കൊച്ചി: യാത്രക്കാരുടെ എണ്ണത്തിൽ ഗണ്യമായി കുറവുവരുകയും കര്‍ണാടകയില്‍ ലോക്ഡൗണ്‍ പ്രഖ്യാപിക്കുകയും ചെയ്ത സാഹചര്യത്തില്‍ കേരളത്തില്‍നിന്ന് ബംഗളൂരുവിലേക്കും തിരിച്ചുമുള്ള രണ്ട് ട്രെയിൻ താൽക്കാലികമായി റദ്ദാക്കി. കൊച്ചുവേളി-ബാനസവാടി ഹംസഫര്‍ (06319) ഈ മാസം 29 മുതലും ബാനസവാടി-കൊച്ചുവേളി സ്‌പെഷല്‍ (06320) േമയ് ഒന്നുമുതലും സര്‍വിസ് നടത്തില്ല.
എറണാകുളം-ബാനസവാടി സ്‌പെഷല്‍ (06129), തിരികെയുള്ള ട്രെയിന്‍ (06130) എന്നിവയുടെ സര്‍വിസുകളും റദ്ദാക്കി. യഥാക്രമം േമയ് മൂന്ന്, നാല് തീയതി മുതല്‍ ഈ സര്‍വിസുകള്‍ നിര്‍ത്തും. ഇതിനുപുറമെ രാമേശ്വരം-കന്യാകുമാരി-06165, കന്യാകുമാരി-രാമേശ്വരം സ്‌പെഷല്‍-06166 ട്രെയിനുകളുടെ സര്‍വിസും ഇനി ഒരു അറിയിപ്പ് ഉണ്ടാവുന്നതുവരെ റദ്ദാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.