പൊലീസിൽ ആളില്ല; ഇതര സംസ്ഥാനക്കാരുടെ കണക്കെടുപ്പ് വീണ്ടും പാളി

തി​രു​വ​ന​ന്ത​പു​രം: അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ പ്ര​തി​ക​ളാ​യ കേ​സു​ക​ൾ വ​ർ​ധി​ക്കു​മ്പോ​ഴും നീ​രീ​ക്ഷ​ണ​ത്തി​ന്​ പൊ​ലീ​സ് സ്റ്റേ​ഷ​നു​ക​ൾ കേ​ന്ദ്രീ​ക​രി​ച്ച്​ ന​ട​പ്പാ​ക്കി​യ പ​ദ്ധ​തി​ക​ൾ പാ​ളി. സ്റ്റേ​ഷ​നു​ക​ളി​ൽ മ​തി​യാ​യ പൊ​ലീ​സു​കാ​രി​ല്ലാ​ത്ത​തും തൊ​ഴി​ലാ​ളി​ക​ളെ കൊ​ണ്ടു​വ​രു​ന്ന ക​രാ​റു​കാ​രു​ടെ അ​ലം​ഭാ​വ​വു​മാ​ണ് തി​രി​ച്ച​ടി​യാ​യ​ത്.

പെ​രു​മ്പാ​വൂ​രി​ൽ 2016ൽ ​ഇ​ത​ര സം​സ്ഥാ​ന​ക്കാ​ര​ന്‍റെ ആ​ക്ര​മ​ണ​ത്തി​ൽ നി​യ​മ വി​ദ്യാ​ർ​ഥി​നി കൊ​ല്ല​പ്പെ​ട്ട​തി​ന് പി​ന്നാ​ലെ​യാ​ണ് ഡി.​ജി.​പി​യു​ടെ നി​ർ​ദേ​ശ​പ്ര​കാ​രം സ്റ്റേ​ഷ​നു​ക​ളി​ൽ മൈ​ഗ്ര​ന്‍റ് ലേ​ബ​ർ ര​ജി​സ്റ്റ​ർ കൊ​ണ്ടു​വ​ന്ന​ത്. ഓ​രോ സ്റ്റേ​ഷ​ൻ പ​രി​ധി​യി​ലെ​യും അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളു​ടെ ഫോ​ട്ടോ​യും തി​രി​ച്ച​റി​യ​ൽ കാ​ർ​ഡ്​ കോ​പ്പി​യും ആ​ധാ​റും ര​ജി​സ്റ്റ​റി​ൽ ചേ​ർ​ക്ക​ണ​മെ​ന്നും വ​ര​വും പോ​ക്കും കൃ​ത്യ​മാ​യി രേ​ഖ​പ്പെ​ടു​ത്ത​ണ​മെ​ന്നും നി​ർ​ദേ​ശി​ച്ചി​രു​ന്നു.

ഇ-​ര​ക്ഷ പോ​ലു​ള്ള മൊ​ബൈ​ൽ ആ​പ്പും ഇ​റ​ക്കി. എ​ന്നാ​ൽ, മ​തി​യാ​യ പൊ​ലീ​സു​കാ​രി​ല്ലാ​തെ വ​ന്ന​തോ​ടെ ക​ണ​ക്കെ​ടു​പ്പും നി​രീ​ക്ഷ​ണ​വും സ​ർ​ക്കു​ല​റി​ൽ ഒ​തു​ങ്ങി. എ​റ​ണാ​കു​ളം ക​ഴി​ഞ്ഞാ​ൽ ഏ​റ്റ​വും കൂ​ടു​ത​ൽ തൊ​ഴി​ലാ​ളി​ക​ളെ​ത്തു​ന്ന​ത് തി​രു​വ​ന​ന്ത​പു​രം ജി​ല്ല​യി​ലാ​ണ്. എ​ന്നാ​ൽ, തി​രു​വ​ന​ന്ത​പു​രം സി​റ്റി പ​രി​ധി​യി​ലെ വി​വി​ധ സ്റ്റേ​ഷ​നു​ക​ളി​ൽ 352 ത​സ്തി​ക​ക​ളാ​ണ് ഒ​ഴി​ഞ്ഞു​കി​ട​ക്കു​ന്ന​ത്.

അ​ടി​യ​ന്ത​ര സേ​വ​നം ന​ൽ​കേ​ണ്ട പൊ​ലീ​സ് ക​ൺ​ട്രോ​ൾ റൂ​മി​ൽ ഏ​ഴ് എ​സ്.​ഐ ത​സ്തി​ക​യ​ട​ക്കം 68 ഉ​ദ്യോ​ഗ​സ്ഥ​രു​ടെ​യും വ​നി​ത സെ​ല്ലി​ൽ 38 പേ​രു​ടെ​യും വ​നി​ത സ്റ്റേ​ഷ​നി​ൽ ഒ​മ്പ​തു​പേ​രു​ടെ​യും കു​റ​വു​ണ്ട്. ടൂ​റി​സം മേ​ഖ​ല​ക​ളു​ടെ സു​ര​ക്ഷ​ക്കാ​യി അ​നു​വ​ദി​ച്ച​തി​ൽ 26 ത​സ്തി​ക മാ​സ​ങ്ങ​ളാ​യി ഒ​ഴി​വാ​ണ്.

