സ്വാശ്രയ വിദ്യാഭ്യാസം; അന്ന് പോരാട്ടം, ഇന്ന് സ്വാഗതം

ക​ണ്ണൂ​ർ: സ്വാ​ശ്ര​യ കോ​ള​ജി​നെ​തി​രെ പ​ട​പൊ​രു​തി വെ​ടി​യേ​റ്റ് വീ​ണ പു​ഷ്പ​ൻ വി​ട​വാ​ങ്ങു​ന്ന​ത്, ഇ​ട​ത് സ​ർ​ക്കാ​ർ വി​ദേ​ശ സ​ർ​വ​ക​ലാ​ശാ​ല​ക​ൾ​ക്ക് ജാ​ല​കം തു​റ​ന്നി​ട്ട വേ​ള​യി​ൽ. മൂ​ന്ന് പ​തി​റ്റാ​ണ്ടു മു​മ്പ് കൂ​ത്തു​പ​റ​മ്പ് വെ​ടി​വെ​പ്പി​ലേ​ക്ക് ന​യി​ച്ച പ്ര​തി​ഷേ​ധ കാ​ര​ണം വീ​ണ്ടു​മോ​ർ​ക്കു​മ്പോ​ൾ വി​ദ്യാ​ഭ്യാ​സ​ത്തി​ലെ സ്വ​കാ​ര്യ നി​ക്ഷേ​പം സം​ബ​ന്ധി​ച്ച് സി.​പി.​എം ന​യ​വും നി​ല​പാ​ടും അ​ടി​മു​ടി മാ​റി. സം​സ്ഥാ​ന​ത്ത് വി​ദേ​ശ സ​ർ​വ​ക​ലാ​ശാ​ല​ക​ൾ ആ​വാ​മെ​ന്ന വ്യ​ക്ത​മാ​യ സൂ​ച​ന ന​ൽ​കി 2024-25 ബ​ജ​റ്റ് അ​വ​ത​രി​പ്പി​ച്ച​ത് കൂ​ത്തു​പ​റ​മ്പ് വെ​ടി​വെ​പ്പ് വേ​ള​യി​ൽ യു​വ നേ​താ​വാ​യി​രു​ന്ന കെ.​എ​ൻ. ബാ​ല​ഗോ​പാ​ൽ.

വി​ദ്യാ​ഭ്യാ​സ മേ​ഖ​ല​യി​ൽ സ്വ​കാ​ര്യ നി​ക്ഷേ​പ​മെ​ന്ന​തി​നെ ഒ​രു​നി​ല​ക്കും അം​ഗീ​ക​രി​ക്കാ​ത്ത പാ​ർ​ട്ടി​യാ​യി​രു​ന്നു അ​ന്ന് സി.​പി.​എം. അ​താ​ണ് പ​രി​യാ​രം കോ​ള​ജി​ന്റെ പേ​രി​ൽ വി​ദ്യാ​ഭ്യാ​സ​ക​ച്ച​വ​ട​മാ​യി വ്യാ​ഖ്യാ​നി​ച്ച് പ്ര​തി​ഷേ​ധ സ​മ​ര​മാ​യ​ത്.

കാ​ല​ങ്ങ​ൾ​ക്കി​പ്പു​റം സ്വാ​ശ്ര​യ കോ​ള​ജു​ക​ൾ​ക്കു​മ​പ്പു​റം വി​ദേ​ശ സ​ർ​വ​ക​ലാ​ശാ​ല കാ​മ്പ​സു​ക​ളു​ടെ സാ​ധ്യ​ത പ​രി​ശോ​ധി​ക്കു​മെ​ന്ന നി​ല​പാ​ടി​ലേ​ക്ക് പാ​ർ​ട്ടി​യും സ​ർ​ക്കാ​റും മാ​റി. ബ​ജ​റ്റി​ൽ ത​ന്നെ അ​ത് വ്യ​ക്ത​മാ​ക്കു​ക​യും ചെ​യ്തു. സ​ർ​ക്കാ​രി​ന്റെ ന​യം മാ​റ്റ​ത്തെ ‘പു​ഷ്പ​നെ അ​റി​യു​മോ’ എ​ന്ന് ചോ​ദി​ച്ചാ​ണ് ബ​ജ​റ്റ് വേ​ള​യി​ൽ പ്ര​തി​പ​ക്ഷം നേ​രി​ട്ട​ത്.

പ​രി​യാ​ര​ത്ത് സ്വ​കാ​ര്യ ട്ര​സ്റ്റി​നു കീ​ഴി​ൽ സ്വാ​ശ്ര​യ മെ​ഡി​ക്ക​ൽ കോ​ള​ജ് തു​ട​ങ്ങാ​ൻ തീ​രു​മാ​നി​ച്ച​തി​നെ​തി​രാ​യ സ​മ​ര​മാ​ണ് വെ​ടി​വെ​പ്പി​ലേ​ക്ക് ന​യി​ച്ച​ത്. യു.​ഡി.​എ​ഫ് സ​ർ​ക്കാ​ർ മാ​റി ഇ​ട​തു പ​ക്ഷ​മെ​ത്തി​യ​പ്പോ​ഴും ട്ര​സ്റ്റ് അ​തേ​പോ​ലെ നി​ല​കൊ​ണ്ടു. സ്വ​കാ​ര്യ ട്ര​സ്റ്റ്, മാ​നേ​ജ്മെ​ന്റ് എ​ന്ന​വ​ക്കു കീ​ഴി​ലു​ള്ള വി​ദ്യാ​ഭ്യാ​സ സ്ഥാ​പ​ന​മെ​ന്ന​ത് വി​ദ്യാ​ഭ്യാ​സ​ക​ച്ച​വ​ട​മാ​യാ​ണ് പാ​ർ​ട്ടി അ​ന്ന് ക​ണ്ട​ത്.

