കോഴിക്കോട്: തദ്ദേശ തെരഞ്ഞെടുപ്പില്‍ മികച്ച മുന്നേറ്റവുമായി എസ്.ഡി.പി.ഐ. 90 വാര്‍ഡുകളില്‍ പാർട്ടി സ്ഥാനാര്‍ഥികള്‍ ഇതുവരെ വിജയിച്ചു. 2000ത്തോളം സീറ്റുകളിലാണ് പാർട്ടി മത്സരിച്ചത്. കഴിഞ്ഞതവണ അമ്പതിനടുത്ത് സീറ്റുകളായിരുന്നു ലഭിച്ചത്.
തിരുവനന്തപുരം ജില്ലയില്‍ വിവിധ ഗ്രാമപ്പഞ്ചായത്തുകളിലായി ഒമ്പത് സീറ്റില്‍ വിജയിച്ചു. കോര്‍പറേഷനില്‍ പല ഡിവിഷനുകളിലും ഇഞ്ചോടിഞ്ചു മത്സരമാണ് കാഴ്ചവെച്ചത്.
ആലപ്പുഴ, പത്തനംതിട്ട, തിരുവല്ല, പെരുമ്പാവൂര്‍, ഈരാറ്റുപേട്ട, ഇരിട്ടി നഗരസഭകളില്‍ എസ്.ഡി.പി.ഐ വന്‍ മുന്നേറ്റമാണ് നടത്തിയത്. പത്തനംതിട്ട നഗരസഭയില്‍ മൂന്നും ഈരാറ്റുപേട്ട നഗരസഭയില്‍ അഞ്ചും സീറ്റുകള്‍ നേടി. വടകര നഗരസഭയിൽ അക്കൗണ്ട് തുറന്നു. 45ാം വാർഡിൽ പി.എസ്. ഹക്കീമാണ് വിജയിച്ചത്.
ഫലമറിഞ്ഞത് ഇതുവരെ: കാസർകോട് 8, കണ്ണൂര്‍ 10, കോഴിക്കോട് 3, വയനാട് 0, മലപ്പുറം 05, പാലക്കാട് 06, തൃശൂര്‍ 04, എറണാകുളം 4, ഇടുക്കി 1, കോട്ടയം 9, ആലപ്പുഴ 11, പത്തനംതിട്ട 06, കൊല്ലം 09, തിരുവനന്തപുരം 09.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.