ബം​ഗ്ലാ​ദേ​ശ്, നേ​പ്പാ​ൾ, മ്യാ​ന്മ​ർ എ​ന്നി​വി​ട​ങ്ങ​ളി​ൽ​നി​ന്നു പോ​ലും തൊ​ഴി​ലാ​ളി​ക​ളെ​ന്ന വ്യാ​ജേ​ന കൊ​ടും​കു​റ്റ​വാ​ളി​ക​ൾ വ്യാ​ജ തി​രി​ച്ച​റി​യ​ൽ കാ​ർ​ഡു​മാ​യി സം​സ്ഥാ​ന​ത്തെ​ത്തു​ന്നു​ണ്ടെ​ന്ന ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ന്‍റെ റി​പ്പോ​ർ​ട്ടി​ലും കാ​ര്യ​മാ​യ ന​ട​പ​ടി​യു​ണ്ടാ​യി​ട്ടി​ല്ല.

മ​റ്റു സം​സ്ഥാ​ന​ങ്ങ​ളി​ൽ കു​റ്റ​കൃ​ത്യ​ങ്ങ​ളി​ൽ പെ​ട്ട് കേ​ര​ള​ത്തി​ൽ ഒ​ളി​വി​ൽ താ​മ​സി​ക്കു​ന്ന​വ​രും ഏ​റെ​യാ​ണ്. തൊ​ഴി​ലാ​ളി​ക​ളെ കൊ​ണ്ടു​വ​രു​ന്ന​വ​ർ അ​വ​രു​ടെ മു​ഴു​വ​ൻ വ്യ​ക്തി വി​വ​ര​ങ്ങ​ളും ലേ​ബ​ർ ഓ​ഫി​സി​ലും പൊ​ലീ​സ് സ്റ്റേ​ഷ​നി​ലും ന​ൽ​ക​ണ​മെ​ന്ന് നി​ർ​ദേ​ശ​മു​ണ്ടെ​ങ്കി​ലും ആ​രും പാ​ലി​ക്കാ​റി​ല്ല.

ആ​റു​വ​ർ​ഷ​ത്തി​നി​ടെ 118 കൊ​ല​ക്കേ​സ്​

തി​രു​വ​ന​ന്ത​പു​രം: 2016 മു​ത​ൽ 2022 വ​രെ159 ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ പ്ര​തി​ക​ളാ​യ 118 കൊ​ല​ക്കേ​സാ​ണു​ണ്ടാ​യ​ത്. ക്രി​മി​ന​ൽ പ​ശ്ചാ​ത്ത​ല​മു​ള്ള​വ​ർ കേ​ര​ള​ത്തി​ലെ​ത്തു​ന്ന​ത് ത​ട​യു​ന്ന ത​ര​ത്തി​ൽ നി​യ​മ​നി​ർ​മാ​ണം ന​ട​പ്പാ​കു​മെ​ന്ന് തൊ​ഴി​ൽ മ​ന്ത്രി വി. ​ശി​വ​ൻ​കു​ട്ടി അ​റി​യി​ച്ചി​രു​ന്നെ​ങ്കി​ലും കാ​ര്യ​മാ​യ പു​രോ​ഗ​തി​യു​ണ്ടാ​യി​ട്ടി​ല്ല. തൊ​ഴി​ൽ വ​കു​പ്പി​ന്‍റെ ക​ണ​ക്ക്​ പ്ര​കാ​രം 5.14 ല​ക്ഷം അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളാ​ണ് കേ​ര​ള​ത്തി​ലു​ള്ള​ത്.

എ​ന്നാ​ൽ, ആ​ഭ്യ​ന്ത​ര വ​കു​പ്പി​ന്‍റെ അ​നൗ​ദ്യോ​ഗി​ക ക​ണ​ക്കു​പ്ര​കാ​രം ഏ​ക​ദേ​ശം ഇ​ത്ത​രം 30 ല​ക്ഷം പേ​ർ കേ​ര​ള​ത്തി​ൽ പ​ണി​യെ​ടു​ക്കു​ന്നു​ണ്ട്. 10 വ​ർ​ഷ​ത്തി​ന​കം സം​സ്ഥാ​ന ജ​ന​സം​ഖ്യ​യു​ടെ ആ​റി​ലൊ​ന്ന് ഇ​ത​ര സം​സ്ഥാ​ന​ക്കാ​രാ​യി​രി​ക്കു​മെ​ന്നാ​ണ് ആ​സൂ​ത്ര​ണ ബോ​ർ​ഡ്​ വി​ല​യി​രു​ത്ത​ൽ.