അറസ്റ്റിലായ രതീഷ്
അടിമാലി :അടിമാലി എക്സൈസ് റേഞ്ച് പാർട്ടി പനംകൂട്ടി യിൽ നടത്തിയ റെയ്ഡിൽ 20 ലിറ്റർ കോടയും 100 മി.ലിറ്റർ ചാരായവും പ്രഷർകുക്കർ ഉൾപ്പെടെയുള്ള വാറ്റുപകരണങ്ങളും സഹിതം ഒരാളെ അറസ്റ്റ് ചെയ്തു. വെള്ളത്തൂവൽ പനം കൂട്ടി ചെരുവിള പുത്തൻവീട് രതീഷ് സുരേന്ദ്രൻ (45 ) ആണ് പിടിക്കൂടിയത്ഇയാൾ നടത്തുന്ന ഹോട്ടലിൽ ഡ്രൈ ഡേയുടെ മറവിൽ വിൽപ്പന നടത്തുന്നതിനായി ചാരായം വാറ്റുന്നുണ്ടെന്ന പരാതിയുടെ അടിസ്ഥാനത്തിൽ എക്സൈസ് സംഘം പരിശോധനക്കെത്തിയപ്പോഴാണ് ചാരായം വാറ്റിക്കൊണ്ടിരുന്ന പ്രതി എക്സൈസിൻ്റെ വലയിൽ കുടുങ്ങിയത്.
പ്രിവൻ്റീവ് ഓഫീസർ പി എച്ച് ഉമ്മറിൻ്റെ നേതൃത്വത്തിൽ നടത്തിയ റെയ്ഡിൽ പ്രിവൻ്റീവ് ഓഫീസർ (ഗ്രേഡ്) അനിൽ കെ എൻ സിവിൽ എക്സൈസ് ഓഫീസർമാരായ സുനീഷ് കുമാർ കെ ബി ,മീരാൻ കെ എസ് ,ഉണ്ണിക്കൃഷ്ണൻ കെ പി എന്നിവരും പങ്കെടുത്തു.പ്രതിയെ അടിമാലി കോടതിയിൽ ഹാജരാക്കി റിമാൻ്റ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.