കോഴിക്കോട്: ലഹരിമരുന്നുമായി ബന്ധപ്പെട്ട പണമിടപാട് കേസിൽ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍റെ മകൻ ബിനീഷ് കോടിയേരിയെ ബംഗളൂരുവിൽ ഇ.ഡി അറസ്റ്റ് ചെയ്തതിന് പിന്നാലെ പഴയ 'കടം' വീട്ടി യൂത്ത്ലീഗ് സംസ്ഥാന സെക്രട്ടറി പി.കെ.ഫിറോസ്.
ലഹരിമരുന്ന് കേസുമായി ബന്ധപ്പെട്ട് ബിനീഷും പ്രതിയായ കൊച്ചി സ്വദേശി അനൂപ് മുഹമ്മദും തമ്മിലുള ഇടപാട് സെപ്റ്റംബർ 2ന് പി.കെ ഫിറോസ് വാർത്തസമ്മേളനത്തിൽ ഉന്നയിച്ചതിന് പിന്നാലെ ബിനീഷ് കോടിയേരി പ്രതികരിച്ചത് ഇങ്ങനെ.
''ബിരിയാണി ചെമ്പിലെ ബുദ്ധി
പണ്ട് നട്ടുച്ചക്ക് നയനാ൪ സഖാവ് ലീഗുകാരോട് പറഞ്ഞതെ എനിക്കും ഫിറോസിനോടു പറയാനുള്ളൂ "ഗുഡ്നൈറ്റ്" ''
അറസ്റ്റിലായതിന് പിന്നാലെ 'ഒ.കെ , ഗുഡ്നൈറ്റ്' എന്ന പ്രയോഗം ഫേസ്ബുക്കിൽ പോസ്റ്റ് ചെയ്ത് ഫിറോസ് തിരിച്ചടിക്കുകയായിരുന്നു.
കേസിൽ എൻഫോഴ്സ്മെന്‍റ് ഡയറക്ടറേറ്റ് ബിനീഷിനെ ഇന്ന് ചോദ്യംചെയ്യാൻ വിളിപ്പിച്ചിരുന്നു. ചോദ്യം ചെയ്യലിനൊടുവിൽ അറസ്റ്റ് രേഖപ്പെടുത്തി ബംഗളൂരു സിറ്റി സിവിൽ കോടതിയിൽ ഹാജരാക്കിയിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.