കണ്ണൂർ: പന്ത്രണ്ടുകാരനെ പീഡിപ്പിച്ചെന്ന പരാതിയിൽ പൊലീസ് ഉദ്യോഗസ്ഥൻ അറസ്റ്റിൽ. കണ്ണൂർ സിറ്റിയിലെ ടെലികമ്യൂണിക്കേഷനിലെ സീനിയർ സിവിൽ പൊലീസ് ഓഫിസർ കോട്ടയം കാഞ്ഞിരപ്പള്ളി സ്വദേശി അബ്ദുൽ റസാഖിനെയാണ് (46) കണ്ണൂർ ടൗൺ ഇൻസ്പെക്ടർ ശ്രീജിത് കൊടേരി അറസ്റ്റു ചെയ്തത്.
ചാലാട് സ്വദേശിയായ ആൺകുട്ടിയെ കാറിൽ പലയിടങ്ങളിൽ കറങ്ങിയും ക്വാട്ടേഴ്സിലെത്തിച്ചുമാണ് പീഡിപ്പിച്ചത്. ശിക്ഷാനടപടിയുടെ ഭാഗമായി കണ്ണൂരിലേക്ക് സ്ഥലംമാറിയെത്തിയ റസാഖ് ചാലാടുള്ള വാടക ക്വാർട്ടേഴ്സിൽ താമസിക്കുമ്പോൾ മേയ് മാസമാണ് കേസിനാസ്പദമായ സംഭവം.
നിയമപരമായ വിവാഹം ചെയ്യാതെ പീഡിപ്പിച്ചെന്ന് രണ്ടാം ഭാര്യ നൽകിയ പരാതിയിൽ നേരത്തേ ഇയാൾക്കെതിരെ കേസെടുത്തിരുന്നു. ഇതേതുടർന്ന് സസ്പെൻഷനിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.