മുല്ലപ്പെരിയാറിൽ വീണ്ടും വാക്​പോര്

തി​രു​വ​ന​ന്ത​പു​രം: ​നി​യ​മ​പോ​രാ​ട്ട​ങ്ങ​ൾ തു​ട​രു​ന്ന​തി​നി​ടെ, ത​മി​ഴ്​​നാ​ട്​ മ​ന്ത്രി​യു​ടെ പ്ര​തി​ക​ര​ണ​ത്തെ​ച്ചൊ​ല്ലി മു​ല്ല​​പ്പെ​രി​യാ​ർ വി​ഷ​യം വീ​ണ്ടും ചൂ​ടു​പി​ടി​ക്കു​ന്നു. അ​ണ​ക്കെ​ട്ടി​ന്‍റെ ജ​ല​നി​ര​പ്പ് 152 അ​ടി​യാ​ക്കു​മെ​ന്ന ത​മി​ഴ്നാ​ട് മ​ന്ത്രി ഐ. ​പെ​രി​യ​സാ​മി​യു​ടെ പ്ര​തി​ക​ര​ണ​മാ​ണ്​ വീ​ണ്ടും വി​ഷ​യം സ​ജീ​വ ച​ർ​ച്ച​യാ​ക്കു​ന്ന​ത്. ത​മി​ഴ്​​നാ​ട്​ മ​ന്ത്രി​യു​ടെ പ്ര​തി​ക​ര​ണ​ത്തി​ന്​ പി​ന്നാ​ലെ, ​ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ൻ കേ​ര​ള​ത്തി​ന്‍റെ നി​ല​പാ​ടും വ്യ​ക്ത​മാ​ക്കി. മു​ല്ല​​പ്പെ​രി​യാ​റി​ൽ അ​റ്റ​കു​റ്റ​പ്പ​ണി​ക്ക്​ അ​നു​മ​തി ന​ൽ​കി കേ​ര​ളം ഉ​ത്ത​ര​വി​റ​ക്കി ഒ​രാ​ഴ്ച​ക്ക​ക​മാ​ണ്​ ഡാ​മി​ലെ ജ​ല​നി​ര​പ്പ്​ ഉ​യ​ർ​ത്തു​മെ​ന്ന ത​മി​ഴ്​​നാ​ട്​ മ​ന്ത്രി​യു​ടെ ​പ്ര​ഖ്യാ​പ​നം.

