ഒരു പെറ്റി കേസ് പോലുമില്ല; വെള്ളിക്കുളങ്ങര സ്​റ്റേഷനിലെ റൗഡി പട്ടികയിൽ അജിത് കൊടകര ഒന്നാമൻ, വിശദീകരണവുമായി പൊലീസ്​

തൃശൂർ: പരാതിപ്പെട്ടയാളെ റൗഡി ലിസ്​റ്റിൽ ഉൾപ്പെടുത്തി േകരള പൊലീസി​െൻറ 'മാതൃക'. തൃശൂർ റൂറൽ പരിധിയിലെ വെള്ളിക്കുളങ്ങര പൊലീസ് സ്​റ്റേഷനിലെ റൗഡി പട്ടികയിൽ ഒന്നാമനാണ് അജിത് കൊടകര.

സ്​റ്റേഷൻ പരിധിയിൽ ഒരു പെറ്റി കേസ് പോലുമില്ലെന്ന് പൊലീസ് വിവരാവകാശ നിയമപ്രകാരം മറുപടി നൽകിയിരിക്കെയാണ് റൗഡി ലിസ്​റ്റിൽ ഉൾപ്പെടുത്തിയത്. വെള്ളിക്കുളങ്ങര സ്​റ്റേഷൻ പരിധിയിലെ കാട്ടിക്കുളം സ്വദേശിയാണ് ഇദ്ദേഹം.

സ്‌റ്റേഷനിൽ കഴിഞ്ഞ രണ്ട് വർഷ കാലയളവിലെ റൗഡി ലിസ്​റ്റിലാണ് വിവരാവകാശ പൊതുപ്രവർത്തകൻ കൂടിയായ അജിത് കൊടകരയുടെ പേരുള്ളത്. എന്നാൽ, അജിത്തിനെതിരെ ഒരൊറ്റ കേസ് പോലുമില്ലെന്ന് ഇവിടത്തെ രേഖകൾ വ്യക്തമാക്കുന്നു.

പൊലീസ് ചാർത്തിക്കൊടുത്ത റൗഡി ലിസ്​റ്റി​െൻറ അലങ്കാരത്തിൽ നാട്ടുകാർക്കും വീട്ടുകാർക്കുമിടയിൽ നടക്കാനാകാത്ത അവസ്ഥയിലാണ് അജിത്. വെള്ളിക്കുളങ്ങര സ്​റ്റേഷനിലെ ചില പൊലീസ് ഉദ്യോഗസ്ഥർക്കും ചാലക്കുടി ഡിവൈ.എസ്.പിക്കുമെതിരെ അജിത് പരാതി നൽകിയിരുന്നു.

കേരളത്തിൽ ആദ്യമായി പൊലീസുകാർക്കെതിരെ എൻഫോഴ്സ്മെൻറ് ഡയറക്ടറേറ്റ് കേസെടുത്തത് അജിതി​െൻറ പരാതിയിലായിരുന്നു. ഇതാണ് പൊലീസുകാർക്കുള്ള വിരോധമെന്ന് അജിത്​ പറയുന്നു. മാനഭംഗക്കേസ് ഒതുക്കിയതിന് പ്രതിഫലമായി വൻ തുക കൈപ്പറ്റിയെന്ന അജിത്തി​െൻറ പരാതിയിലാണ് നാല് പൊലീസുകാർക്കെതിരെ എൻഫോഴ്സ്മെൻറ് ഡയറക്ടറേറ്റ് കേസെടുത്തത്.

അജിത്തിനെതിരെ വെള്ളിക്കുളങ്ങര സ്​റ്റേഷനിൽ കേസുകൾ ഇല്ലെങ്കിലും തൊട്ടടുത്ത കൊടകര സ്​റ്റേഷനിൽ ഇരുചക്രവാഹനത്തിൽ മദ്യം കൊണ്ടുപോയ കേസുണ്ടെന്നും ഇതി​െൻറ അടിസ്ഥാനത്തിലാണ് റൗഡി ലിസ്​റ്റിൽ ഉൾപ്പെടുത്തിയതെന്നുമാണ് പൊലീസി​െൻറ വിശദീകരണം.

എന്നാൽ, ചട്ടപ്രകാരം നാലോ അതിലധികമോ ക്രിമിനൽ കേസിൽ ഉൾപ്പെട്ടവരെയാണ് റൗഡി ലിസ്​റ്റിൽ ഉൾപ്പെടുത്തുക. ഇവിടെ അതും ലംഘിക്കപ്പെട്ടു. പൊലീസി​െൻറ പ്രതികാര നടപടിയിൽ വിട്ടുവീഴ്ചക്കില്ലെന്ന നിലപാടിലാണ് അജിത്. ത​െൻറ പേരിൽ പൊലീസ് ചാർത്തിയ റൗഡി പട്ടം മാറ്റിക്കിട്ടാൻ മുഖ്യമന്ത്രിക്കും ഡി.ജിപിക്കും പരാതി നൽകി.

നേര​േത്ത ചേലക്കരയിൽ ആരോടും വഴക്കിന് പോകാത്ത അസുഖബാധിതനായയാളെ പൊലീസ് റൗഡി ലിസ്​റ്റിൽ ഉൾപ്പെടുത്തിയത് ഏറെ വിവാദത്തിനിടയാക്കിയിരുന്നു. മനുഷ്യാവകാശ കമീഷനും പൊലീസ് കം​െപ്ലയിൻറ് അതോറിറ്റിയും ഇടപെട്ടാണ് ഇത് തിരുത്തിയത്.