കാ​ല​ങ്ങ​ൾ​ക്കി​പ്പു​റം ന​യ​വും നി​ല​പാ​ടും മാ​റി. ക​മ്യൂ​ണി​സ്റ്റ് ആ​ചാ​ര്യ​ന്മാ​രു​ടെ​യും നേ​താ​ക്ക​ളു​ടെ​യും പേ​രി​ലെ​ല്ലാം ഇ​ന്ന് അ​നേ​കം സ്വാ​ശ്ര​യ ന​ഴ്സി​ങ്, എ​ൻ​ജി​നീ​യ​റി​ങ് സ്ഥാ​പ​ന​ങ്ങ​ളു​ണ്ട്. സ​ഹ​ക​ര​ണ ട്ര​സ്റ്റു​ക​ൾ​ക്ക് കീ​ഴി​ലാ​ണ് എ​ല്ലാം. വി​ദേ​ശ സ​ർ​വ​ക​ലാ​ശാ​ല​ക​ൾ​ക്ക് അ​നു​മ​തി കൊ​ടു​ക്കാ​ൻ ക​ഴി​ഞ്ഞ വ​ർ​ഷം യു.​ജി.​സി തീ​രു​മാ​ന​മെ​ടു​ത്ത​പ്പോ​ൾ സി.​പി.​എം പോ​ളി​റ്റ് ബ്യൂ​റോ ശ​ക്ത​മാ​യി എ​തി​ർ​ത്തു. വി​ദേ​ശ സ​ർ​വ​ക​ലാ​ശാ​ല​ക​ൾ രാ​ജ്യ​ത്തെ വി​ദ്യാ​ഭ്യാ​സ മേ​ഖ​ല​യെ ത​ക​ർ​ക്കു​മെ​ന്നാ​ണ് അ​ന്ന് പോ​ളി​റ്റ് ബ്യൂ​റോ ഇ​റ​ക്കി​യ പ്ര​സ്താ​വ​ന. ഈ ​പ്ര​സ്താ​വ​ന​യി​റ​ക്കി ഒ​രു വ​ർ​ഷം ക​ഴി​ഞ്ഞ ശേ​ഷ​മു​ള്ള സം​സ്ഥാ​ന ബ​ജ​റ്റി​ലാ​ണ് വി​ദേ​ശ സ​ർ​വ​ക​ലാ​ശാ​ല​ക​ൾ​ക്ക് അ​നു​കൂ​ല നി​ല​പാ​ട് സ​ർ​ക്കാ​ർ കൈ​ക്കൊ​ണ്ട​ത്. വി​ദേ​ശ സ​ർ​വ​ക​ലാ​ശാ​ല കാ​ര്യ​ത്തി​ൽ അ​ന്തി​മ തീ​രു​മാ​ന​മെ​ടു​ത്തി​ട്ടി​ല്ലെ​ന്നാ​ണ് പാ​ർ​ട്ടി സെ​ക്ര​ട്ട​റി പി​ന്നീ​ട് പ​റ​ഞ്ഞ​ത്. ഒ​രു നി​ല​ക്കും അ​നു​വ​ദി​ക്കി​ല്ലെ​ന്ന് എ​സ്.​എ​ഫ്.​ഐ​യും വ്യ​ക്ത​മാ​ക്കി. എ​ങ്കി​ലും സ​ർ​ക്കാ​റി​ന്റെ​യും പാ​ർ​ട്ടി​യു​ടെ​യും ന​യം മാ​റ്റ​മാ​യാ​ണ് ഇ​തി​നെ കാ​ണു​ന്ന​ത്.

സ്വാ​ശ്ര​യ വി​ദ്യാ​ഭ്യാ​സ ന​യ​ത്തി​ൽ പാ​ർ​ട്ടി​യു​ടെ​യും സ​ർ​ക്കാ​റി​ന്റെ​യും നി​ല​പാ​ട് മാ​റ്റ​ത്തി​ൽ പ്ര​തി​ഷേ​ധി​ച്ച് ബി.​ജെ.​പി​യി​ൽ ചേ​രു​ന്ന​താ​യി പു​ഷ്പ​ന്റെ സ​ഹോ​ദ​ര​ൻ അ​റി​യി​ച്ച​ത് വ​ലി​യ ച​ർ​ച്ച​യാ​യി​രു​ന്നു. എ​ന്നാ​ൽ, കു​ടും​ബ​വു​മാ​യി ഒ​രു ബ​ന്ധ​വു​മി​ല്ലാ​ത്ത ആ​ളാ​ണ് ബി.​ജെ.​പി​യി​ൽ ചേ​ർ​ന്ന​ത് എ​ന്ന് അ​ന്ന് പാ​ർ​ട്ടി വി​ശ​ദീ​ക​രി​ച്ചു. യു.​പി.​എ സ​ർ​ക്കാ​റി​ന്റെ കാ​ല​ത്തും വി​ദേ​ശ സ​ർ​വ​ക​ലാ​ശാ​ല​ക്ക് അ​നു​മ​തി ന​ൽ​കാ​ൻ നീ​ക്ക​മു​ണ്ടാ​യി. അ​ന്ന് മു​ന്ന​ണി​യി​ലു​ണ്ടാ​യി​രു​ന്ന സി.​പി.​എം അ​തി​നെ എ​തി​ർ​ത്തി​രു​ന്നു.