വി​ഷ​യ​ത്തി​ൽ സം​യ​മ​ന​ത്തോ​ടെ മു​ന്നോ​ട്ടു​പോ​ക​ണ​മെ​ന്ന നി​ല​പാ​ടാ​ണ്​ കേ​ര​ള​ത്തി​നു​ള്ള​ത്. അ​തേ​സ​മ​യം പു​തി​യ ഡാം ​എ​ന്ന ആ​വ​ശ്യ​ത്തി​ല​ട​ക്കം തു​ട​ർ​ന​ട​പ​ടി​ക​ളി​ൽ പി​ന്നാ​ക്കം​ പോ​കേ​ണ്ട​തി​ല്ലെ​ന്ന തീ​രു​മാ​ന​ത്തി​ൽ ത​ന്നെ​യാ​ണ്​ സം​സ്ഥാ​നം. ഡാ​മി​ൽ അ​റ്റ​കു​റ്റ​പ്പ​ണി ന​ട​ത്താ​നാ​യി ത​മി​ഴ്​​നാ​ടി​ന്​ അ​നു​മ​തി ന​ൽ​കി​യ കേ​ര​ള ജ​ല​വി​ഭ​വ വ​കു​പ്പ്​ പു​റ​ത്തി​റ​ക്കി​യ ഉ​ത്ത​ര​വി​ൽ പു​തി​യ ഡാ​മി​ന്‍റെ കാ​ര്യം എ​ടു​ത്തു​പ​റ​യു​ന്നു​ണ്ട്. എ​ഴ്​ നി​ർ​മാ​ണ​ പ്ര​വ​ർ​ത്ത​ന​ങ്ങ​ൾ​ക്കാ​ണ്​ അ​നു​മ​തി ന​ൽ​കി​യ​ത്. പു​തി​യ ഡാം ​നി​ർ​മി​ക്കു​ന്ന​തു​വ​രെ​യാ​ണ്​ അ​നു​മ​തി​യെ​ന്നാ​ണ്​​ ഉ​ത്ത​ര​വി​ലെ ഒ​ന്നാ​മ​ത്തെ വ്യ​വ​സ്ഥ. ഉ​ത്ത​ര​വി​ൽ പു​തി​യ ഡാ​മി​ന്‍റെ കാ​ര്യം പ​രാ​മ​ർ​ശി​ച്ച​തി​നോ​ട്​ ത​മി​ഴ്​​നാ​ടി​ന്​ താ​ൽ​പ​ര്യ​മു​ണ്ടാ​കാ​നി​ട​യി​ല്ല. നി​ല​വി​ൽ അ​നു​മ​തി ന​ൽ​കി​യ പ്ര​വൃ​ത്തി​ക​ളി​ൽ കൂ​ടു​ത​ൽ ഡാം ​​സൈ​റ്റി​ൽ ന​ട​ത്താ​ൻ പാ​ടി​ല്ല, രാ​വി​ലെ ആ​റു മു​ത​ൽ വൈ​കീ​ട്ട്​ ആ​റു​വ​രെ മാ​ത്രം നി​ർ​മാ​ണ ജോ​ലി​ക​ൾ ന​ട​ത്തു​ക തു​ട​ങ്ങി​യ നി​ർ​ദേ​ശ​ങ്ങ​ളും കേ​ര​ളം ന​ൽ​കി​യി​ട്ടു​ണ്ട്. ത​മി​ഴ്​​നാ​ട്​ മു​ഖ്യ​മ​ന്ത്രി സ്റ്റാ​ലി​ന്‍റെ കേ​ര​ള സ​ന്ദ​ർ​​ശ​ന​ത്തി​ന്​ തൊ​ട്ടു​മു​മ്പാ​ണ്​ ത​മി​ഴ്​​നാ​ടി​ന്​ അ​റ്റ​കു​റ്റ​പ്പ​ണി​ക്കു​ള്ള അ​നു​മ​തി ന​ൽ​കി കേ​ര​ളം ഉ​ത്ത​ര​വി​റ​ക്കി​യ​ത്.

നി​ല​വി​ൽ 142 അ​ടി വ​രെ​യാ​ണ്​ അ​നു​വ​ദ​നീ​യ ജ​ല​നി​ര​പ്പ്. ഡി.​എം.​കെ​യു​ടെ ഭ​ര​ണ​ത്തി​ൽ ഇ​ത്​ 152 അ​ടി​യാ​ക്കു​മെ​ന്ന ത​മി​ഴ്​​നാ​ട്​ മ​ന്ത്രി​യു​ടെ പ്ര​ഖ്യാ​പ​നം കേ​ര​ളം ഗൗ​ര​വ​ത്തോ​ടെ​യാ​ണ്​ കാ​ണു​ന്ന​ത്. ത​മി​ഴ്​​നാ​ട്ടി​ൽ മു​ല്ല​പ്പെ​രി​യാ​ർ വീ​ണ്ടും സ​ജീ​വ​മാ​ക്കി നി​ർ​ത്തു​ന്ന​തു​വ​ഴി​യു​ള്ള രാ​ഷ്ട്രീ​യ താ​ൽ​പ​ര്യ​ങ്ങ​ളും ​പ്ര​സ്താ​വ​ന​ക്ക്​ പി​ന്നി​ലു​ള്ള​താ​യി ​ചൂ​ണ്ടി​ക്കാ​ണി​ക്ക​പ്പെ​ടു​ന്നു. അ​തേ​സ​മ​യം മു​ല്ല​പ്പെ​രി​യാ​റി​ൽ പു​തി​യ ഡാം ​ആ​വ​ശ്യ​വു​മാ​യി കേ​ര​ളം മു​ന്നോ​ട്ടു​പോ​കു​ക​യാ​ണ്. 1300 കോ​ടി​യോ​ളം രൂ​പ ചെ​ല​വ്​ ക​ണ​ക്കാ​ക്കു​ന്ന പു​തി​യ ഡാ​മി​ന്‍റെ ​ഡി.​പി.​ആ​ർ ഇ​തി​ന​കം ത​യാ​റാ​യി​ട്ടു​ണ്ട്.