ഷൈജക്ക് മനസ്സറിയാം; മണ്ണിന്റെയും മരിച്ചവരുടെയും

മു​ണ്ട​ക്കൈ: നാ​ടി​നെ ക​ണ്ണീ​രി​ലാ​ഴ്ത്തി​യ ദു​ര​ന്ത​ത്തി​ൽ കു​ടും​ബ​ത്തി​ലെ പ​ത്തി​ല​ധി​കം പേ​രെ കാ​ണാ​താ​യ വേ​ദ​ന​യി​ലും വി​ശ്ര​മ​മി​ല്ലാ​തെ മോ​ർ​ച്ച​റി​യി​ലെ​ത്തി മൃ​ത​ദേ​ഹ​ങ്ങ​ൾ തി​രി​ച്ച​റി​ഞ്ഞ് ഉ​റ്റ​വ​ർ​ക്ക് ആ​ശ്ര​യ​മാ​വു​ക​യാ​ണ് ഷൈ​ജ ബേ​ബി. മോ​ർ​ച്ച​റി​യി​ലേ​ക്ക് കൊ​ണ്ടു​വ​ന്ന മൃ​ത​ദേ​ഹ​ങ്ങ​ളി​ൽ നൂ​റോ​ളം പേ​രെ തി​രി​ച്ച​റി​ഞ്ഞ​ത് മു​ൻ പ​ഞ്ചാ​യ​ത്ത് വൈ​സ് പ്ര​സി​ഡ​ന്റും ക​ഴി​ഞ്ഞ പ​തി​ന​ഞ്ച് വ​ർ​ഷ​മാ​യി മു​ണ്ട​ക്കൈ​യി​ൽ ആ​ശാ​വ​ർ​ക്ക​റു​മാ​യ ഷൈ​ജ​യാ​ണ്.

ദു​ര​ന്ത​ഭൂ​മി​യാ​യ മു​ണ്ട​ക്കൈ​യും ചൂ​ര​ൽ​മ​ല​യും ഷൈ​ജ ബേ​ബി​ക്ക് വെ​റും ജ​ന്മ​നാ​ട് മാ​ത്ര​മ​ല്ല. ജീ​വി​ത​ത്തി​ലെ പ​ല പ്ര​തി​സ​ന്ധി​ഘ​ട്ട​ങ്ങ​ളി​ലും താ​ങ്ങും ത​ണ​ലു​മാ​യ അ​ത്താ​ണി കൂ​ടി​യാ​ണ്. ചൂ​ര​ൽ​മ​ല​യി​ലെ ഏ​താ​ണ്ട് മു​ഴു​വ​ൻ മ​നു​ഷ്യ​രെ​യും ന​ന്നാ​യി അ​റി​യാം. അ​തു​കൊ​ണ്ടു​ത​ന്നെ ദു​ര​ന്തം ന​ട​ന്ന ആ​ദ്യ മ​ണി​ക്കൂ​റു​ക​ൾ മു​ത​ൽ ഇ​തു​വ​രെ, ദു​ര​ന്ത​ത്തി​ൽ മ​രി​ച്ച ഓ​രോ മ​നു​ഷ്യ​രെ​യും തി​രി​ച്ച​റി​യു​ന്ന​തി​ന് അ​ധി​കൃ​ത​ർ സ​ഹാ​യം തേ​ടി​യ​ത് ഷൈ​ജ​യോ​ടാ​ണ്.

ര​ണ്ടു​ത​വ​ണ മ​ല​യി​ടി​ച്ചി​ലു​ക​ളി​ൽ നി​ന്ന് ര​ക്ഷ​പ്പെ​ട്ട ഷൈ​ജ 2019ലെ ​ഉ​രു​ൾ​പൊ​ട്ട​ലി​നെ തു​ട​ർ​ന്ന് മേ​പ്പാ​ടി​യി​ലേ​ക്ക് താ​മ​സം മാ​റി​യ​താ​ണ്. എ​ങ്കി​ലും നാ​ടും നാ​ട്ടു​കാ​രെ​യും മ​റ​ന്നൊ​രു ജീ​വി​തം ഷൈ​ജ​ക്കി​ല്ലാ​യി​രു​ന്നു. പൊ​തു​പ്ര​വ​ർ​ത്ത​ക​യെ​ന്ന നി​ല​യി​ൽ നാ​ടി​ന്റെ മ​ണ്ണും മ​ന​സ്സും ക​വ​ർ​ന്നെ​ടു​ത്തു. നാ​ടി​ന്റെ മി​ടി​പ്പ​റി​ഞ്ഞ് എ​ല്ലാ ആ​വ​ശ്യ​ങ്ങ​ൾ​ക്കും മു​ന്നി​ൽ നി​ന്ന​തോ​ടെ ചൂ​ര​ൽ​മ​ല​യി​ലെ ആ​ബാ​ല​വൃ​ദ്ധം ജ​ന​ങ്ങ​ൾ​ക്കും ഷൈ​ജ സു​പ​രി​ചി​ത​യാ​യി.

സ്വ​ന്തം മ​ക​നെ തി​രി​ച്ച​റി​യാ​ൻ പ​റ്റാ​താ​യ ഉ​പ്പ​ക്കും, ബ​ന്ധു​ക്ക​ളെ തി​രി​ച്ച​റി​യാ​തെ പോ​യ നി​ര​വ​ധി​പേ​ർ​ക്കും അ​ട​യാ​ള​ങ്ങ​ൾ പ​റ​ഞ്ഞു​ന​ൽ​കി​യ മ​ണി​ക്കൂ​റു​ക​ൾ വേ​ദ​ന​യോ​ടെ​യാ​ണ് ഷൈ​ജ ഓ​ർ​ത്തെ​ടു​ക്കു​ന്ന​ത്. കു​ടും​ബ​ക്കാ​രും പ​രി​ച​യ​ക്കാ​രു​മാ​യ നി​ര​വ​ധി മ​നു​ഷ്യ​ർ ഒ​ന്നി​നു​പി​റ​കെ ഒ​ന്നാ​യി, ചി​ത​റി​പ്പോ​യ ശ​രീ​ര​ഭാ​ഗ​ങ്ങ​ളാ​യി മു​ന്നി​ൽ എ​ത്തു​മ്പോ​ഴും പ​ത​റാ​തെ നി​ൽ​ക്കാ​ൻ ഷൈ​ജ​ക്ക് ധൈ​ര്യം പ​ക​രു​ന്ന​ത് ത​ന്റെ തീ​ക്ഷ്ണ​മാ​യ ജീ​വി​താ​നു​ഭ​വ​ങ്ങ​ളാ​ണ്.