തിരുവനന്തപുരം നഗരത്തിന്‍റെ മേയറായി തെരെഞ്ഞടുക്കപ്പെട്ട ആര്യാ രാജേന്ദ്രനെ അഭിനന്ദിച്ച് വിവാദ വ്യവസായി ഗൗതം അദാനി. സ്വന്തം ട്വിറ്റർ അകൗണ്ടിലാണ് അദാനി അഭിനന്ദനം അറിയിച്ചത്. 'തിരുവനന്തപുരത്തിേന്‍റയും ഇന്ത്യയിലെതന്നേയും ഏറ്റവും പ്രായം കുറഞ്ഞ മേയറായ ആര്യാ രാജേന്ദ്രന് അഭിനന്ദനങ്ങൾ. ഇന്ത്യയുടെ ജനസംഖ്യാ ലാഭവിഹിതം ഏറ്റവും മികച്ചതും തികച്ചും അതിശയകരവുമാണ്. യുവ രാഷ്ട്രീയ നേതാക്കൾ വഴികൾ രൂപപ്പെടുത്തുകയും മറ്റുള്ളവരെ പിന്തുടരാൻ പ്രേരിപ്പിക്കുകയും ചെയ്യുന്നത് ഇങ്ങനെയാണ്. ഇതാണ് അവിശ്വസനീയമായ ഇന്ത്യ' -അദാനി ട്വിറ്ററിൽ കുറിച്ചു. ആര്യയുടെ വിജയാഘോഷത്തിന്‍റെ ദൃശ്യങ്ങളും അദാനി പങ്കുവച്ചിട്ടുണ്ട്.
രാജ്യത്തിനകത്തും പുറത്തും നിരവധി വ്യവസായ സ്ഥാപനങ്ങളുള്ള അദാനി ഗ്രൂപ്പിന്‍റെ ഉടമയാണ് ഗൗതം അദാനി. തിരുവനന്തപുരത്ത് സവിശേഷമായ ചില വ്യാപാര താൽപ്പര്യങ്ങളും അദാനി ഗ്രൂപ്പിനുണ്ട്. വിഴിഞ്ഞം തുറമുഖത്തിന്‍റെ നിർമാണം നടത്തുന്നത് അദാനി ഗ്രൂപ്പാണ്. തിരുവനന്തപുരം വിമാനത്താവളവും നിലവിൽ അദാനി ഗ്രൂപ്പിന്‍റെ ഉടമസ്ഥതയിലാണ്. മുടവൻമുകൾ വാർഡിൽ നിന്നുള്ള അംഗമാണ് മേയറായ ആര്യാ രാജേന്ദ്രൻ. ആര്യ മേയറാകുന്നതോടെ രാജ്യത്തെ തന്നെ ഏറ്റവും പ്രായം കുറഞ്ഞ മേയറെന്ന അപൂര്‍വ നേട്ടമാണ് ആര്യക്കും തിരുവനന്തപുരത്തിനും സ്വന്തമാകുന്നത്.
Congratulations to Thiruvananthapuram's and India's youngest Mayor, Arya Rajendran. Absolutely stunning and India's demographic dividend at its best. This is how young political leaders shape paths and inspire others to follow. This is Incredible India!https://t.co/a0NI2gGbZI
— Gautam Adani (@gautam_adani) December 27, 2020
നേരത്തെ മേയര്‍ സ്ഥാനത്തേക്ക് പല പേരുകള്‍ ഉയര്‍ന്നിരുന്നുവെങ്കിലും അപ്രതീക്ഷിതമായാണ് ആര്യക്ക് നറുക്ക് വീണത്. യുവ വനിതാ നേതാവ്, പൊതുസമ്മതിയുള്ള മുഖം മേയറായി വരുന്നത് എല്ലാം പാര്‍ട്ടിക്ക് ഗുണം ചെയ്യുമെന്നാണ് പാര്‍ട്ടിയുടെ കണക്ക് കൂട്ടല്‍. ആള്‍ സെയിന്‍റ്സ് കോളേജിലെ ബിഎസ്.സി മാത്‌സ് വിദ്യാർഥിനിയായ ആര്യ എസ്.എഫ്.ഐ സംസ്ഥാന കമ്മിറ്റി അംഗം, സി.പി.എം കേശവദേവ് റോഡ് ബ്രാഞ്ച് കമ്മിറ്റി അംഗം, ബാലസംഘം സംസ്ഥാന പ്രസിഡന്‍റ് എന്നീ നിലകളില്‍ പ്രവര്‍ത്തിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.