കോട്ടയം മെ​ഡി​ക്ക​ൽ കോളജിൽ നിന്ന്​ നവജാത ശിശുവിനെ തട്ടിയെടുത്തു; മണിക്കൂറിനകം യുവതി പിടിയിൽ

ഗാ​ന്ധി​ന​ഗ​ർ (കോ​ട്ട​യം): ഡോ​ക്ട​ർ ച​മ​ഞ്ഞെ​ത്തി​യ യു​വ​തി കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി ഗൈ​ന​കോ​ള​ജി വാ​ർ​ഡി​ൽ​നി​ന്ന്​ ന​വ​ജാ​ത ശി​ശു​വി​നെ ത​ട്ടി​യെ​ടു​ത്തു. ഒ​രു​മ​ണി​ക്കൂ​റി​ന​കം​ കു​ഞ്ഞി​നെ​യും ഇ​വ​രെ​യും ആ​ശു​പ​ത്രി​ക്ക്​ സ​മീ​പ​ത്തെ ബാ​ർ ഹോ​ട്ട​ലി​ൽ​നി​ന്ന്​ പൊ​ലീ​സ്​ ക​​ണ്ടെ​ത്തി. ക​ള​മ​ശ്ശേ​രി​യി​ൽ താ​മ​സി​ക്കു​ന്ന തി​രു​വ​ല്ല സ്വ​ദേ​ശി​നി നീ​തു​വാ​ണ്​ (30) കു​ഞ്ഞി​നെ ക​ട​ത്താ​ൻ ശ്ര​മി​ച്ച​ത്. കു​മ​ളി വ​ണ്ടി​പ്പെ​രി​യാ​ർ വ​ലി​യ​ത​റ​യി​ൽ ശ്രീ​ജി​ത്-​അ​ശ്വ​തി ദ​മ്പ​തി​ക​ളു​ടെ ര​ണ്ടു​ദി​വ​സം പ്രാ​യ​മാ​യ പെ​ൺ​കു​ഞ്ഞി​നെ​യാ​ണ് ത​ട്ടി​യെ​ടു​ത്ത​ത്.

വ്യാ​ഴാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​യി​രു​ന്നു സം​ഭ​വം. ഗൈ​ന​കോ​ള​ജി മൂ​ന്നാം വാ​ർ​ഡി​ലെ​ത്തി​യ ഇ​വ​ർ, ചി​കി​ത്സ രേ​ഖ​ക​ൾ പ​രി​ശോ​ധി​ച്ച​ശേ​ഷം കു​ട്ടി​ക്ക് മ​ഞ്ഞ​പ്പി​ത്തം ഉ​ണ്ടെ​ന്നും അ​തി​നാ​ൽ കു​ട്ടി​ക​ളു​ടെ ആ​​ശു​പ​ത്രി​യി​ലെ ന​ഴ്സ​റി​യി​ലേ​ക്ക് കൊ​ണ്ടു​പോ​കു​ക​യാ​ണെ​ന്നും അ​ശ്വ​തി​യോ​ടും കൂ​ടെ​യു​ണ്ടാ​യി​രു​ന്ന ശ്രീ​ജി​ത്തി​ന്‍റെ മാ​താ​വ് ഉ​ഷ​യോ​ടും പ​റ​ഞ്ഞു. ഡോ​ക്ട​റാ​ണെ​ന്ന ധാ​ര​ണ​യി​ൽ കു​ട്ടി​യെ ഇ​വ​ർ​ക്ക് കൈ​മാ​റി. കു​റ​ച്ചു​സ​മ​യം ക​ഴി​ഞ്ഞി​ട്ടും കു​ട്ടി​യെ തി​രി​കെ കൊ​ണ്ടു​വ​രാ​താ​യ​തോ​ടെ ബ​ന്ധു​ക്ക​ൾ ന​ഴ്സി​ങ് ഓ​ഫി​സി​ൽ വി​വ​രം ധ​രി​പ്പി​ച്ചു.

