സമൂഹ മാധ്യമങ്ങളിലെ പോസ്​റ്റ്​: യുവാവിനെ ​അപായപ്പെടുത്താൻ മന്ത്രി ജലീൽ ശ്രമിച്ചെന്ന്​ പിതാവ്

എ​ട​പ്പാ​ൾ: സ​മൂ​ഹ മാ​ധ്യ​മ​ങ്ങ​ളി​ല്‍ പോ​സ്​​റ്റി​ട്ട​തി​ന് എ​ട​പ്പാ​ള്‍ സ്വ​ദേ​ശി​യെ യു.​എ.​ഇ​യി​ല്‍നി​ന്ന് നാ​ടു​ക​ട​ത്തി കേ​ര​ള​ത്തി​ലെ​ത്തി​ക്കാ​ന്‍ മ​ന്ത്രി കെ.​ടി. ജ​ലീ​ല്‍ കോ​ണ്‍സു​ലേ​റ്റി​ല്‍ സ​മ്മ​ർ​ദം ചെ​ലു​ത്തി​യെ​ന്ന സ്വ​ർ​ണ​ക്ക​ട​ത്ത്​ കേ​സ്​ പ്ര​തി സ്വ​പ്​​ന സു​രേ​ഷി​െൻറ മൊ​ഴി കു​രു​ക്കാ​കു​ന്നു. കൊ​ണ്ടോ​ട്ടി അ​ബു എ​ന്ന ഫേ​സ്​​ബു​ക്ക് പേ​ജ് അ​ഡ്​​മി​നും വ​ട്ടം​കു​ളം സ്വ​ദേ​ശി​യു​മാ​യ മു​ണ്ടേ​ക്കാ​ട്ടി​ൽ യാ​സി​റി​നെ​യാ​ണ്​ നാ​ടു​ക​ട​ത്താ​ൻ ശ്ര​മി​ച്ച​ത്.

സ​മൂ​ഹ മാ​ധ്യ​മ​ത്തി​ൽ പോ​സ്​​റ്റ്​ ചെ​യ്​​ത വി​ഡി​യോ​യി​ൽ മ​ന്ത്രി​ക്കെ​തി​രെ മോ​ശം പ​രാ​മ​ർ​ശം ന​ട​ത്തി​യെ​ന്നാ​ണ് യാ​സി​റി​നെ​തി​രാ​യ പ​രാ​തി. ഇ​തു​സം​ബ​ന്ധി​ച്ച്​ മ​ന്ത്രി​യു​ടെ പ​രാ​തിയിൽ കേ​സ് ര​ജി​സ്​​റ്റ​​ർ ചെ​യ്​​തി​രു​ന്നു. ഇ​തി​െൻറ അ​ടി​സ്ഥാ​ന​ത്തി​ൽ ആ​റു​മാ​സം മു​മ്പ്​ ര​ണ്ടു​ത​വ​ണ പൊ​ലീ​സ് വ​ട്ടം​കു​ള​ത്തെ വീ​ട്ടി​ൽ റെ​യ്​​ഡ്​ ന​ട​ത്തി. യാ​സി​റി​െൻറ പാ​സ്പോ​ർ​ട്ട് ആ​വ​ശ്യ​പ്പെ​ട്ടാ​യി​രു​ന്നു പ​രി​ശോ​ധ​ന. ഇ​തി​നു​ശേ​ഷ​മാ​ണ് യു​വാ​വി​നെ നാ​ട്ടി​ലെ​ത്തി​ക്കാ​ൻ മ​ന്ത്രി​യു​ടെ ഇ​ട​പെ​ട​ലു​ണ്ടാ​യ​തെ​ന്നാ​ണ്​ പ​റ​യു​ന്ന​ത്.

അ​തേ​സ​മ​യം, മ​ന്ത്രി​ക്കെ​തി​രെ ഗു​രു​ത​ര ആ​രോ​പ​ണ​വു​മാ​യി യാ​സി​റി​െൻറ പി​താ​വും മു​സ്​​ലിം ലീ​ഗ് ജി​ല്ല കൗ​ൺ​സി​ൽ അം​ഗ​വു​മാ​യ എം.​കെ.​എം. അ​ലി രം​ഗ​ത്തെ​ത്തി. ജ​ലീ​ലി​നെ​തി​രെ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​തി​ക​രി​ച്ച​തി​െൻറ പേ​രി​ൽ മ​ക​നെ അ​പാ​യ​പ്പെ​ടു​ത്താ​ൻ ശ്ര​മം ന​ട​ന്ന​താ​യി അ​ദ്ദേ​ഹം ആ​രോ​പി​ച്ചു. സം​ഭ​വ​ത്തി​ൽ യാ​സി​റി​െൻറ കു​ടും​ബം മ​ന്ത്രി​യു​ടെ മ​ണ്ഡ​ലം ഓ​ഫി​സി​ന്​ മു​ന്നി​ൽ വ്യാ​ഴാ​ഴ്​​ച ഉ​പ​രോ​ധം ന​ട​ത്തും. ആ​രോ​പ​ണ​ത്തെ കു​റി​ച്ച്​ മ​ന്ത്രി​യു​ടെ പ്ര​തി​ക​ര​ണം തേ​ടി​യെ​ങ്കി​ലും അ​​ദ്ദേ​ഹം പ്ര​തി​ക​രി​ക്കാ​ൻ വി​സ​മ്മ​തി​ച്ചു.