂ​പ​യോ​ളം ഇ​ക്കാ​ര്യ​ത്തി​ൽ ചെ​ല​വു​വ​രും.

ജി​ല്ല​യി​ൽ 3750 കു​ടും​ബ​ങ്ങ​ളു​ള്ള നൂ​ൽ​പു​ഴ പ​ഞ്ചാ​യ​ത്ത് ആ​ദി​വാ​സി ജ​ന​സം​ഖ്യ​യി​ൽ ജി​ല്ല​യി​ൽ ര​ണ്ടാ​മ​താ​ണ്.

എ​ന്നി​ട്ടും പ​ഞ്ചാ​യ​ത്ത് ഭ​ര​ണ​സ​മി​തി ആ​ദി​വാ​സി​ക​ളെ ഗൗ​നി​ക്കു​ന്നി​ല്ലെ​ന്നും എ.​കെ.​എ​സ് നേ​താ​ക്ക​ൾ ആ​രോ​പി​ച്ചു. കെ.​എം. സി​ന്ധു, സി. ​അ​നി​ൽ, എ.​സി. ശ​ശീ​ന്ദ്ര​ൻ, ക​ന​ക​രാ​ജ് എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.