Full View

എ​ന്നാ​ൽ, ത​ങ്ങ​ളാ​രും കു​ട്ടി​യെ എ​ടു​ത്തി​ട്ടി​ല്ലെ​ന്ന് അ​ധി​കൃ​ത​ർ അ​റി​യി​ച്ചു. തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ത​ട്ടി​യെ​ടു​ത്ത​താ​ണെ​ന്ന്​ വ്യ​ക്ത​മാ​യ​ത്. ഇ​തോ​ടെ ഗാ​ന്ധി​ന​ഗ​ർ പൊ​ലീ​സി​ൽ വി​വ​രം അ​റി​യി​ച്ചു. പൊ​ലീ​സി​ന്‍റെ അ​ന്വേ​ഷ​ണ​ത്തി​ൽ മെ​ഡി​ക്ക​ൽ കോ​ള​ജ് കു​രി​ശു​പ​ള്ളി​ക്ക് സ​മീ​പ​ത്തെ ബാ​ർ ഹോ​ട്ട​ലി​ൽ​ ക​ണ്ടെ​ത്തു​ക​യാ​യി​രു​ന്നു. ഇ​വ​രോ​ടൊ​പ്പം ആ​റു​വ​യ​സ്സു​ള്ള കു​ട്ടി​യും ഉ​ണ്ടാ​യി​രു​ന്നു. പൊ​ലീ​സ്​ കു​ഞ്ഞി​നെ ഉ​ട​ൻ അ​മ്മ​ക്ക​രി​കി​ലെ​ത്തി​ച്ചു. ഗാ​ന്ധി​ന​ഗ​ർ സ്​​റ്റേ​ഷ​നി​ലെ​ത്തി​ച്ച ഇ​വ​രെ എ​സ്.​പി ഡി. ​ശി​ൽ​പ, ഡി​​വൈ.​എ​സ്.​പി സു​രേ​ഷ്​ കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ചോ​ദ്യം​ചെ​യ്തു​വ​രു​ക​യാ​ണ്.

ഇ​വ​രു​ടെ ബാ​ഗി​ൽ​നി​ന്ന്​ ഡോ​ക്ട​റു​ടെ വ​സ്ത്ര​വും ക​ളി​പ്പാ​ട്ട​ങ്ങ​ളും ക​ണ്ടെ​ടു​ത്തു. പ​ര​സ്പ​ര​വി​രു​ദ്ധ​മാ​യാ​ണ്​ ആ​ദ്യം സം​സാ​രി​ച്ച​ത്. ഇ​വ​ർ ഏ​താ​നും ദി​വ​സ​ങ്ങ​ളാ​യി ആ​ശു​പ​ത്രി പ​രി​സ​ര​ത്ത് ഉ​ണ്ടാ​യി​രു​ന്ന​താ​യി രോ​ഗി​ക​ളു​ടെ കൂ​ട്ടി​രി​പ്പു​കാ​ർ പ​റ​യു​ന്നു. ക​ഴി​ഞ്ഞ​യാ​ഴ്ച ഡെ​ന്‍റ​ൽ കോ​ള​ജി​ൽ ഡോ​ക്ട​ർ ച​മ​ഞ്ഞെ​ത്തി​യ​ത്​ ഇ​വ​രാ​ണെ​ന്ന്​ സം​ശ​യ​മു​ണ്ടെ​ന്ന്​ ആ​ർ.​എം.​ഒ ഡോ. ​ആ​ർ.​പി. ര​ഞ്ചി​ൻ പ​റ​ഞ്ഞു.

അ​ശ്വ​തി​യു​ടെ ര​ണ്ടാ​മ​ത്തെ പ്ര​സ​വ​മാ​ണി​ത്. നാ​ലു​വ​യ​സ്സു​ള്ള മ​റ്റൊ​രു പെ​ൺ​കു​ട്ടി ദ​മ്പ​തി​ക​ൾ​ക്കു​ണ്ട്. വി​വ​ര​മ​റി​ഞ്ഞ് മ​ന്ത്രി വി.​എ​ൻ. വാ​സ​വ​ൻ ആ​ശു​പ​ത്രി​യി​ലെ​ത്തി ദ​മ്പ​തി​ക​ളി​ൽ​നി​ന്ന്​ വി​വ​രം തേ​ടി.